• Blog
  • Sanskrit
  • About
  • indrajālaṃ

    See also indrajāla, indrajālam.


    Śabdakalpadruma

    ☞ vol. 1, p. 206.
    indrajālaṃ , klī, (indrāṇāmindriyāṇāṃ jālaṃ āva-
    rakam . yadvā indrasya parameśvarasya jālaṃ māyā
    iva .) māyākarmma . bhojavāji, bhelki ityādi
    bhāṣā . tatparyyāyaḥ . kuhakaṃ 2 jālaṃ 3 kusṛtiḥ 4 .
    tadvivaraṇagrantho yathā, —
    “athātaḥ saṃpravakṣyāmi cendrajālamanuttamam .
    vyādhidāridraharaṇaṃ jarāmṛtyuvināśanam ..
    indrasya yo na jānāti jāleśaṃ rudrabhāṣitam .
    nigrahānugrahe tasya kā śaktiḥ parameśvari ! ..
    na teṣāṃ jāyate siddhirgotre kṣetre gṛhe'pi vā .
    indrajālaṃ na jānāti sa kruddhaḥ kiṃ kariṣyati ..
    na jīvati varārohe saṃsāre duḥkhasāgare .
    indrajālaṃ na jānāti kutaḥ saukhyaṃ bhavettataḥ ..
    kautūhalaṃ kutasteṣāṃ kutaḥ kāmā varānane ! .
    saṃsārasāgare ghore kāmalubdhāśca mānavāḥ .
    rudrakarmma na hi teṣāṃ kutaḥ saukhyaṃ vidhīyate ..
    yathā nadaunadāḥ sarvve sāgare samupāgatāḥ .
    tathā sarvvāṇi śāstrāṇi indrajālasthitāni ca ..
    taptānāñca yathā bhānuḥ śītalānāṃ yathā śaśo .
    gambhīrāṇāṃ yathā simdhurjālendrañca tathā priye ! .
    tathā kiṃ bahunoktena varṇanena punaḥ punaḥ .
    jālendrasya samaṃ śāstraṃ na bhūtaṃ na bhaviṣyati” .. * ..
    “athātaḥ saṃpravakṣyāmi oṣadhīnāṃ vidhiṃ vare .
    yena vijñānamātreṇa sarvvasiddhirbhaviṣyati ..
    mahākālasya vījāni prasthamekaṃ samāharet .
    dhātrīrasena deveśi ! sapta vārān vibhāvayet” ..
    guṭikā karttavyā tāṃ guṭikāṃ mukhe nikṣipya
    pārāvato bhavati .. 1 .. “athātaḥ saṃpravakṣyāmi
    śṛṇu tvaṃ mama vallabhe . chāgasya śīrṣaṃ saṃgṛhya kṛṣṇa-
    mṛttikāṃ pūrayitvā punardhustūravījāni vāpayet kāle
    tāni puṣpitāni bhavanti tadā yasyopari nikṣi-
    pet sa chāgo bhavati .. 2 .. mayūraśīrṣamādāya
    kṛṣṇacaturdaśyāṃ mṛttikāṃ pūrayet śaṇavījāni vāpa-
    yet yadā phalito puṣpito bhavati tadā śaṇa-
    vījāni grīvāyāṃ bandhayet tena mayūro bhavet .. 3 ..
    kṛṣṇacaturdaśyāṃ mayūraśīrṣamādāya kṛṣṇamṛttikāṃ
    pūrayet kārpāsavījāni vāpayet yadā phalitāḥ
    puṣpitā bhavanti puṣpaphale saṃgṛhya samastaṃ peṣayitvā
    aṅgaṃ vilipya pānīyamadhye praviśya tathā jale
    tiṣṭhet yathā sthale .. 4 .. kṛṣṇa-kāka-śīrṣamādāya
    kākamācīvījāni vāpayet yadā phalitāḥ
    puṣpitā bhavanti tatphalaṃ saṃgṛhya mukhe prakṣipya
    kāko bhavati kāka iva gacchati mahyā udgīrṇe
    mokṣaḥ .. 5 .. pārāvataśīrṣamādāya kṛṣṇamṛttikāṃ
    pūrayitvā tilavījāni vāpayet kṣīrodakena siñca-
    nīyaṃ yadā puṣpitā bhavanti tadā mukhe saṃsthāpya
    antarhito bhavet .. 6 .. teṣāṃ phalānāṃ cūrṇaṃ kṛtvā
    tena cūrṇena yaṃ spṛśati sa kiṅkaro bhavet sarvvasvaṃ
    dadāti .. 7 .. tāni tilāni saṃgṛhya netrāñjanena
    saha piṣṭvā kapilādugdhena guṭikāṃ kārayet .
    saptarātraṃ pācayet . tāṃ guṭikāṃ mukhe nikṣipya
    antarhito bhavati devairapi na dṛśyate manuṣyāṇāṃ
    kā kathā . udgīrṇena puruṣo bhavati . jīvedvarṣaśataṃ
    striyaḥ sarvve janāśca vaśyā bhavanti .. 8 .. gṛdhraśiraḥ
    samādāya kṛṣṇacaturdaśyāṃ kṛṣṇamṛttikāṃ nikṣepet
    laśunavījāni vāpayet yadā phalaṃ puṣpaṃ bhavati tadā
    puṣyanakṣatre puṣpaṃ gṛhītvā añjanena saha kapilā-
    ghṛtena kajjalaṃ pātayet cakṣurañjanīyaṃ tāvat yojana-
    śataṃ paśyati medinīṃ divā nakṣatrāṇyapi paśyati
    lābhastasya . kiñcit karttumicchati tat karoti
    na saṃśayaḥ .. 9 .. anye ca sarvve jīvāḥ evaṃ uṣṭra-
    gaddhabhamahiṣyādilaghuvṛhajjīvāḥ . yat yat vījaṃ
    yasya śirasi vāpayet yadā puṣpitaḥ phalito
    bhavati tadā yasya vījāni mukhe nikṣipyante sa
    jīvo bhavati nātra sandehaḥ .. 10 .. * .. atha
    sarvveṣāṃ dhāraṇamantraḥ . om̐ hrīṃ hrīṃ hreṃ aiṃ laṃ laṃ om̐
    bhau svāhā . ekādaśākṣaro manurasya puraścaraṇaṃ
    lakṣajapaḥ . daśāṃśahomaḥ ghṛtena tarpaṇaṃ mārjanaṃ
    brāhmaṇabhojanādikaṃ kārayitvā siddhirbhavati .. * ..
    atha vaśyādhikāraḥ .
