apūrvva

apūrvva mfn. (-vvaḥ-rvvā-rvvaṃ)

1 Wonderful, extraordinary.

2 Unprecedented, unpreceded.

3 Excellent, not exceeded.

4 Not easterly. n. (-rvvaṃ) The remote or unforeseen consequence of an act, as heaven of religious rites, a consequence not immediately preceded by its cause.

E. a neg. pūrvva prior.

a-pūrvva (rvvaḥ-rvvā-rvvaṃ) a. Unprecedent-
ed, unequalled, wonderful.

apūrvva

mfn. (-rvvaḥ-rvvā-rvvaṃ)

1. Wonderful, extraordinary.

2. Unprecedented,
unpreceded.

3. Excellent, not exceeded.

4. Not easterly.

n. (-rvvaṃ)
The remote or unforeseen consequence of an act, as heaven of
religious rites, a consequence not immediately preceded by its
cause.

E. a neg. pūrvva prior.

apūrvva tri0 na pūrvvaṃ dṛṣṭam . 1 avidite 2 āścaryye “adha-
nuṣi śarajālaṃ marmabhedānukāri tritayamidamapūrvvaṃ
dṛṣṭamantaḥpure te” iti “apūrvvo dṛśyate vahniḥ
kāminyāḥ stanamaṇḍale . dūratodahatīvāṅgaṃ hṛdi lagnastu
śītala” iti ca udbhaṭaḥ . pūrvvaḥ pūrvvavarttī na0 ba0 .
3 hetuśūnye tri0 . na0 ta0 . 4 pūrvvakālādibhinne tri0 .
pūrvvaśabdasya digdeśakālavācitve sarvanāmatayā tato nañtat-
puruṣe'pi asya sarvanāmatā tena tatkāryyam apūrvve apū-
rbarsmai ṅiṅasyostu vā vṛttau puṃvadbhāvaśca “kaumārāpūrvva-
vacane” iti pā0 5 parabrahmaṇi pu0 . “tadetad brahmāpūrvvamana-
paramanantaramapāramavāhyamiti” śata0 brā0 . 6 pramāṇāntarā-
prāpte “upakramopasaṃhārāvabhyāso'pūrvvatā phalamiti” vedā0
sā0 7 vaidhaniṣiddhakriyājanyayoḥ kālāntarabhāvinoḥ sukhaduḥ-
khayorhetubhūtayoḥ puṇyapāpayoḥ na0 . adṛṣṭasiddhivat apūrvva-
siddhirunneyā . sā ca 117 pṛṣṭhe dṛśyā . svargakāmoyajetatyādau
liṅā hi yāgādau iṣṭasādhanatvaṃ bodhyate iti naiyāyikāḥ
kāryyatvenāpūrvvaṃ bodhyate iti prābhākarāmanyante . tatrobhaya-
mate'pi, āśuvināśinaḥ kālāntarabhāviphalajanakatve
phalasamayaparyyantasthāyivyāpārajanakatvaṃ prayojakamiti tathā
hi avyavahitapūrvvasthāyina eva kāraṇatvena yāgasya
kālāntarabhāvisvargasya ca madhye vyāpārarūpamapūrvvaṃ prakalpyate
sākṣādasādhanasya yāgasya svargasādhanatā vyāpāramantareṇānu-
padyamānā svarganirvāhakaṃ vyāpāramapūrvvaṃ kalpayatīti . taccā-
pūrvvaṃ kiṃniṣṭhaṃ kathaṃ vā tasyaiva vyāpāratvamityāśaṅkya
śabdacintāmaṇau nirṇṇītaṃ yathā “tathāpi dhvaṃsa eva
vyāpāro'stu tava sahabhāvanirūpakasyāpi kāraṇatvāt
tasyānantatve'pi svabhāvāt sāvadheḥ phalajanakatvam .
yatra dhvaṃsohetustatra tatprāgabhāvo'pīti cet na dugdha-
dhvaṃsajanyadadhni, mithyādhīdhvaṃsasādhyamuktau ca vyabhicārāt .
pratibandhakābhāvatvena hetutve, tathābhāyācca dhvaṃsenānupapattiḥ
kathaṃ tenaiva samādhātavyeti cenna dhvaṃse sati tadvyāpāratva-
jñānaṃ vinānupapattestadvyāpāratvakalpanayā śānteriti maivaṃ
pratiyogidhvaṃsayorekatrājanakatvāt na hi niyamatodhvaṃse
sati yadbhavati tattatra kāraṇam na ca saṃsargābhāvatvena hetutve
