anyathāsiddhiḥ
See also
anyathāsiddhi.
Śabdakalpadruma
☞
vol. 1,
p. 60.
anyathāsiddhiḥ , strī, (anyathā anyaprakāreṇa siddhiḥ .)
kāryyāvyavahitapūrvvavarttitve sati kāryyānutpādakatvaṃ .
sā pañcavidhā . yathā . yatkāyyaṃ prati kāraṇasya
pūrvvavarttitā yena rūpeṇa gṛhyate tatkāryyaṃ prati
tadrūpamanyathāsiddhaṃ . yathā ghaṭaṃ prati daṇḍatvaṃ .. 1 ..
yasya svātantryeṇa anvayavyatirekau na staḥ kintu
kāraṇamādāyānvayavyatirekau tadanyathāsiddhaṃ . yathā
ghaṭaṃ prati daṇḍarūpaṃ .. 2 .. anyaṃ prati pūrvvavarttitāṃ
gṛhītvaiva yasya yatkāryyaṃ prati pūrvvavarttitvaṃ gṛhyate
tasya tatkāryyaṃ prati anyathāsiddhatvaṃ . yathā ghaṭā-
dikaṃ prati ākāśasya .. 3 .. yatkāryyajanakaṃ prati
pūrvvavarttitvaṃ gṛhītvaiva yasya yatkāryyaṃ prati pūrvvavarttitvaṃ
gṛhyate tasya tatkāyyaṃ prati anyathāsiddhatvaṃ . yathā
kulālapiturghaṭaṃ prati .. 4 .. avaśyakḷptaniyata-
pūrvvavarttinaeva kāraṇatvasambhave tadbhinnamanyathā-
siddhaṃ . yathā ghaṭaṃ prati rāsabhādiḥ .. 5 .. iti
siddhāntamuktāvalī ..