    “mātuluṅgasya mūlantu dhustūravījakena ca .
    palāṇḍupuṣpamādāya sūkṣmacūrṇant kārayet ..
    yo'sya gandhaṃ samāghrāti sa ca snehena paśyati .
    dundubhiṃ paṭahāṃścaiva śaṅkhāṃścaiva tu lepayet ..
    eṣa bhūtopasṛṣṭānāṃ kumārīṇāṃ gṛheṣu ca .
    bhṛpateḥ sevyamānānāṃ tathāpatyāpajīvināṃ ..
    na cāgnirdahyate veśma yatraiṣa so'gado bhavet” .
    atra mantraḥ .
    om̐ “raktacāmuṇḍe amukaṃ me vaśamānaya hrīm̐ hrīṃ
    hūṃ phaṭ . ayutaṃ japtavyam . om̐ namo'stu ādityāya
    kili kili cili cili dhūmaṃ lihi yakṣiṇi
    modate hi śākini anidudruśūlapāṇi svāhā ..
    varṇāḥ 40 śilākṛtike mantre . om̐ namo guhā-
    vāsinyai guhapati guhile manojavo om̐ eṃ om̐
    vijve namaḥ . śilāyāḥ kṛtiḥ karalikhitā khadi-
    rānalasantaptaliṅgā yato navayoṣito'pi āka-
    rṣaṇaṃ . varṇāḥ 26 . om̐ namaḥ kapālarudrāya sarvva-
    lokavaśaṅkarāya anāthāyāpratihatabalavīryyaparā-
    kramaprabhavāya hā hā he he paca paca māraya māraya
    kapaṭa kapaṭa kāṭa sarpa karmmakari amukaṃ me vaśa-
    mānaya svāhā . 77 . varṇāḥ ayutajapādvaśī-
    karoti .. * .. anyaprakāraḥ .
    “pārāvatasya hṛdayaṃ cakṣurjihvā ca śoṇitam .
    añjanaṃ rocanayutaṃ vanitāvaśakṛt param” ..
    tatra mantraḥ . om̐ naya naya mahāriṇi namo devyai
    svāhā .. 15 .. ekaviṃśativārān parijapya siddhi-
    rbhavati .. * .. anyaprakāraḥ .
    “kapālaṃ mānuṣaṃ gṛhyaṃ kanakasya phalāni ca .
    karpūraṃ madhusaṃyuktaṃ nighṛṣya tilakena ca ..
    nārī vā puruṣo'nena vaśyo bhavati nityaśaḥ .
    eṣa kāpāliko yogo vaśiṣṭhasya śubhaṃmatam” .. * ..
    anyaprakāraḥ . puruṣārthī .
    “karpūraṃ vālukaṃ lākṣā rajasā saptabhāvitaṃ .
    ratikāle bhagaṃ lipya patirdāso bhaviṣyati” .. * ..
    anyaprakāraḥ .
    “narajihvāṃ mamuddhṛtya sūhmacūrṇantu kārayet .
    jalena ca suśītena dāpayet tadvicakṣaṇaḥ ..
    pāne phale ca puṣpe ca bhakṣye bhojye ca dāpayet .
    prajāpatikulodbhūtā yadi sākṣādarundhatī ..
    sābhisaktā priyaṃ yāti nānyaṃ puruṣamicchati” .. * ..
    anyaprakāraḥ .
    “kanakañcāpyapāmārgaṃ surasā gaurasarṣapāḥ .
    tilatailena piṣṭvāpi yonilepaḥ praśasyate” ..
    atra mantraḥ . om̐ nama śayyāyai dari vidari yā-
    mini amukaṃ me vaśamānaya svāhā .. * .. anya-
    prakāraḥ . haritālaṃ śmaśāne kṛṣṇacaturdaśyāṃ kṣiptvā
    kuṣṭhavimiśraṃ grāhyaṃ avaśyaṃ vaśī bhavet sa naraḥ .. * ..
    anyaprakāraḥ . ṛtunavalocanatālālalāṭāsthi-
    bāṇasādhitaṃ tailaṃ sakalamanujendralalanāvaśaṅkaraṃ
    makarālaye puṣye . naratailaṃ pretāmbaravarktikaṃ kṛtvā
    mātre rātrau prajvālyārkavṛkṣaskandhe kajjalaṃ kṛtvā
    cakṣuṣī abhyañjayet yaṃpaśyati sa vaśyo bhavati .. * ..
    anyaprakāraḥ .
    “karṇadantamalaṃ lālā svadehākṣimalatrayam .
    nāsikodbhavaraktañca cūrṇametadbalāyutam ..
    etat sarvvaṃ samuddhṛtya guṭikāṃ kārayedbudhaḥ .
    pānabhojanake deyā vaśīkaraṇamuttamam” .. * ..
    anyaprakāraḥ .
    kākajihvā vacā kuṣṭhaṃ ātmano rudhiraṃ striyaḥ .
    tadbhāvitañca mañjiṣṭhā tagaraṃ gaurasarṣapāḥ ..
    śivanirmālyasaṃyuktaṃ samabhāgāni kārayet .
    bhojye pāne'thavā deyāḥ strīṇāntu vaśakārakāḥ ..
    nityaṃ puruṣamicchantī mṛtamapyanugacchati .. * ..
    anyaprakāraḥ . kṛṣṇasarpamapyaṅgulapramāṇaṃ śira-
    śchitvāsyāsyaṃ sarṣapādibhiḥ pūrayitvā chāyāśuṣkaṃ
    śoṣayet . parataḥ sarṣapān grāhayitvā tāni
    yasmai dīyate sa vaśyo bhavati .. * .. anyaprakāraḥ ..
    pūgīphalaṃ nirgilitvāpānamārga nirgataṃ gṛhyadhustūra-
    rasāntaritaṃ kṛtvā saptadināni pūjayet .. punaḥ
    kuṅkumacandanairadhibhāvya yasmai dīyate sa vaśyo
    bhavati .. * .. anyaprakāraḥ .
