avakīrṇṇin
See also
avakīrṇin.
Vācaspatyam
☞
p. 416, col. 2.
avakīrṇṇin pu0 avakīrṇamanena iṣṭā0 ini . dhvastavrate
brahmacāriṇoyadvratamuktaṃ strīsaṅgamādivarjanaṃ tasya bhraṃse-
'vakīrṇatā . “avakīrṇṇī tu kālena garddhabhena catuṣpathe .
pākayajñavidhānena nairṛtaṃ niśi yājayet” aṅgi0 “kuśī-
lavo'vakārṇṇī ca vṛṣalīpatireva ca” manuḥ . avakīrṇi-
lakṣaṇañca—“kāmatoretasaḥ sekaṃ bratasthasya dvijanmanaḥ .
atikramaṃ vratasyāhurdharmmajñā brahmavādinaḥ “avakīrṇṇī bhaved-
gatvā brahmacārī tu yoṣitam . garddhabhaṃ ṣaśumālabhya nairṛtaṃ sa
viśudhyati” yā0 smṛ0 striyaṃ vinā'pi retasaḥ srāve
bratalopaḥ “brahmacārī cet striyamupeyāt araṇye
catuṣpathe laukike'gnau rakṣodaivataṃ garddabhaṃ paśumālabheta
nairṛtaṃ vā caruṃ nirvapet tatra juhūyāt kāmāya svāhā
kāmakāmāya svāhā nirṛtyai svāhā rakṣodevatābhyaḥ
svāheti etadeva retasaḥ prayatnotsarge” iti vasiṣṭhokteḥ
tena kāmatoretasa utsarge'pi avakīrṇṇitvam . akāmatastu
nāvakārṇitvaṃ kintu prāyaścittālpatvaṃ yathoktaṃ manunā
“svapne siktvā brahmacārī dvijaḥ śukramakāmataḥ . snātvārka
marccayitvā triḥ punarvānatṛcaṃ japet” .