apūrvvavidhi
Vācaspatyam
☞
p. 253, col. 1.
apūrvvavidhi pu0 apūrvve pramāṇāntareṇāprāpte vidhirvidhānam
vi + dhā—ki . aprāptaprāpake liṅādipadavedanoye śabda-
viśeṣe . yathā svargakāmo yajeteti liṅādiyuktaṃ vākyaṃ
pramāṇāntareṇāprāptasya svargasādhanatvasya yāge bodhayat tathā .
apūrvvavidhirapi caturvidhaḥ karmmavidhiḥ guṇavidhiḥ vini-
yogavidhiḥ prayogavidhiśceti . tatra agnihotraṃ juhoti
ityādau yāgarūpe karmaṇi iṣṭasādhanatāyāḥ, kṛtisādhya-
tāyā, bhāvanāyā vā matabhedena bodhanāt karmmavidhitvam .
dravyadevatādivighāyakavidhirguṇavidhiḥ . yathā dadhnā
juhotyādivākyaṃ prāptasyāgnihotrasyānuvādenāprāptaguṇarūpa-
dravyādervidhānāt . “aindryā gārhapatyamupatiṣṭhata ityādi
aindryā ṛcaḥ gārhapatyopasthāne viniyojanāt viniyoga-
vidhiḥ . evaṃ kṛtvā evaṃ kuryyādityādi prayogajñāpakovidhiḥ
prayogavidhiḥ, . yathā adhītya snāyādityādi “upasadbhiśca-
ritvā māsamekamagnihotraṃ juhotyādi ca ayañca viśiṣṭa-
vidhiriti bhedaḥ .