    “dardurayugmaṃ gṛhītvā taddhūmena dāhayet .
    tadbhasma saha pānena vaśyakṛt paramo mataḥ” .. * ..
    anyaprakāraḥ .
    “ajagandhasya patrāṇi vacā kuṣṭhena māvayet .
    śmaśānabhasmasaṃyuktaṃ cūrṇañcettriṣu durlabham ..
    anenaiva tu cūrṇena joṭayet triśca pādapam .
    puṣpitaṃ phalitaṃ dṛṣṭvā cūrṇaṃ vṛkṣādvilagnayet .
    tatkṣaṇāt phalate vṛkṣo naranārīṣu kā kathā .. * ..
    anyaprakāraḥ .
    “jihvāmūle saptarātraṃ saindhavenāpi miśritam .
    dadāti yasya pāneṣu so'pi vaśyo bhavet kṣaṇāt” .. *
    anyaprakāraḥ .
    “gopittaṃ saindhavañcaiva vṛhatīphalameva ca .
    lepametat prayoktavyaṃ naranārīvaśaṅkaram” .. * ..
    anyaprakāraḥ .
    “bālāmūlaṃ cūrṇayitvā raktaretaḥsamanvitaḥ .
    dadyāt pānena pramadāṃ kṣiprameva vaśaṃ nayet ..
    puttrādiñca dhanaṃ tyaktvā dāsīvat bhavati tu sā .
    yatra vā nīyate tatra paścāt bhramati vihvalā” .. * ..
    anyaprakāraḥ . valmīkamṛttikāyāḥ pratikṛtiṃ kṛtvā
    kṣīreṇa snāpya ājyena vā abhyajya tasya lavaṇāhuti-
    mekaviṃśativāraṃ juhuyāt trirātreṇa vaśyo bhavati
    saptarātreṇāthavā . devīñca gāndhārīṃ yakṣiṇīṃ śakra-
    syāpi patnīṃ vaśamānayati .. * .. anyaprakāraḥ .
    “udgātuḥ pakṣiṇo malamātmano rudhirānvitam .
    strīpuṃsayoḥ pradātavyaṃ vaśīkaraṇamuttamam” ..
    atra mantraḥ . triśūline trinetrāya hili hili
    svāhā . varṇāḥ 14 . saptajaptena siddhiḥ .. * ..
    anyaprakāraḥ .
    “kṛṣṇapakṣacaturdaśyāṃ mṛtabhasma tu grāhayet .
    strīṇāñca mūrddhni dātavyaṃ vidyayā parijaptayā ..
    dahyate muhyate nārī pacyate śuṣyate'pi ca .
    aṅgāni caiva bhajyante yadi taṃ na samāviśet” ..
    atra mantraḥ . om̐ namaścāmuṇḍe śmaśānavāsini
    svāhā . varṇāḥ . 14 . saptarātreṇa prerakaḥ .. * ..
    anyaprakāraḥ .
    “śvetārkaṃ rocanāyuktaṃ ātmamūtreṇa peṣayet .
    lalāṭe tilakaṃ kṛtvā trailokyaṃ kṣobhayet kṣaṇāt .
    dṛṣṭamātreṇa tenaiva sarvvo bhavati kiṅkaraḥ” .. * ..
    anyaprakāraḥ .
    “śvetārkaṃ candanenaiva ramayet saha lepayet .
    dīyate kasyacidvāpi paścāddāsī bhaviṣyati .. * ..
    atha pativaśīkaraṇam .
    “madhukaṃ saha tailena sārṣapeṇa tu peṣayet .
    etena pāṇimabhyajya bhartrā sā sahitā svapet ..
    saṃvṛtte maithunībhāve patirdāso bhaviṣyati” .. * ..
    anyacca .
    “manaḥśilākuṅkumasarṣapāśca
    tathā ca kuṣṭhaṃ sahadevadāru .
    raktañca raktaṃ palitena sārddham
    prapeṣayet sūkṣmataraṃ mahāntam ..
    prasnātapūrvvābhimukho'pi bhūtvā
    saṃsmṛtya lakṣmīñcarukeṇa pūjya .
    tataḥ prakuryyāt tilakaṃ lalāṭe
    vāmācca hastāccaturaṅgulībhiḥ ..
    puṃdṛṣṭamātreṇa bhavet sa kāntā-
    dāsātidāsaśca kimatra citram” .. * ..
    atha liṅgalepādhikāraḥ .
    “vṛhatīphalamūlāni pippalī maricāni ca .
    bhayā rocanayā sārddhaṃ liṅgalepottamo mataḥ ..
    niḥśeṣastrījagatkarṣaṃ nāmnā strīhṛdayāṅkuśam .
    mohanaṃ śastrametaddhi madanasya smṛtaṃ budhaiḥ” .. * ..
    anyacca .
    “kuṣṭhañca dhātakīpuṣpaṃ maricāni vacā tathā .
    anena liṅgamālipya kṛtsnāṃ śyāmāṃ vaśaṃ nayet ..
    tāsāñcittaharo'pyeṣa mṛtamapyanugacchati .
    vivaśā bhaktibhāvena paścāt sarvvaṃ prayacchati” .. * ..
    anyacca .
    “pañcaraktāni saṃgṛhya śubhāni ca yathecchayā .
    sarvvāṇi samabhāgāni priyaṅguñcāpi tatsamam ..
    nāgaraṃ daśabhāgena lepaḥ kāntāvaśaṅkaraḥ” .. * ..
    anyacca .
    “devadāru vacā kuṣṭhaṃ caturthaṃ vaiśvabheṣajaṃ .
    āmlavījarasairyuktaṃ gaurīśyāmāvaśaṅkaram” .. * ..
    anyacca .
    “haridrā vṛhatīmūlaṃ bhadramustaṃ tathotpalam .
    viḍaṅgaṃ kṛṣṇaṃ vairañca samabhāgāni kārayet ..
    liṅgalepottamo hyeṣa raktavallīvaśaṅkaraḥ” .. * ..
    anyacca .
    “haridrā pippalīmūlaṃ padmaṃ madhukameva ca .
    etāni samabhāgāni navanītena peṣayet ..
    liṅgalepottamo hyeṣa gaurīprītāya śāṅkaraḥ” .. * ..
