asipatravanaṃ
Śabdakalpadruma
☞
vol. 1,
p. 154.
asipatravanaṃ , klī, (asiriva tīkṣṇaṃ patraṃ yasya
tādṛśaṃ vanaṃ .) narakaviśeṣaḥ . “patrairyatra vidā-
ryyate” . iti manuḥ .. (“yastviha vai nijapathādanā-
padyapagataḥ pāṣaṇḍañcopagatastamasipatravanaṃ praveśya
kaṣayā praharanti tatrāsāvitastato dhāvamānaḥ
ubhayatodhārai stālavanāsipatraiśchidyamānasarvvāṅgo
hā hato'smīti paramayā vedanayā mūrcchitaḥ pade
pade nipatati svadharmmahā pāṣaṇḍānugamanaphalaṃ
bhuṅkte” . iti śrībhāgavate ..
“aśipatravanaṃ nāma narakaṃ śṛṇu cāparam .
yojanānāṃ sahasraṃ vai jvaladagnyāstṛtāvaniḥ ..
taptā sūryyakaraiścaṇḍaiḥ kalpakālāgnidāruṇaiḥ .
prapatanti sadā tatra prāṇino narakaukasaḥ ..
tanmadhye ca vanaṃ śītaṃ snigdhapatraṃ vibhāvyate .
patrāṇi yatra khaṅgāni phalāni dvijasattama” ..
iti mārkaṇḍeyapurāṇe .)