argalaṃ

argalaṃ , klī, strī, (arja + kalac, kutvam .) kapāṭa-
bandhakakāṣṭhaviśeṣaḥ . ityamaraḥ .. huḍkā tasalā
ityādi bhāṣā .
(“sasambhramendradrutapātitārgalā
nimilitākṣīva bhiyāmarāvatī” .
iti kāvyaprakāśe .
“tāṃ satyanāmnīṃ dṛḍhatoraṇārgalāṃ
gṭahairvicitrairupaśībhitāṃ śivāṃ” .
iti rāmāyaṇe .
“athānapoḍhārgalamapyagāraṃ” . iti raghuḥ . prati-
bandhaḥ . pratyavāyaḥ . antarāyaḥ .
“īpsitaṃ tadavajñānāt viddhisārgalamātmanaḥ” .
iti raghuvaṃśe .)
kallole tri . iti medinī .. devīmāhātmyapāṭha-
syādau pāvyastotraviśeṣaḥ .. yathā
mārkaṇḍeya uvāca .
“brahman kena prakāreṇa durgāmāhātmyamuttamaṃ .
śīghraṃ siddhyati tatsarvvaṃ kathayasva mahāprabho ..
brahmovāca .
argalaṃ kīlakañcādau paṭhitvā kavacaṃ paṭhet .
japet saptaśatīṃ paścāt krama eṣa śivoditaḥ ..
argalaṃ duritaṃ hanti kīlakaṃ phaladaṃ tathā .
kavacaṃ rakṣate nityaṃ caṇḍikā tritayaṃ diśet ..
argalaṃ hṛdaye yasya sa cānargalavāk sadā .
kīlakaṃ hṛdaye yasya vaśakīlitamānasaḥ ..
kavacaṃ hṛdaye yasya sa vajrahṛdayaḥ khalu .
brahmaṇā nirmmitaṃ pūrvvaṃ viniścityāpi cetasā” ..
ityādi . tadādyaśloko yathā, —
“jaya tvaṃ devi cāmuṇḍe jaya bhūtāpahāriṇi ! .
jaya sarvvagate devi ! kālarātri namo'stu te” ..
tasya śeṣaśloko yathā, —
“idaṃ stotraṃ paṭhitvā ca mahāstotraṃ paṭhennaraḥ .
saptaśatīṃ samārādhya varamāpnoti sampadaṃ” ..
ityargalāstotraṃ ..