    “kauśikaśoṇitalepāt secanādvāpuṣṭaṃ bhavelliṅgaṃ .
    tadvaśantejastambhamayaṃ kīlakasadṛśaṃ bhavecca ..
    kauśikaṃ rudhiraṃ gṛhya gomūtreṇa ca peṣayet .
    vīryyaṃ hi stambhayennityaṃ praharārddhaṃ na saṃśayaḥ” .. * ..
    sarvvasādhāraṇo mantraḥ . om̐ eṃ hrīṃ hrīṃ śrīṃ
    phaṭ svāhā . anena mantreṇa sarvvayogānabhimantrya
    siddhiḥ” . iti śrīpārbbatīputtraśrīnityanāthavira-
    cite siddhakhaṇḍe tantrasāre kautūhalavidyānāma
    indrajālatantram .. * .. pustakatrayamālocya yathāsādhyaṃ
    śodhitametat .. * .. * .. apica . īśvara uvāca .
    “indrajālaṃ vinā rakṣāṃ na karotīti niścitam .
    rakṣāmantraṃ mahāmantraṃ sarvvasiddhipradāyakam” ..
    “oṃ namo nārāyaṇāya viśvambharāya indrajāla-
    kautukāni darśaya darśaya siddhiṃ kuru kuru svāhā”
    aṣṭottaraśatajapena siddhiḥ .. * .. atha rakṣāmantraḥ .
    “oṃ namaḥ parabrahmaparātmane mama śarīre pāhi
    pāhi kuru kuru” ..
    “ullukasya kapālena ghṛtenāhatakajjalaṃ .
    tena netrāñjanaṃ kṛtvā rātrau paṭhati pustakam .. 1 ..
    aṅkolavījanikṣipte guruvāre mukhe gaje .
    mantreṇa siñcayennityaṃ yāvadvījaphalaṃ ha vai ..
    trilauhaveṣṭitaṃ kṛtvā ekavījaṃ mukhe sthitam .
    mattamātaṅgavīryyastu vāyutulyaparākramaḥ ..
    daśahemadviṣaṭtāmraṃ ṣoḍaśaṃ rūpyabhāgakam .
    evaṃ saṃkhyā trilohī ca jñātavyā sarvvakarmmaṇi .. 2 ..
    yāni kāni ca vījāni jaṅgamaṃ sthalameva ca .
    aṅkolavījanikṣipte mukhe bhūmitale dhruvam ..
    tadvījaṃ mukhamadhyasthaṃ trilohairveṣṭitaṃ kuru .
    tadrūpo hi bhavenmarttyo nānyathā śaṅkaroditam .. 3 ..
    yāni kāni ca vījāni aṅkolatailamelanāt .
    saphalo jāyate vṛkṣaḥ siddhiyogamudāhṛtam .. 4 ..
    śavamukhe vindumātraṃ tattailaṃ niḥkṣipedyadi .
    ekayāmaṃ bhavet jīvo nānyathā śaṅkaroditam .. 5 ..
    śigruvījasthitaṃ tailaṃ pārāvatapurīṣakam .
    varāhasya vasāyuktaṃ gṛhītvā ca samaṃ samam ..
    gardabhasya vasāyuktaṃ haritālaṃ manaḥśilā .
    ebhistu tilakaṃ kṛtvā yathā laṅkeśvaro nṛpaḥ .. 6 ..
    ulluviṣṭhāṃ gṛhītvā tu eraṇḍatailapeṣaṇāt .
    yasyāṅgenikṣipet vinduṃ sa kṣipto jāyate dhruvam .. 7 ..
    sarpadantaṃ gṛhītvā tu kṛṣṇavṛścikakaṇṭakam .
    kṛkalāraktasaṃyuktaṃ sūkṣmacūrṇantu kārayet ..
    yasyāṅge nikṣipeñcūrṇaṃ sadyo yāti yamālayam .. 8 ..
    sinduraṃ gandhakaṃ tālaṃ samaṃ piṣṭvā manaḥśilām .
    talliptavastraṃ śirasi agnivat dṛśyate dhruvam .. 9 ..
    arkakṣīraṃ vaṭakṣīraṃ kṣīraṃ ḍumbarasambhavam .
    gṛhītvā pātrake lipte jalapūrṇaṃ karīti ca .
    dugdhaṃ saṃjāyate tatra mahākautukakautukam .. 10 ..
    aṅkolatailaliptāṅgo dṛśyate rākṣasākṛtiḥ .
    palāyante narāḥ sarvve paśupakṣigajāhayāḥ .. 11 ..
    aṅkolasya tu tailena dīpaṃ prajvālayennaraḥ .
    rātrau paśyati bhūtāni khecarāṇi mahītale .. 12 ..
    budhe vā śanivāre vā kṛkalāṃ parigṛhya ca .
    śatrurmūtrayate yatra kṛkalāṃ tatra niḥkṣipet ..
    nikhanedbhūmimadhyeṣu uddhṛte ca punaḥ sukhī .
    napuṃsakaṃ bhavet satyaṃ nānyathā śaṅkaroditam .. 13 ..
    gandhakaṃ haritālañca gomūtrañca viṣaṃ tathā .
    sūkṣmacūrṇamayaṃ kṛtvā kiñcidvahniṃ viniḥkṣipet ..
    vighnāḥ sarvve palāyante yathā yuddheṣu kātarāḥ .. 14 ..
    iti dattātreyatantre īśvaradattātreyasaṃvāde indra-
    jālakautukadarśanaṃ nāma ekādaśaḥ paṭalaḥ .. * .. * ..
    anyacca .
    “vaśyākarṣaṇakarmmāṇi vasante yojayet priye .
    grīṣme vidveṣaṇaṃ kuryyāt prāvṛṣi stambhanaṃ tathā ..
    śiśire māraṇañcaiva śāntikaṃ śaradi smṛtam ..
    hemante paurṇamāsyāñca ṛtukarmmaviśāradaḥ .
    vasantaścaiva prarbbāhne grīṣmo madhyāhna ucyate ..
    varṣā jñeyāparāhne tu pradoṣe śiśiraḥ smṛtaḥ .
    arddharātre ca hemantaḥ śaradaṃ tatparaṃ smṛtam” .. * ..
    atha pakṣādinirṇayaḥ .
