arddhanārīśvaraḥ

arddhanārīśvaraḥ , puṃ, (arddhāṅge yā nārī tasyā īśvaraḥ .)
umāmaheśvaraḥ . sa ca śivaḥ . yathā viṣṇudharmmottare .
“aṣṭamī navamīyuktā navamī cāṣṭamīyutā .
arddhanārīśvaraprāyā umāmāheśvarī tithiḥ” ..
iti tithyāditattvaṃ .. api ca .
“ajeśaḥ sarvvasomeśastathā lāṅgulidārukau .
arddhanārīśvaraścomākāntaścāṣāḍhidaṇḍinau” ..
iti tantrasāre śivamantre śrīkaṇṭhādinyāsaḥ .. * ..
asya mantrādikaṃ yathā, —
“agnisaṃvarttakādityarānilau ṣaṣṭhavindumat .
cintāmaṇiriti khyātaṃ vījaṃ sarvvasamṛddhidaṃ” ..
agnīrephaḥ . saṃvarttakaḥ kṣakāraḥ . ādityo
makāraḥ . ra rephaḥ . anilo yakāraḥ . au svarūpaṃ .
ṣaṣṭhasvara ūkāraḥ .. prapañcasāre . “analakayamarepha-
prāṇasatyāntavāmaśrutihimarucikhaṇḍairmaṇḍito ma-
ntrarājaḥ” . iti vacanāt repha eva na tu vakāraḥ .
raṃ£ kṣaṃ£ maṃ£ raṃ£ yaṃ£ auṃ£ ūṃ£ . iti
mantraḥ . asya pūjā prātaḥkṛtyādiśaivoktapīṭhamanvantaṃ
vinyasya ṛṣyādinyāsaṃ kuryyāt . yathā śirasi
kaśyapāya ṛṣaye namaḥ . mukhe'nuṣṭupchandase namaḥ .
hṛdi arddhanārīśvarāya devatāyai namaḥ . tataḥ
karāṅganyāsau kuryyāt . raṃ aṅguṣṭhābhyāṃ namaḥ . kaṃ
tarjanībhyāṃ svāhā . ṣaṃ madhyamābhyāṃ vaṣaṭ . maṃ
anāmikābhyāṃ hum̐ . raṃ kaniṣṭhābhyāṃ vauṣaṭ . yaṃ
karatalapṛṣṭhābhyāṃ phaṭ . evaṃ hṛdayādiṣu . tathā ca
nibandhe . “rephādivyañjanaiḥ ṣaḍbhiḥ kuryyādaṅgāni
ṣaṭ kramāt” . tato dhyānaṃ .
“nīlaprabālaruciraṃ vilasattrinetraṃ
pāśāruṇotpalakapālakaśūlahastaṃ .
arddhāmbikeśamaniśaṃ pravibhaktabhūṣaṃ
bālendubaddhamukuṭaṃ praṇamāmi rūpaṃ” ..
evaṃ dhyātvā mānasaiḥ saṃpūjyārghyasthāpanaṃ kṛtvā
śaivoktapīṭhapūjāṃ vidhāya punardhyātvāvāhanādipañca-
puṣpāñjalidānaparyyantaṃ vidhāya āvaraṇapūjāmāra-
bheta . yathā . keśareṣvagnyādikoṇeṣu madhye dikṣu
ca raṃ ityādinā ṣaḍaṅgāni pūjayet . tataḥ patreṣu
pūrvvavat vṛṣabhādīn pūjayet . patrāgreṣu pūrvvāditaḥ
brāhmīṃ māheśvarīṃ kaumārīṃ vaiṣṇavīṃ vārāhīṃ
indrāṇīṃ cāmuṇḍāṃ mahālakṣmīñca pūjayet . tadvahi-
rindrādīn vajrādīṃśca saṃpūjya dhūpādivisarjanāntaṃ
karmma samāpayet .. asya puraskaraṇaṃ lakṣajapaḥ .
tathā ca .
“lakṣamekaṃ japenmantramitthaṃ mantrī vicintayan .
ayutaṃ madhurāsiktairjjuhuyāttilataṇḍulaiḥ” ..
iti tantrasāraḥ ..