tatheti vācyaṃ vyabhicārābhāvena tasyāpi prayojakatvāt .
atha śabdādyāgakāraṇatā, vyāpāraṃ vinā tadanupapatteḥ
na ca tajjanyadhvaṃsasya kāraṇatvakalpanamityubhayamapi janakam
anyatra tu mānābhāvānna tatheti vācyaṃ yāgadhvaṃsasya yāgajanya-
svargaṃ prati janakatvasya pramāṇāntaravirodhenārthāpattyakalpa-
nāt . astu devatāprītireva vyāpāra iti cenna yāgasya
devatāprītihetutve mānābhāvāt gaṅgāsnānādau devatā-
viraheṇa tadabhāvāt . na ca tatrāpi tatprītiḥ, tasya
tatprītihetutve mānābhāvāt lāghavena kartṛgatavyāpāra-
kalpanācca nanu nāyaṃ niyamaḥ, putragataśrāddhādinā pitari,
pitṝgatajāteṭyā putre cādṛṣṭotpatteśca atha tatrāpi
karttaryyevādṛṣṭaṃ, vihitakriyāyā yāgasyeva karttṛgatādṛṣṭa
janakatvāt . na ca mukte putre tadadṛṣṭanāśāt pitari-
svargaḥsyāditi vācyam adṛṣṭasya phalanāśyatayā pitari
svargābhāvenādṛṣṭānāśāt svapṛttiyāgajanyādṛṣṭasya mukti-
virodhitvāt na tu pitṛgatamadṛṣṭaṃ janyate mukte pitari
doṣābhāvena yogināmiva vihitakriyāyāḥ, pitradṛṣṭa-
janakacāt tathātve ca sāṅgamapi śrāddhādikaṃ niḥphalaṃ
syāditi tadvidheraprāmāṇyāpatti putragatādṛṣṭena ca mukta-
pitari sukhotpattau na virodhaḥ yogināmiva sukhotpattau
doṣasyāhetutvāt atha pitṛsukhaṃ pitṛpuṇyajanyamiti
pitari na puṇyaṃ tena vinā tadabhāvāt, na, putre tatphala-
prasaṅgāt . pitṛsvargakāmanājanyakriyā pitṛpuṇyahetu-
riti putrakriyāpi tajjaniketi cet evaṃ pitṛkriyā-
pitṛpuṇyajaniketi na taṃ vinā pitari puṇyaṃ, putrakriyā ca
putrapuṇyajaniketi putrepuṇyaṃ, pitṛsvargakāmanājanyapuṇyatvena
pitṛsvargaheturastu tatpuṇyaṃ pitṛvṛtti tatsukhahetutvāt na ca
putravṛtti, tatsukhāhetutvāditi na, tatpuṇyaṃ na pitṛ-
vṛtti tatkṛtyajanyapuṇyatvāt putravṛtti vā tatkṛtijanya
puṇyatvāt tatkṛtapuṇyavat tasmāt pitṛsvargakāmanājanya
puṇyasvena pitṛsvargahetuteti putraeva tatpuṇyamiti, maivaṃ
svargopapādakaṃ hyapūrvvaṃ svargāśraye kalpate pradhavopasthiti-
katvena lāghavāt kalpanāyāḥ sākṣādupapādakaviṣayatvācca .
na ca svargahetukāmanāśraye, svargakāmanājanyabriyākarttari vā,
vilambopasthitikatvāt gauravāt paramparayā svargopapā-
dakavācca vadi ca putrakṛtapuṇyena muktasya śarīrādyutpattiḥ
sukhaṃ vā śyāt, tadā sākṣiviṣayā'satyābhidhānādi putra-
kriṃyājanyapāpena “sa viṣṭhāyāṃ kṛmirbhūtvā pitṛbhiḥ saha
pacyeta” ityādibodhitaṃ narakabhāgitādi muktasya pituḥ syāt
tathā ca putrakṛtatathāvidhaśaṅkayā na kaścinmokṣārthī vrahma-
caryyādiduḥkhenātmānamavasādayet “duḥkhenātyantavimuktaścaratīti”
“na sa punarāvarttata” iti śrutivirodhaśca tathā ca muktasya sukha-
duḥkha śarīrādikañca bhavatītyapadarśanam . mukte ca pitari śrāddhā-
dinā doṣābhāvādeva nādṛṣṭamutpadyate na caivaṃ sāṅgaśrāddhasyāpi
nityaphalatvam adṛṣṭotpattau svarūpasato doṣasyāṅgasya vaiguṇyāt,