    “kṛṣṇapakṣe māraṇādi śuklapakṣe ca varddhanam ..
    dvādaśyāṃ māraṇaṃ karmma ekādaśyāṃ tathaiva ca .
    tṛtīyāṃ navamīñcaiva vaśyākarṣañca kārayet .
    stambhanañca caturdaśyāṃ caturthyāṃ pratipadyapi ..
    dvitīyāṃ ṣaṣṭhīmaṣṭamyāṃ kārayet śāntikarmma ca .
    aśvinīmṛgamūlāśca puṣyā punarvvasustathā ..
    vaśyākarṣañca karttavyaṃ kārayecca sadā budhaḥ .
    jyeṣṭhā ca uttarāṣāḍhā anurādhā ca rohiṇī ..
    kārayenmāraṇaṃ śāntiṃ stambhanaṃ vijayaṃ tathā .
    vidhimantrasamāyuktamauṣadhaṃ saphalaṃ bhavet” .. * ..
    atha vaśīkaraṇam .
    “sigdūramākṣikakapotamalāni piṣṭvā
    liṅgaṃ vilipya ramate taruṇīṃ navoḍhāṃ .
    śāntiṃ na yāti puruṣo manasāpi nūnaṃ
    dāsī bhavediti manoharadivyamūrttiḥ ..
    puṣye rudrajaṭāmūlaṃ mukhasthaṃ kārayedbudhaḥ .
    tāmbūlādau pradātavyaṃ vaśyā bhavati niścitam ..
    tathaiva pāṭalīmūlaṃ tāmbūlena tu vaśyakṛt .
    nāgapuṣpaṃ priyaṅguñca tagaraṃ padmakeśaram ..
    jaṭāmāṃsī samaṃ nītvā cūrṇayet mantravittamaḥ .
    sāṅgaṃ dhūpayate tena bhajate kāmavat striyaḥ” ..
    om̐ mūlī mūlī mahāmūlī sarvvaṃ saṃkṣobhabhayebhyaḥ
    upadravebhyaḥ svāhā . dhūpamantraḥ ..
    “pānīyasyāñjalīn sapta dattvā vidyāmimāṃ japet .
    sālaṅkārāṃ navāṃ kanyāṃ labhate māsamātrataḥ ..
    om̐ viśvāvasurnāma gandharbbaḥ kanyānāmadhipatiḥ surūpāṃ
    sālaṅkārāṃ dehi me namastasmai viśvāvasave svāhā .
    “kanyāgṛhe śālakāṣṭhaṃ kṣipedekādaśāṅgulam .
    ṛkṣeca pūrvvaphalgunyāṃ yastāṃ kanyāṃ prayacchati .. * ..
    atha sarvvajanavaśīkaraṇam .
    “śilā ca rocanāmūlaṃ vāriṇā tilake kṛte .
    dṛṣṭamātre vaśaṃ yāti nārī vā puruṣo'pi vā ..
    svarṇena veṣṭanaṃ kṛtvā tenaiva tilake kṛte .
    sambhāṣaṇena sarvveṣāṃ trailokyaṃ vaśamānayet” ..
    om̐ hrīm̐ klīm̐ aim̐ kṣaum̐ bhogapradā bhairavī mātaṅgī
    trailokyaṃ vaśamānaya svāhā . auṣadhopari sahasrajapaṃ
    kuryyāt . punaḥ saptavārajapena tilakaṃ kārayet
    śakrasamo'pi vaśyo bhavati . iti kālanāthavira-
    cite indrajāle 1 adhyāyaḥ .. * ..
    athākarṣaṇaṃ . om̐ hrīm̐ cāmuṇḍe jvala jvala prajvala
    prajvala srāhā . anena mantreṇa striyaṃ dṛṣṭvā japaṃ
    kuryyāt tatkṣaṇāt pṛṣṭhataḥ samāgacchati . pūrvva-
    mevāyutajapena siddhiḥ ..
    “aśleṣāyāṃ samādāya arjjunasya ca vradhnakam .
    ajamūtreṇa saṃpiṣya strīṇāṃ śirasi dāpaṃyat ..
    puruṣasya paśūnāṃ vā kṣipedākarṣaṇaṃ bhavet” .. * ..
    atha jayaḥ .
    “gojihvāṃ śikhimūlaṃ vā mukhe śirasi saṃsthitā .
    kurute sarvvavādeṣu jayaṃ puṣye samuddhṛte ..
    mārgaśīrṣapaurṇamāsyāṃ śikhimūlaṃ samuddharet .
    bāhau śirasi vā dhāryyaṃ vivāde vijayo bhavet ..
    girikarṇīṃ śamīṃ guñjāṃ śvetavarṇāṃ samāharet .
    candanenānvitañcaiva tilakena jayī naraḥ ..
    kaṇakārkavaṭāvahnirvidrumaḥ pañcamastathā .
    tilakaṃ kurute yastu paśyettaṃ pañcadhā ripuḥ ..
    ārdrāyāṃ vaṭavandākaṃ gṛhītvā dhārayet kare .
    saṃgrāme jayamāpnoti jayāṃ smṛtvā jayī bhavet” ..
    asya mantraḥ . om̐ namo mahābalaparākrama samasta-
    vidyāviśārada amukasya bhūjabalaṃ bandhaya bandhaya
    dṛṣṭiṃ stambhaya stambhaya aṅgāni dhūnaya dhūnaya pātaya
    pātaya mahītale hrīṃ .. * .. atha saubhāgyam .
    “puṣyoddhṛtaṃ sitārkasya mūlaṃ vāmetare bhuje .
    baddhvā saubhāgyamāpnoti durbhagāpi na saṃśayaḥ ..
    raktacitārkamūlantu somagraste samuddhṛtaṃ .
    kṣīdraiḥ piṣṭvā vaṭīṃ kuryyāt tilakaṃ śubhamaṅganā” .. * ..
    atha īśvarādikrodhopaśamanaṃ . om̐ śānte praśānte
    sarvvakrodhopaśamani svāhā .
    anena mantreṇa triḥsaptadhā japena mukhaṃ mārjayet .
    tataḥ krodhopaśamanaṃ bhavati” .. * .. gajanivāraṇam .
