avacchinnavāda
Vācaspatyam
☞
p. 420, col. 1.
avacchinnavāda pu0 avacchinnatayā antaḥkaraṇāvacchinnatayā
jīvasya vādovyavasthāpanam . vedāntimataprasiddhe caitanyasya
antaḥ karaṇāvacchidvatayā vyavasthāpake matabhede . tathāhi teṣāṃ
matadvaidham kecit antaḥkaraṇe prativimbitaṃ caitanyaṃ jīva
iti pratipedire kecicca tadavacchinnaṃ caitanyaṃjīva iti .
tatra nīrūpasya caitanyasyāntaḥkaraṇe prativimbāsambhavena prati-
vimbasya ca mithyātvena jīvasya satyatvānupapatteḥ bandha-
mokṣayoḥ sāmānādhikaraṇyābhāvāpatteḥ prativimbavādaṃ
dūṣayitvā'vacchinnavādaṃ samarthayāñcakrire . tathā ca naiyāyi-
kādīnāmekasyāpi nabhasaḥ karṇṇaśaṣkulyādibhedena upādhi-
kṛtaṃ nānātvaṃ na vastukṛtamevamekasyāpi caitanyasyāntaḥkara-
ṇopādhibhedenāvacchinnatayā nānātvaṃ tena “tadguṇasāra-
tvāt” śā0 sū0 “ghaṭasaṃvṛtaākāśe nīyamāne yathā ghaṭe .
ghaṭonīyeta nākāśastadvaṃjjīvonabhopama” ityukteśca jīvasya
na svata ihalokaparalokagāmitvamapi tu buddhirūpāṣi-
bhedana tathāvyavahāraḥ ato na bandhamokṣavyavasthānupapattiḥ
yanninnupādhau ajñānādhīnā saṃsārapravṛttistasya jīvabhāvā-
tmakatayā bandhaḥ, yatra ca tannivṛttiḥ na tatra tathā, kintu-
mokṣaḥ . vistarastvākare .