yathā vivnahetuduritaśūnye na kṛtaṃ maṅgalaṃ na pāpadhvaṃsaṃ jana-
yati svarūpasataḥ pāpasyāṅgasyābhāvāditi evañca yāgasyāpi
vyadhikaraṇavyāpārobhaviṣyatīti .. ucyate vihitakriyayā
karttṛgatavyāpāradvārā kālāntare phalaṃ janyata ityutsargaḥ sa ca
balavatā bādhakenāpodyate prakṛte ca bādhakaṃ nāsti yathā śāstra-
deśitaṃ phalamanuṣṭhātarītyutsargaḥ sutakṛtagayāśrāddhasya pitṛsvargaṃ
prati, pitṛkṛtajātedeḥ putrapūtatvādikaṃ prati hetutvasya śāstreṇa
bedhanāt nanvayaṃniyamaeva pitṛyajñajāneṣṭyādau paramparāsamba-
ndhena karttṛgatameva phalaṃ, na hi yasya kasyāpi pitariputre
vā phalaṃ kintu svapitṛputrayoḥ tathā ca svapitṛgatatvaṃ svargabhāgi
pitṛkatvaṃ paramparāsambandhaḥ phalena putrasya, evaṃ pūtatvādikaṃ
pitṛgatameva . na ca phalasya karttṛgatatvaṃ sākṣātsambandhenai
veti vācyaṃ grāmapaśubhūmihiraṇyādīnāṃ paramparayā kartṛ-
gatatvamiti vyabhicārāt na hi grāmādayaḥ karttari sākṣāt-
saṃbaddhāḥ . evaṃ phalasya sākṣātkarttṛgāmitvabodhane śāstrasyot-
sargo na tu phalasya karttṛgāmitābodhane yattu svargabhāgipitṛ-
katvaṃ na phalaṃ tatkāmanāyā adhikāriviśeṣaṇatvābhāvāt
‘pitṛsvargakāma’ ityādi śruteḥ svataśca tathā kāmanayā pravṛttau
phalakāmanāviraheṇa prayoge'ṅgavaiguṇṭāt phalābhāvaprasaṅgaḥ .
kiñca svargabhāgipitṛkatvaṃ viśiṣṭaṃ tatra viśeṣyaṃ tatpitṛkatvaṃ
na kāmyam na vā phalaṃ, siddhatvāt tadasādhyatvācca, kintu
viśeṣaṇaṃ pitṛgataḥ svarga iti saeva phalamiti” tanna na hi
svargabhāgipitṛkatvaṃ phalam api tu svargeṇa samaṃ putrasya
paramparāsambandharūpaṃ taduktamiti . ucyate paramparāsambandhena
yadi putragatatvaṃ pitṛsvargasya, tadā saṃyuktasamavāyena tat-
putradhanasyāpi phalāvaṃ syāt . sambanthaḥ śāstreṇa bodhyata
iti cet tadā svargamāgipitṛkatyamapi na tathā, śāstreṇa
bodhitatvābhāvāt grāmādipiśuttiraṇyādīnāñca siddhatvena
na kāmyatyaṃ kintu tadviṣayakaṃ khatvaṃ kāmyaṃ phalamapi
kārmya tadeva, tacca sākṣātkartṛgatamiti karttagatatvena
phalasya sākṣātsambandho'pi niyata eva tatsvatvena phale
kāmanāt . tasmāt yathāgamameva śāstradeśitaṃ phalam
ataeva kāmanāviṣayaḥ svagata eva svargaḥ phalaṃ yāgādeḥ, svarga-
pūtacādeśca pitṛputragatatvena kāmyatvamiti śrāddhajāteṣṭyādeḥ
pitṛputragatameva phalam evañca mātāpitrāṃdigatasvargakāmanayā
putrādinā kṛtaṃ puṣkariṇīmahādānādikaṃ pitrādisvargajanaka-
meva kāmanāviṣayasvargasādhanatvena teṣāṃ śrutatvāt na hi
svagatasvargakāmasya karttavyatāṃ puṣkariṇyādervidhirbodhayati
kintu svargakāmasya svargaḥ svagataḥ paragato veti svarga-
kāmatvamaviśiṣṭam . yajetetyātmanepadamapi kartrabhipreta-
kriyāphalamātrajanakatve . na ca svargakāmoyajetetyādau
svagatasvargakāmanāyā antaraṅgatvādautsargikatvācca svargakāma-
tvena svagatasvargakāma evīcyate . sāmānye bādhakaṃ vinā
viśeṣaparatve mānābhāvāt . kecittu samyaggṛhasthāśramapari-