    “śvetāparājitāmūlaṃ hastasthaṃ vārayet gajam .
    mūlaṃ triśūlyā vaktrasthaṃ gajavaśyakaraṃ bhavet” .. * ..
    vyāghranivāraṇaṃ .
    “mukhasthaṃ vṛhatīmūlaṃ hastasthaṃ vyāghrabhītijit” .
    hrīṃ hrīṃ hrīṃ śrīṃ śro śro svāhā .
    ityaṣṭākṣaramantreṇa loṣṭraṃ paṭhitvā kṣipet .
    tadā mukhaṃ na cālayati gantumaśakyaḥ ..
    “mūlaṃ kṛṣṇacaturdaśyāṃ grāhayellāṅgalībhavam .
    hastasthaṃ vyāghrabhītādibhayahṛt parikīrttitam” ..
    iti indrajālatantre 3 upadeśaḥ .. * .. atha stambhanam .
    “śvetaguñjotthitaṃ mūlaṃ mukhasthaṃ dṛṣṭatuṇḍajit” .
    om̐ hrīm̐ rakṣa rakṣa cāmuṇḍe turu turu amukaṃ me
    vaśamānaya vaśamānaya svāhā . ayaṃ caṇḍāmantraḥ .
    uktayogasiddhiḥ ..
    “puṣyārke madhuvandākaṃ gṛhītvā prakṣipedbudhaḥ .
    sabhāmadhye ca sarvveṣāṃ mūkhastambhaḥ prajāyate” .. * ..
    meghastambhanam . iṣṭakadvayasaṃpuṭamadhye meghasaṃkhyaka-
    caturasraṃ vilikhya udyāne sthāpayettadā medhān
    stambhayati . mantraḥ . “meghān stambhaya stambhaya” .. * ..
    naukāstambhanam .
    “bharaṇyāṃ kṣīrakāṣṭhasya kīlaṃ pañcāṅgulaṃ kṣipet .
    naukāmadhye tadā naukāstambhanaṃ jāyate dhruvam” .. * ..
    nidrāstambhanam .
    “mūlaṃ vṛhatyā madhukaṃ piṣṭvā nasyaṃ samācaret .
    nidrāstambhanametaddhi mūladevena bhāṣitam” .. * ..
    śastrastambhanam .
    “kapitthasya ca vandākaṃ kṛttikāyāṃ samāharet .
    “vaktrasaṃsthantu devasya śastrastambhanakaṃ param ..
    kare sudarśanāmūlabandhanāt stambhanaṃ tathā” .
    om̐ aho kumbhakarṇa mahārākṣasa nikaṣāgarbha-
    sammataparasainyastambhana mahābhaya raṇarudra ājñāpaya
    svāhā . aṣṭottarasahasrajapāt siddhiḥ ..
    “gṛhītvā śubhanakṣatre apāmārgasya mūlakam .
    lepamātre śarīrāṇāṃ sarvvaśastranivāraṇam ..
    puṣyārke śvetaguñjāyā mūlamuddhṛtya dhārayet .
    haste kāṇḍabhayaṃ nāsti saṃgrāme ca kadācana” .. * ..
    gomahiṣyādistambhanam .
    “uṣṭrasyāsthi caturdikṣu nikhanet bhūtale dhruvam .
    gāṃ meṣīṃ mahiṣīṃ vājīṃ stambhayet kariṇīmapi” .. * ..
    buddhistambhanam .
    “bhṛṅgarājamapāmārgaṃ siddhārthaṃ sahadevikām .
    olaṃ vacāñca śvetārkaṃ dhruvameṣāṃ samāharet ..
    lauhapātre vinikṣipya dvidinānte samuddharet .
    tilakaiḥ sarvvabhūtānāṃ buddhistambhakaraṃ param” ..
    om̐ namo bhagavate viśvāmitrāya namaḥ sarvva-
    mukhībhyāṃ viśvāmitra āgaccha āgaccha svāhā .
    uktayogasyāyaṃ mantraḥ .. * .. cauragatistambhananam .
    om̐ brahmaveśini śive rakṣa rakṣa svāhā . anena
    mantreṇa saptapāśān gṛhītvā trīṇi kaṭyāṃ baddhvā
    aparān muṣṭibhyāṃ dhārayet . iti caurāṇāṃ gati-
    stambhanam . * .. garbhastambhanam .
    “grāhyaṃ kṛṣṇacaturdaśyāṃ dhūstūrasya tu mūlakam .
    kaṭyāṃ baddhvā ramet kāntāṃ na garbhaṃ dhārayet kvacit ..
    muktena labhate garbhaṃ purā nāgārjjunoditam .
    tanmūlacūrṇaṃ yonisthaṃ na garbheṃ sambhavet kvacit ..
    siddhārthamūlaṃ śirasi baddhvā kāntāṃ ramettu thāṃ .
    na garbhaṃ dhārayet sā strī muktena labhate punaḥ” .. * ..
    śukrastambhanam .
    “nīlīmūlaṃ śmaśānasthaṃ kaṭyāṃ baddhvā tu vīryyadhṛk .
    raktāpāmārgamūlantu somavāre nimantrayet ..
    bhaume prātaḥ samuddhṛtya kaṭyāṃ baddhvā tu vīryyadhṛk” ..
    iti kāmaratne 3 upadeśaḥ .. * .. mohanam .
    “śṛṅgīvacānaladasarjarasaṃ samānaṃ
    kṛtvā truṭiṃ malayajañca ṣaḍekamiśram .
    yo dhūpayennijagṛhaṃ vasanaṃ śarīraṃ
    tasyāpi dāsa iva mohamupaiti lokaḥ” ..
    bhṛṅgarājaḥ keśarājo lajjā ca sahadevikā .
    ebhistu tilakaṃ kṛtvā trailokyaṃ mohayennaraḥ” ..
    om̐ aṃ āṃ iṃ īṃ uṃ ūṃ ṛṃ ṝṃ hūṃ phaṭ .
    “anenaiva tu mantreṇa kṛtvā tāmbūlabhāvanam .
    sādhyasya mukhanikṣiptemohamāyāti tatkṣaṇāt” ..
    om̐ bhīm̐ kṣīm̐ bhom̐ mohaya . imaṃ mantraṃ vāratrayaṃ
    japet . mohamāpnoti mānavaḥ .. * .. deharañjanam .
