apūrvvaṃ

Śabdakalpadruma

apūrvvaṃ , klī, (nāsti pūrvvaṃ pūrvvakālabhavaṃ dṛṣṭaṃ yasya
tat .) karmmajanyamadṛṣṭaṃ . tatparyyāyaḥ . anuśayaḥ 2
niyogaḥ 3 atiśayaḥ 4 kāryyaṃ 5 prayogaḥ 6 .
iti smṛtiḥ .. taccaturtidhaṃ yathā . phalāpūrvvaṃ 1
samudāyāpūrvvaṃ 2 utpattyapūrvvaṃ 3 aṅgāpūrvvaṃ 4 . yena
svarga ārabhyate tat phalāpūrvvaṃ . amāvāsyāyāṃ
trayāṇāṃ yāgānāmekaḥ samudāyaḥ paurṇamāsyāmaparaḥ
tayorbhinnakālavarttinoḥ saṃhatyaphalāpūrvvārambhāyo-
gāttadārambhāya samudāyadvayajanyamapūrvvadvayaṃ kalpa-
nīyaṃ . tayorekaikasyārambhāya ekaikasamudāyavarttināṃ
trayāṇāṃ yāgānāṃ bhinnakṣaṇavarttitvena saṃghātāpattya-
bhāvāt yāgatrayajanyāni trīṇyutpattyapūrvvāṇi ka-
lpanīyāni . teṣāñcāṅgopakāramantareṇāniṣpatte-
raṅgānāṃ cānekakṣaṇavarttināṃ saṃghātāsambhavāt a-
ṅgāpūrvvāṇi kalpanīyāni . tatra tvayaṃ vibhāgaḥ .
ityadhikaraṇamālā ..

☞ vol. 1, p. 69.

apūrvvaṃ , tri, (nāsti pūrvvaṃ yasya, na pūrvvaḥ nañsamāsaḥ .)
āścaryyaṃ . yathā, —
“apūrvveyaṃ harermāyā triguṇā rajjurūpiṇī .
yayā muktvo na calati baddho dhāvati dhāvati” ..
iti udbhaṭaḥ .. pūrvvadigdeśakālabhinnaṃ ..