pālanasya brahmalokāvāptiḥ phalaṃ śrūyate iti jāteṣṭipitṛ-
yajñayorapi gṛhasthakarmmatvena tadeva phalamiti phalasya
karttṛgāmitveniyamaeva prātisvikaphalābhiprāyeṇotsargaḥ
ityāhuḥ nanu yāvannityaparipālanasya tat phalaṃ na tu kāmya-
śrāddhādeḥ kāmyāntarbhāve mānābhāvāt yāvatkāmyānuṣṭhānā-
śakteśca, yāvacchakyānuṣṭhānasyāpi nāntarbhāvaḥ kāmanāvirahā-
dināpyakaraṇāt yāvannityānuṣṭhāne tatphalābhāvaprasaṅgānnitya-
syaivāvaśyakatvenopasthityānvayācca . api ca taiḥ karmmabhiḥ
pratyekamutpattyapūrvvaṃtaiśca paramāpūrvvaṃ janyata iti” na gauravā
tmānābhāvācca kittvantimakriyayā paripālanarūpakriyāntareṇa
veti na sarvvaṃ karmma brahmalokāvāptiphalakamiti” maivaṃ bhagaba-
duddeśena kṛtasya nityasya yasya kasyāpi pālanāt brahmalokaprāptiḥ
phalaṃ śrūyata iti jāteṣṭipitṛyajñayorapi tathā kṛtayostadeva
phalaṃ tathā ca śrībhagavadgītā “yajñāyācarataḥ karmma karmma-
granthirnilīyate yajñārthāt karmmaṇo'nyatra loko'yaṃ karmma-
bandhana” iti tacca karmma yajñārthatayā pratyekameva tatphalasamarthaṃ
phalasambandhe, saṃvalanantu maṅgalavadupayujyate anyathaikaprayogasya
vyavadhānādasambhavaḥ . paripālanantu karttavyamityeva karaṇaṃ
taduktaṃ “dadāmi deyamityeva yaje yaṣṭavyamityahamiti” yattu
niṣiddhāsambandhaeva samyaktvam na tu vihitasātrānuṣṭhānamiti,
tanna vatkiñcinniṣiddhāsambandhasyābhāvāt, sarvaniṣiddhāsambandhasya
sarvatra sulabhatvāditi sampradāyaḥ . atra brūmaḥ bhagavaduddeśena
kṛtaṃ kiñcideva karmma, sarvaṃ vā, kāmyaṃ vā sarvaṃ, nityaṃ vā
sarvamiti nādyaḥ ekenaiva kāmyena nityena vā snānena tathā
kṛtena tatphalasiddhau bahuvittādisādhye śrāddhādāvapravṛttyā-
patteḥ nāparau aśakyatvāt na turyyaḥ jāteṣṭhyādernityatvā-
bhāvāt tasmāt samyaggṛhasthāśramapālanasya na tatphalaṃ sa-
myaktvañca sāmastyameva ato na śrāddhādeḥ brahmalokāvāptiriti
sādhūktaṃ śāstradeśitaṃ phalamanuṣṭhātarītyutsarga iti tacca phalaṃ
kvacidvidhivākyaśrutaṃ kvaviccārthavādikamiti” . idantvavadheyaṃ
karmadhvaṃsenāpūrbapratyākhyāne “jñānāgniḥ sarvakarmāṇītyādi
śāstrabodhitasya tattvajñānanāśyatvasya bādhaḥ dhvaṃsasya nāśya-
tvābhāvāt nyāyamate tu karmapadena tajjanyāpūrbalakṣaṇayā
teṣāṃ kṣayasambhava iti . asya ca kāryyamātraṃ prati kāraṇa
teti naiyāyikādayaḥ . karmaṇa eva phalamiti mīmāṃsakāḥ .
īśvarādhiṣṭhitādeva sūkṣmavasthāpannāt karmaṇaḥ phalamiti vedā-
ntinaḥ tathā hi “phalamata upapatteriti” śā0 sū0 bhāṣye
“athocyeta karmmakāryyādapūrvvāt phalamutpatsyate” ityāśaṅkya .
tadapi nopapadyate apūrvvasyācetanasya kāṣṭhaloṣṭasamasya cetanā-
pravarttitasya pravṛttyanupapatteḥ tadastitve ca pramāṇābhāvāt arthā-
pattiḥ pramāṇamiti cenna īśvarasiddherarthāpattiparikṣayāditi”
apūrvvaṃ nirākṛtya . “dharmmaṃ jaiminirataeveti” śā0 sū0 .
jaiminimataṃ dharmmasyaiva phalahetutvaṃ pūrvvapakṣīkṛtya . “pūrvvantu