    “kadambapatraṃ lodhrañca arjjunasya ca puṣpakam .
    piṣṭvā gātrodvarttanācca kāyadurgandhanāśanam ..
    elā-śaṭī-patraka-candanāni
    toyābhayāśigrughanāmayāni .
    sasaurabho'yaṃ surarājayogaḥ
    khyātaḥ sugandho naramohayogyaḥ” .. * ..
    mukharañjanam .
    “rasālajambūphalagarbhasāraḥ
    sakarkaṭo mākṣikasaṃyutaśca .
    sthito mukhānte puruṣasya rātrau
    karoti puṃsāṃ mukhavāsamiṣṭam ..
    cūrṇaṃ murākeśarakuṣṭhakānāṃ
    prātadinānte parileḍhi yā strī .
    apyarddhamāsena mukhasya vāsaḥ
    karpūratulyo bhavati prakāśaḥ” .. * ..
    keśakṛṣṇīkaraṇādi .
    “lohakiṭṭaṃ javāpuṣpaṃ piṣṭvā dhātrīphalaṃ samam .
    tridinaṃ lepayet śīrṣaṃ trimāsaṃ keśarañjanam” ..
    iti kṛṣṇīkaraṇam .. * .. keśaśuklīkaraṇam .
    “vajrākṣīreṇa saptāhaṃ anvahaṃ bhāvayettilam .
    tattailaliptāḥ keśāḥ syuḥ śuklāśca nātra saṃśayaḥ ..
    iti kāmaratne 4 upadeśaḥ .. * .. atha vājīkaraṇaṃ
    “aśvinyāṃ vaṭavandākaṃ kṣīraiḥ piṣṭvā mahābalaḥ .
    puṣyoddhṛtaṃ pibenmūlaṃ śvetārkasya prayatnataḥ ..
    svaptarātrantu gokṣīrairvṛddho'pi taruṇāyate” .
    “cūrṇaṃ vidāryyāḥ svarasena tasyāḥ
    vibhāvitaṃ bhāskararaśmijāle .
    madhvājyasaṃmiśritameva līḍhe-
    ddaśastriyo gacchati nirviśaṅkaḥ” .. * ..
    janmabandhyācikitsā .
    “samūlapatrāṃ sarpākṣīṃ ravivāre samuddharet .
    ekavarṇagavāṃ kṣīraiḥ kanyāhastena peṣayet ..
    ṛtukāle pibet bandhyā palārddhaṃ taddine dine .
    kṣīraśālyannamudgañca laghvāhāraṃ pradāpayet ..
    evaṃ saptadinaṃ kuryyāt bandhyā bhavati garbhiṇī .
    udvegaṃ bhayaśokañca divānidrāṃ vivarjayet ..
    na karmma kārayet kiñcit varjayet sāvagāhanam .
    patisaṅgaṃ caret sā ca nātra kāryyā vicāraṇā ..
    kṛṣṇāparājitāmūlaṃ chāgīkṣīreṇa saṃpibet .
    ṛtukāle samāyāte bhuktvā garbhadharā bhavet ..
    gokṣurasya tu vījantu pibennirguṇḍikārasaiḥ .
    trirātraṃ saptarātraṃ vā bandhyā bhavati garbhiṇī” ..
    itīndrajāle janmabandhyācikitsā .. * ..
    atha kākabandhyācikitsā .
    “aśvagandhīyamūlantu grāhayet puṣyabhāskare .
    peṣayenmahiṣīkṣīraiḥ palārddhaṃ bhakṣayet sadā ..
    saptāhāllabhate garbhaṃ kākabandhyā cirāyuṣam” .
    itīndrajāle kākabandhyācikitsā .. * ..
    atha mṛtavatsācikitsā .
    “prāṅmukhaḥ kṛttikāṛkṣe bandhyā karkoṭakīṃ haret .
    tatkandaṃ peṣayettoyaiḥ karṣamātraṃ sadā pibet ..
    yā vījapūradrumamūlamekaṃ
    kṣīreṇa pakvaṃ prapibet vimiśram .
    ṛtau nijaṃ yā tu patiṃ prayāti
    dīrghāyuṣaṃ sā tanayaṃ prasūte ..
    mañjiṣṭhā madhukaṃ kuṣṭhaṃ triphalā śarkarā balā .
    medā payasyā kākolī mūlañcaivāśvagandhajam ..
    ajamodā haridre dve hiṅguḥ kaṭukarohiṇī .
    utpalaṃ kumudaṃ drākṣā kākalyau tanmūladvayam ..
    eteṣāṃ karṣakairbhāgairghṛtaprastha vipācayet .
    śatāvarīrasaṃ kṣīraṃ ghṛtasyedaṃ caturguṇam ..
    saṃpibenniyataṃ nārī nityaṃ strīṣu ca śasyate .
    puttrān janayate nārī medhāḍhyān priyadarśanān ..
    yā caivāsthiragarbhāsyāt yā nārī janayet mṛtam .
    alpāyuṣañca janayet yā ca kanyāḥ prasūyate ..
    yonidoṣe rajodoṣe garbhasnāve ca śasyate .
    prajāvarddhanamāyuṣyaṃ sarvvagrahanivāraṇam ..
    nānmā phalaghṛtaṃ hyetadāyuṣyaṃ parikīrttitam .
    noktañca lakṣmaṇāmūlaṃ vadantyatra cikitsakāḥ ..
    jīvavatsā śuklavarṇā ghṛtamatra tu dīyate ..
    araṇyagomayenātra vahnerntvalā pradīyate” .
    atra payasyā kṣīrayuktabhūmikuṣmāṇḍam . utpalaṃ .
    nīlaṃ . itīndrajāle mṛtatratsācikitsā .. * ..
    atha garbhasrāvacikitsā . prathame māsi .
    “gokṣīraiḥ peṣayettulyaṃ padmaveśaracandanam .
    patane taṃ pibennārī mahāgarbhaḥ sthiro bhavet ..
    athavā madhukaṃ dāru śaravṛkṣasya vījakam .
    saṃpiṣya kṣīrakākolīṃ pibet kṣīraiśca gobhavaiḥ .. 1 ..
    nīlotpalaṃ mṛṇālañca ṣaṣṭhī karkaṭaśṭaṅgikā .
    gokṣīraśca dvitīye ca pītvā śāmyati vedanā .. 2 ..
