avadhūtagīta
Vācaspatyam
☞
p. 428, col. 1.
avadhūtagīta na0 3 ta0 . bhāgavate 11 ska0 bhagavaduddhavasaṃvāde
yadunṛpaṃ prati kasyacidavadhūtasya upadeśabhede . yathā “atrā-
pyudāharantīmamitihāsaṃ purātanam . avadhūtasya saṃvādaṃ
yadoramitatejasaḥ . avadhūtaṃ dvijaṃ kañciccarantamakutobhayam .
kaviṃ nirīkṣya taruṇaṃ yaduḥ papraccha ṣarmavat . kuto
buddhiriyaṃ brahmannakarttuḥ suviśāradā . yāmāsādya bhavāllom̐kaṃ
vidvāṃścarati bālavat . prāyodharmārthakāmeṣu vivitsāyāñca
mānavāḥ . hetunaiva samīhante āyuṣā yaśasā śriyā . tvantu
kalyaḥ kavirdakṣaḥ subhagomitabhāṣaṇaḥ . na karttā nehase karttuṃ
jaḍonmattapiśācavat . janeṣu dahyamāneṣu kāmalobhada-
vāgninā . na tapyase'gninā yukto gaṅgāmbhaḥsthaiva dvipaḥ .
tvaṃ naḥ saṃpṛcchatāṃ brahman! ātmanyānandakāraṇam . brūhi
sparśavihīnasya bhavataḥ kevalātmanaḥ” iti yadunṛpeṇa
tallakṣaṇamuktam . evaṃ yadunā praṣṭaḥsa yadāha tadeva avadhūtagītam .
tena ca “santi me bahavorājan! guravobuddhyupāśritāḥ .
yato buddhimupādāya sustho'ṭāmīha tān śṛṇu . pṛthivī
vāyurākāśamāpo'gniścandramā raviḥ . kapoto'jagaraḥ sindhuḥ
patagomadhukṛdgajaḥ . madhuhāhariṇo mīnaḥ piṅgalā kura-
ro'rbhakaḥ . kamārī śarakṛt sarpa ūrṇṇanābhaḥ supeśakṛt .
tato me guravo rājan! caturviṃśatirāśritāḥ . śikṣāvṛtti
bhireteṣāmanvaśikṣamanukramāt” ityupakramya kṣityādibhyaścatu-
rviṃśateryathā yat śikṣitaṃ tadvarṇṇitam tadvistarastu 9
navamādhyāyasamāptiparyyante tatraivānusandheyaḥ .