vādarāyaṇo hetuvyapadeśāditi” śā0 sū0 nirākṛtam .
vyākhyātañcaitat bhāṣyakṛtā śaṅkarācāryyeṇa . nanvanukṣaṇa-
vināśinaḥ karmmaṇaḥ phalaṃ nopapadyate iti parityakto'yaṃ pakṣaḥ
naiṣa doṣaḥ śrutiprāmāṇyāt śrutiścet pramāṇaṃ yathāyaṃ karmma-
phalasambandhaḥ śruta eva upapadyate tathā kalpayitavyaḥ na
cānutpādya kipyapūrvvaṃ karmma vinaśyat kālāntaritaṃ phalaṃ
dātuṃ śaknotīti ataḥ karmaṇo vā kāciduttarāvasthā phalasya
vā pūrvvāvasthā'pūrvvaṃ nāmāstīti ca tarkyate . upapadyate cāya-
martha uktena prakāreṇa īśvarastu phalaṃ dadātītyanupapannam .
avicitrasya kāraṇasya vicitrakāryyānupapatteḥ vaiṣamyanirghṛṇya-
prasaṅgādanuṣṭhānavaiyarthyāpatteśca tathā ca dharmata eva phalamiti
“pūrvvapakṣaḥ” vādārāyaṇastu ācāryyaḥ pūrvvoktameveśvaraṃ phala-
hetuṃ manyate kevalāt karmmaṇo'pūrvvādvā kevalāt phalamityayaṃ-
pakṣaḥ tuśabdena vyāvarttyate karmāpekṣādvā'pūrvvāpekṣādvā yathā
tathā vā īśvarāt phalamiti siddhāntaḥ “hetuvyapadeśāt”
dharmmādharmayorapi kārayitṛtveneśvarohetturvyapadiśyate phala-
dātṛtayā ca . “eṣa hyeva sādhu karma kārayati taṃ yamebhya
unninīṣate eṣa u evāsādhu karma kārayati taṃ yamagho-
ninīṣate” iti smaryyate cāyamartho gītāsu . “yo yo
yāṃ yāṃ tanuṃ bhaktaḥ śraddhayārcitumicchati tasya tasyācalāṃ
śraddhāṃ tāmeva vidadhāmyaham . sa tayā śraddhayā yuktastasyā
rādhanamīhate . labhate ca tataḥ kāmān mayaiva vihi-
tān hi tān iti” . vicitrakāryyānupapattyādayo'pi
doṣāḥ kṛtaprayatnāpekṣatvādīśvarasya na prasajyante” iti .
etena “namastat karmabhyovidhirapi na yebhyaḥ prabhavatītyuktistu
prāmādikītyavaseyam evañca īśvarādhiṣṭhitakarmabhya eva tattat-
phalotpattiriti sustham . karmaṇāmāśuvināśināmapi sūkṣma-
rūpeṇaiva svakāraṇe'ntaḥ karaṇe sattvāt “kṣīyante cāsya karmmāṇi”
ityādyuktiḥ saṅgacchate tajjanyāpūrvvasvīkāre tu tatra tajjanye
lakṣaṇeti bhedaḥ . ataeva “jñānāgniḥ sarvakarmmāṇītyādau sū-
kṣmāvasthānāṃ jñānādeva kṣayaḥ, sthūlāvasthāpannānāntu āśu-
nāśāt” iti vedāntimate yuktirūhanīyā . “ātmāntaraguṇā-
nāmātmāntare'kāraṇatvāditi” vai0 sū0 “ātmāntarasya guṇānāṃ
puṇyapāpānāmātmāntare'kāraṇatvāt svargaphalasyeti śeṣaḥ .
“śāstradeśitaṃ phalamamuṣṭhātarīti” jai0 sū0 . “ātmāntare
yau dukhaduḥkhaguṇau tayorakāraṇatvāt pratyātmaniṣṭhābhyāmeva
dharmmādharmābhyāṃ sukhaduḥkhe, na vyadhikaraṇābhyām . anyathā
yena yāgahiṃsādikaṃ na kṛtaṃ tasya tatphalaṃ syāditi kṛta-
hānirakṛtābhyāgamaśca prasajyeteti” etacca sāmānyaśāstraṃ viśe-
ṣaṇāstreṇāpodyate tena pitṛyajñādeḥ putrapūtatvādihetutvamiti”
vai0 sū0 upaskaraḥ . taccāpūrvvaṃ trividhaṃ pradhānāpūrvva-
maṅgāpūrbaṃ kalikāpūrbañceti mīmāṃsakāḥ . tatra darśapaurṇa-
māsādyapūrbaṃ pradhānāpūrbaṃ tadeva paramāpūrbaṃ, prayājādyaṅgajanyā-
pūrbamaṅgāpūrbaṃ, tadavāntarakriyākūṭajanyamapūrbaṃ kalikāpūrbaṃ tacca