    śrīkhaṇḍaṃ tagaraṃ kuṣṭhaṃ mṛṇālaṃ padmakeśaram .
    pibet śītodakaiḥ piṣṭvā tṛtīye vedanāvatī ..
    athavā kṣīrakākīlībalānantāpayaḥ pibet .. 3 ..
    śītotpalaṃ mṛṇālāni gokṣīraka-kaśerukam .
    turyyamāse gavāṃ kṣīraṃ pibet sā vedanāparā ..
    athavā madhukaṃ rāsnā śyāmā brāhmaṇayaṣṭikā .
    anantā peṣayitvā tu gavāṃ kṣīraiḥ samaṃ pibet .. 4 ..
    punarṇavā ca kākolī tagaraṃ nīlamutpalam .
    gokṣīraṃ pañcame māsi garbhakleśaharaṃ bhavet ..
    athavā vṛhatīyugmaṃ yajñāṅgaṃ kaṭphalaṃ tvacaḥ .
    goghṛtaṃ kṣīrasaṃyuktaṃ pibet piṣṭvā ca pañcame .. 5 ..
    sitā kāśākhumajjā ca śītatoyena peṣayet .
    ṣaṣṭhe māsi gavāṃ kṣīraiḥ pibet kleśaṃ nivarttayet ..
    athavā gokṣuraṃ śigruṃ madhukaṃ pṛśniparṇikām .
    balāyuktā pibet piṣṭvā godugdhaiḥ ṣaṣṭhamāṣake .. 6 ..
    kāṣṭhakaṃ pauṣkaraṃ mūlaṃ śṛṅgāṭaṃ nīlamutpalam .
    piṣṭvā ca saptame māsi kṣīraiḥ pītvā praśāmyati ..
    athavā makaradrākṣāṃ śṛṅgāṭañca sakeśaram .
    mṛṇālaṃ śarkarāyaktaṃ kṣīraiḥ peyantu saptame .. 7 ..
    yaṣṭī paṭhmākṣārkamustaṃ keśaraṃ gajapippalī .
    nīlotpalaṃ gavāṃ kṣīraiḥ pibedaṣṭamamāsake ..
    athavā vilvamūlañca kapitthaṃ vṛhatī śamī .
    ikṣupāṭalayormūlaṃ ebhiḥ kṣīraṃ prasādhayet .
    tatkṣīramaṣṭame pītvā garbhe śāmyati vedanā .. 8 ..
    viśālāvījakakkolaṃ madhunā saha lepayet .
    vedanā navame māsi śāntimāpnoti nānyathā ..
    athavā madhukaṃ śyāmā hyanantā kṣīrakākalī .
    ebhiḥ siddhaṃ pibet kṣīraṃ navame vedanāvatī .. 9 ..
    śarkarā gostanī drākṣā sakṣudraṃ nīlamutpalam .
    pāyayet daśame māsi gavāṃ kṣīraiḥ praśāntaye ..
    athavā śuddhasaṃsiddhaṃ gokṣīraṃ daśame pibet .
    athavā madhukaṃ dāru śuddhakṣīreṇa saṃpibet .. 10 ..
    kṣaudraṃ vṛṣaṃ candanasindhujātaṃ
    mahendrarājaṃ payasā supiṣṭam .
    garbhaṃ kṣarantaṃ pratihanti śīghraṃ
    yogo vibhuñjan kila mūladaivaiḥ” ..
    iti indrajāle garbhasrāvacikitsā .. * ..
    atha garbhaśuṣkam .
    “gokṣīraṃ śarkarāyuktaṃ garbhaśuṣkapraśāntaye .
    pibedvā madhukaṃ cūrṇaṃ gāmbhārīphalacūrṇakam ..
    samāṃsaṃ gavyadugdhena garbhiṇī ca praśāntaye” .. * ..
    atha sukhaprasavayogaḥ .
    “śvetaṃ punarṇavāmūlaṃ cūrṇaṃ yonau praveśayet .
    tatkṣaṇāt prasūte nārī garbhe sati prapīḍite ..
    vāsakasya tu mūlantu cottarasthaṃ samuddharet .
    kaṭyāṃ baddhvā saptasūtraiḥ sukhaṃ nārī prasūyate ..
    sahadevyāśca mūlaṃ vā kaṭisthaṃ prasavet sukham .
    apāmārgasya mūlantu grāhayeccaturaṅgulam ..
    dvāri praveśayet yonautatkṣaṇāt sā prasūyate” .. * ..
    atha stanavarddhanaṃ stanotthāpanañca .
    “tailaṃ vacādāḍimakalkasiddhaṃ
    siddhārthajaṃ lepanato nitāntam .
    nārīkucau cārutarau supīnau
    kuryyādasau yogavaraḥ pradiṣṭaḥ ..
    śrīparṇikāyā rasavalkasiddhaṃ
    tilodbhavaṃ tailavaraṃ pradiṣṭam .
    tulena vakṣojayuge pradeyaṃ
    prayāti vṛddhiṃ patito'pi nāryyāḥ ..
    prathamakusumakāle nasyayogena pītaṃ
    saniyamamamarāsyaṃ taṇḍalāmbho yuvatyāḥ .
    kucayugalasupīnaṃ kvāpi no yāti pātaṃ
    kathita iti puraiva cakradattena yogaḥ” .. * ..
    atha yonisaṃskāraḥ .
    “prakṣālayennimbukaṣāyanīraiḥ
    svinnājyakṛṣṇāguruguggulānāṃ .
    dhūpena yoniṃ niśi dhūpayitvā
    nārī pramīdaṃ vidadhātu bharttuḥ” .. * ..
    atha lomaśātanam .
    “palāśabhasmānvitatālacūrṇai-
    rambhāmbumiśraiḥ parilipya bhūyaḥ .
    kandarpagehe mṛgalocanānāṃ
    romāṇi rohanti kadāpi naiva” ..
    iti indrajālatantrasaṃgrahaḥ .. yuddhe kṣudropāyaviśeṣaḥ .
    iti hemacandraḥ ..