arddhodayaḥ
See also
arddhodaya,
ardhodaya.
Śabdakalpadruma
☞
vol. 1,
p. 107.
arddhodayaḥ , puṃ, (arddhasya samṛddhasya puṇyasya udayo yatra .)
yogaviśeṣaḥ . sa ca ravivāravyatīpātaśravaṇā-
nakṣatrairyuktā cet pauṣamāghayoramāvāsyā syāttadā
bhabati . yathā . pāścātyanirṇayāmṛte .
“amārkapātaśravaṇairyuktā cenmāghapauṣayoḥ .
arddhodayaḥ sa vijñeyaḥ koṭisūryyagrahaiḥ samaḥ ..
atra sūryyaparbbaśatādhika iti kṛtyacintāmaṇau
pāṭhaḥ . tathā .
“divaiva yogaḥ śasto'yaṃ na ca rātrau kadācana .”
skandapurāṇe .
“arddhodaye tu saṃprāpte sarvvaṃ gaṅgāsamaṃ jalaṃ .
śuddhātmāno dvijāḥ sarvve bhaveyurbrahmasannibhāḥ ..
yatkiñcit kriyate dānaṃ taddānaṃ setusannibhaṃ” ..
śivaviṣṇusnānapraśastakālo'pi . vṛhannāradīyaṃ .
“arddhodaye ca pūṣyārke hastārke rohiṇībudhe” .
iti tithyāditattvaṃ ..