vrīhiprokṣaṇābhyukṣaṇādijanya dravyaniṣṭamiti mīmāṃsavāḥ
tajjanyasaṃskāraviśeṣa eva kalikāpūrvvatayā vyavahiyate
sa cātmaniṣṭha iti naiyāyikāḥ vistarastu kusumāñcalau
1 stāke dṛśyaḥ . kalikāpūrbañca paramāpūrbaṃ janayitvā
naśyati . aṅgāpūrbaistu paramāpūrbe viśeṣa ādhīyate iti
bhedaḥ tathā ca aṅgāpūrbasahitaṃ paramāpūrbaṃ viśiṣṭaphalaṃ jana-
yati tadvihīnantu svalpaṃ phalam . ata eva pradhānakaraṇe
daivāt śakyāṅgākaraṇe na pradhānasya vaiphalyaṃ kintu alpa-
phalatvameveti siddhāntaḥ . kevalāṅgāpūrbāṇāṃ tu na phala
janakatvam pradhānāsiddheḥ phalābhāvāt . ataeva “pradhānasyā
kriyā yatra sāṅgaṃ tat kriyate punaḥ . apradhānākriyāyāntu
nāvṛttirna ca tatkriyeti” chandogapariśiṣṭe tathā vyava-
sthāpitam . idañca paramāpūrbaṃ phalanāśyaṃ tattvajñānanāśyaṃ
karmanāśājalasparśādināśyañca . “nābhuktaṃ kṣīyate karma
kalpakoṭiśatairapi avaśyameva bhoktavyaṃ kṛtaṃ karma śubhāśubha-
miti” “karmaṇāñcaiva sarveṣāṃ bhogādeva kṣayobhavediti” ca
śāstrāt “jñānāgniḥ sarvakarmmāṇi bhasmasāt kurute-
'rjjuneti” gītāvākyācca . sarvakarmapadena ca prārabdhakarmmā-
tiriktakarmmāṇyebocyante tena prārabdhakarmaṇāṃ bhogā-
deva kṣaya ityanupadaṃ vakṣyate . paramāpūrbañca nityakarmaṇi
paṇḍāpūrbatvena mīmāṃsakaiḥ vyavahriyate sandhyābandhanasya
kiñcitphalājanakatvāt . arthavādopasthāpitabrahmalokādi
prāptirūpaphalajananāt na tatrāpūrbasya phalājanakatvena
paṇḍatvamiti naiyāyikāḥ . ata eva cintāmaṇau yatrārtha-
vādikaṃ phalaṃ na śrūyate tatra tattvajñāmasādhanatvaṃ
gītādivākyena vyavasthāpitaṃ tacca pūrbaṃ darśitam . “na kalañjaṃ
bhakṣayedityādi niṣedhasyāpi paṇḍāpūrbajanakatvamiti mīmāṃ-
sakāḥ . tatrāpi pratyayābhāvarūpaphalāṅgīkārānna paṇḍatva-
miti tattvajñānapratibandhakābhāvatvena tasyāpīṣṭatvāditi
naiyāyikāḥ . apūrbasyāpūrbaśabdavācyatve heturjaimininā
darśitaḥ . “pratyakṣamanimittaṃ vidyamānopalambhanatvāt”
sūtreṇa vyākhyātañcaitat adṛṣṭaśabde 116 pṛṣṭhe tataśca
pūrbamavidyamānatvāt apūrbaśabdavācyateti . vedāntinastu
karmmaṇaḥ sūkṣmāvasthā, phalasya pūrvvāvasthā vā'pūrvamiti svīcakruḥ
taccānupadaṃ darśitam . tattvajñānena karmakṣaye kaścidviśeṣo'bhi-
dhīyate . “tadadhigame uttarapūrvvāghayoraśleṣavināśau tadvya-
padeśāt” śā0 sū0 bhāṣye “athedānīṃ brahmavidyā-
phalaṃ prati cintā prajāyate brahmādhigame sati tadviparīta-
phalaṃ duritaṃ kṣīyate na vā kṣīyata iti saṃśayaḥ kintāvat
prāptaṃ phalahetutvāt karmmaṇaḥ phalamadattvā na sambhāvyate
kṣayaḥ . phaladāyinī hyasya śaktiḥ śrutyā samadhigatā yadi
tadantareṇaiva phalopabhogamupamṛdyeta, śrutiḥ kadarthitā syāt .
smaranti ca “nahi karmma kṣīyata” iti . nanvevaṃ sati
prāyaścittopadeśonirarthakaḥ prāpnoti . naiṣa doṣaḥ prāya-
ścittānāṃ naimittikatvopapattergṛheṣṭyādivat . api ca prāya-
ścittānāṃ doṣasaṃyogena vidhānāt bhavedapi doṣakṣapaṇārthatā
natvevaṃ brahmavidyāyāvighānamasti . nanvanabhyupagamyamāne
brahmavidaḥ karmmakṣaye, tatphalasyāvaśyabhoktavyatvādanirmmokṣaḥ
syāt . netyucyate . deśakālanimittāpekṣomokṣaḥ karmmaphala
vadbhaviṣyati . tasmānna brahmavidyādhigame duritanivṛttirityevaṃ
prāpte brūmaḥ . tadadhigame brahmādhigame satyuttarapūrvvāghayora-
śleṣavināśau bhavataḥ uttarasyāśleṣaḥ pūrbasya vināśaḥ .
kasmāt? tadvyapadeśāt . tathā hi brahmavidyāprakriyāyāṃ
sambhāvyamānasambandhasyāgāmino duritasyānabhisambandhaṃ viduṣo-
vyapadiśati śrutau “yathā puṣkarapalāśa āpo na śliṣyanta eva-
mevaṃvidi pāpaṃ karmma na śliṣyata” iti . tathā vināśamapi0
pūrvvopacitasya duritasya vyapadiśati “tad yatheṣīkātūlamagnau
protaṃ pradūyetaivaṃ hāsya sarbe pāpmānaḥ pradūyanta” iti .
ayamaparaḥ karmakṣayavyapadeśo bhavati . “bhidyate hṛdayagranthi-
śchidyante sarvasaṃśayāḥ . kṣīyante cāsya karmmāṇi tasmin dṛṣṭe-
parāvare” iti . yaduktamanupamuktaphalasya karmaṇaḥ kṣayakalpa-
nāyāṃ śāstrakadaryanaṃ syāditi . naiṣa doṣaḥ na hi vayaṃ
karmaṇaḥ phaladāyinīṃśaktimavajānīmahe vidyata eva sā, sā
tu vidyādinā kāraṇāntareṇa pratibadhyata iti vadāmaḥ . śakti-
sadbhāvamātre ca śāstraṃ vyāpriyeta na pratibandhābhāve'pi . “na
hi karma kṣīyata” ityetadapi smaraṇamautsargikaṃ na bhogādṛte
karma kṣīyate tadarthatvāditi iṣyata eva prāyaścittādinā tasya
kṣayaḥ . “sarvaṃ pāpmānantarati tarati brahmahatyāṃ yo'śvamedhena
yajate ya u vainamevaṃ vedetyādiśrutismṛtibhyaḥ . yattūktaṃ
naimittikāni prāyaścittāni kṣapayiṣyantīti tadasat doṣa-
saṃyogena nodyamānānāmeṣāṃ doṣanihnutiphalāntarakalpa-
nānupapatteḥ . yat punaruktaṃ na prāyaścittavaddoṣakṣayoddeśena
vidyāvidhānamastetyatra brūmaḥ . saguṇāsu tāvadvidyāsu vidyata
eva vidhānaṃ tāsu ca vākyaśeṣe aiśvaryyaprāptiḥ pāpanivṛttiśca
vidyāvata ucyate . tatrāvivakṣākāraṇaṃ nāstītyataḥ
pāpmaprahāṇapūrbakaiśvaryyaprāptistāsāṃ phalamiti niścīyate .
nirguṇāyāntu vidyāyāṃ yadyapi vidhānaṃ nāsti tathāpya-
kartrātmabodhāt karmapradāhasiddhiḥ . aśleṣa iti cāgāmiṣu-
karmasu karttṛtvameva na pratipadyate brahmaviditi darśayati .
atikrānteṣu tu yadyapi mithyājñānāt kartṛtvaṃ pratipeda iva
tathāpi vidyāsāmarthyānmithyājñānanivṛttestānyapi pralī-
yanta ityāha vināśa iti . pūrvaprasiddhakartṛtvabhoktṛtvaviparītaṃ
hi triṣvapi kāleṣvakartṛtvāmoktṛtvarūpaṃ brahmāhamasmi netaḥ
pūrbamapi karttā bhoktā vāhamāsaṃ nedānīṃ” nāpi bhaviṣyati
kāla iti brahmavidavagacchati . evameva ca mokṣa upapadyate
anyathā hyanādikālapravṛttātāṃ karmaṇāṃ kṣayābhāve mokṣābhāvaḥ
syāt . na ca deśakālanimittāpekṣomokṣaḥ karmaphala
vadbhavitumarhati anityavaprasaṅgāt parokṣatvānupapatteśca
jñānaphalasya . tasmādbrahmādhigame duritakṣaya iti sthitam ..
“itarasyāpyevamasaṃśleṣaḥ pāte tu” śā0 sū0 .. “pūrbasminnadhi-
karaṇe bandhahetoraghasyāśleṣavināśau jñānanimittau śāstra-
vyapadeśānnirūpitau dharmasya punaḥ śāstrīyatvācchāstrīyaiṇa
jñānena virodha ityāśaṅkya tannirākaraṇāya pūrvvādhikaraṇa-
nyāyātideśaḥ kriyate . itarasyāpi puṇyasya karmaṇa evamaghavada
saṃśleṣovināśaśca jñānavato bhavataḥ . kutaḥ? tasyāpi svaphala-
hetutve jñānaphalapratibandhitvaprasaṅgāt “ubhe u haivaiṣa
etena taratītyādi” śrutiṣu ca duṣkṛtavat sukṛtasyāpi praṇā-
śavyapadeśāt akartrātmabodhanimittasya karmakṣayasya sukṛta
duṣkṛtayīstulyatvāt . “kṣīyante cāsya karmmāṇi iti cā'
viśeṣaśruteḥ . yatrāpi kevalaeva pāpmaśabdaḥ paṭhyate
tatrāpi tenaiva puṇyamapyākalitamiti draṣṭavyaṃ jñānāpekṣayā-
nikṛṣṭaphalatvāt . asti ca śrutau puṇye'pi pāpmaśabdaḥ “nainaṃ
setumahorātre pratate tarata” ityatra saha duṣkṛtena sukṛtamapya-
nukramya “sarve pāpmāno'tonivarttanta” ityaviśeṣeṇaiva pratateṣu
pāpmaśabdaprayogāt . pāte tviti . tuśabdo'vaghāraṇārthaḥ .
evaṃ dharmmādharmmayobandhahetvorvidyāsāmarthyādaśleṣavināśasiddhe-
ravaśyaṃ bhāvinī viduṣaḥ śarīrapāte muktirityavadhārayati
“anāravvakaryye eva tu pūrbe tadavadheḥ śā0 sū0 ..
“pūrbayoradhikaraṇayorjñānanimittaḥ sukṛtaduṣkṛtayorvināśo-
'vadhāritaḥ sa kimaviśeṣeṇārabdhakāryyayośca bhavatyuta viśe-
ṣeṇānāravvakāryyayoreveti vicāryate tatra” “ubhe uhaivaiṣa etena
taratītyevamādi” śrutiṣvaviśeṣaśravaṇādaviśeṣeṇaiva kṣaya ityevaṃ
prāpte pratyāha anāravvakārye eva tviti . apravṛtti-
phale eva pūrbajanmāntarasañcite asminnapi ca janmani prāk ca
jñānotpatteḥ sañcite sukṛtaduṣkṛte jñānādhigamāt kṣīyete
na tvārabdhakārye sāmibhuktaphale, yābhyāmetadbrahmajñānāyatana
janma nirmmitam . kuta etat? “tasya tāvadeva ciraṃ yāvanna
vimokṣaiti śarīrapātāvaghikaraṇāt kṣemaprāpteḥ . itarathā
hi jñānādaśeṣakarmakṣaye sati sthitihetvabhāvāt jñāna
prāptyanantarameva kṣemamaśnuvīta tatra śarīrapātapratīkṣāṃ nāca-
kṣīta . nanu vastubalenaivāyamakartrātmabodhaḥ karmmāṇi kṣapa-
yan kathaṃ kānicit kṣapayet kāniciccopekṣeta na hi
samāne hyagnivījasamparke keṣāñcidvījaśaktiḥ kṣīyate keṣā-
ñcinna kṣīyate iti śakyamaṅgīkarttumiti . ucyate . na
tāvadanāśrityārabdhakāryakarmmāśayaṃ jñānotpattirupapadyate
āśrite ca tasmin kulālacakravat pravṛttavegasyāntarāle
pratibandhāsambhavādbhavati vegakṣayapratipālanam . akartrātma-
bodho'pi hi mithyājñānabādhanena karmāṇyucchinatti .
bāghitamapi mithyājñānaṃ dvicandrajñānavat saṃskāravaśāt
kañcit kālamanuvarttata eva . api ca naivātra vivaditavyaṃ
brahmavidaḥ kañcit kālaṃ śarīraṃ dhriyate na dhriyate vā
iti . kathaṃ hyekasya svahṛdayapratyayaṃ brahmavedanaṃ deha-
dhāraṇañcāpareṇa pratikṣeptuṃ śakyeta? śrutismṛtiṣu ca
sthataprajñalakṣaṇanirddeśenaitadeva nirucyate . tasmādanārabdha-
karyayoreva sukṛtaduṣkṛtayorvidyāsāmarthyāt kṣaya” iti bhā0 .