anāgatābādha

anāgatābādha Karmadh. m. (-dhaḥ) Future pain or illness. E.

anāgata and ābādha.

anāgatābādha m. future trouble.

anāgatābādha anāgataḥ ābādhaḥ duḥkham . bhāvidaihi-
kādiduḥkhe . yadācaraṇena bhāviduḥkhānutpādastādṛśā upāyāḥ
suśrute darśitā yathā “athāto'nāgatābādhapratiṣedhanīyaṃ
vyākhyāsyāma” tyupakramya . “utthāyotthāya satataṃ svasthe-
nārogyamicchatā . dhīmatā yadanuṣṭheyaṃ tat sarvvaṃ sampra-
vakṣyate .. tatrādau dantapavanaṃ dvādaśāṅgulamāyatam .
kaniṣṭhikāpariṇāhamṛjvagrathitamavraṇam . ayugmagranthi ya-
ccāpi pratyagraṃ śastabhūmijam . avekṣyartuñca doṣañca rasaṃ
vīryyañca yojayet .. kapāyaṃ madhuraṃ tiktaṃ kaṭukaṃ prāta-
rutthitaḥ . nimbaśca tiktake śreṣṭhaḥ, kaṣāye khadira-
stayā .. madhūko madhure śreṣṭhaḥ, karañjaḥ kaṭuke tathā .
kṣaudravyoṣatrivargāktaṃ satailaṃ saindhavena ca .. cūrṇena tejo-
vatyāśca dantānnityaṃ viśodhayet, . ekaikaṃ gharṣayeddantaṃ mṛdunā
kūrcakena ca .. dantaśodhanacūrṇena dantamāṃsānyabādhayan ..
taddaurgandhyopadehau tu śleṣmāṇaṃ cāpakarṣati . vaiśadyamannābhi-
ruciṃ maumanasyaṃ karoti ca .. na khādedgalatālvoṣṭhajihvā-
rogamamudbhave . athāsyapāke śvāse ca kāsahikkāvamīṣu ca ..
durbbalo jīrṇabhaktaśca mūrcchārtto madapīḍitaḥ . śiroru-
gārttastṛṣitaḥ śrāntaḥ pānaklamānvitaḥ .. ardditī karṇa-
śūlī ca dantarogī ca mānavaḥ, . jihvānirlekhanaṃ raupyaṃ
sauvarṇaṃ vārkṣameva ca .. tanmalāpaharaṃ śastaṃ mṛdu ślakṣṇaṃ
daśāṅgulam . mukhavairasyadaurgandhyaśophajāḍyaharaṃ sukham, ..
dantadārḍhyakaraṃ rucyaṃ snehagaṇḍūṣadhāraṇam . kṣīravṛkṣakaṣā-
yairvvā kṣīreṇa ca vimiśritaiḥ .. bhillodakakaṣāyeṇa tathai-
vāmalakasya vā . prakṣālayenmukhaṃ netre khasthaḥ śītodakena
vā .. nilīkāṃ mukhaśoṣañca piḍakāṃ vyaṅgameva ca . rakta-
pittakṛtān rogān sadya eva vināśayet, .. mukhaṃ laghu
nirīkṣeta dṛḍhaṃ paśyati cakṣuṣā, . mataṃ sroto'ñjanaṃ śreṣṭhaṃ
viśuddhaṃ sindhusambhavam .. dāhakaṇḍūmalaghnañca dṛṣṭikledarujā-
paham, . akṣṇorūpāvahañcaiva sahate mārutātapau .. na netra-
rogā jāyante tasmādañjanamācaret . bhuktavān śirasā
snātaḥ śrāntaśchardanavāhanaiḥ .. rātrau jāgaritaścāpi
nāñjyājjvarita eva ca, . karpūrajātikakkolalavaṅgakaṭukā-
hvayaiḥ .. sacūrṇapūgaiḥ sahitaṃ patraṃ tāmbūlajaṃ śubham .
mukhavaiśadyasaugandhyakāntisauṣṭhavakārakam .. hanudantasvaramala-
jihvendriyaviśodhanam . prasekaśamanaṃ hṛdyaṃ galāmaya-
vināśanam . pathyaṃ suptotthite bhukte snāte vānte ca mānave .
raktapittakṣatakṣīṇatṛṣṇāmūrcchāparītinām .. rukṣadurvvalama-
rtyānāṃ na hitaṃ cāsyaśoṣiṇām, . śirogatāṃstathā
rogān śiro'bhyaṅgo'pakarṣati .. keśānāṃ mārddavaṃ dairghyaṃ
bahutvaṃ snigdhakṛṣṇatām . karoti śirasastṛptiṃsutvakka-
mapi cānanam .. santarpaṇaṃ cendriyāṇāṃ śirasaḥ prati-
pūraṇam . madhūkaṃ kṣīraśuklā ca saralaṃ devadāru ca . kṣṛdrakaṃ
pañcanāmānaṃ samabhāgāni saṃharet . teṣāṃ kalkakaṣā-
yābhyāṃ cakratailaṃ vipācayet .. sadaiva śītalaṃ jantormūrdhni
tailaṃ pradāpayet, . keśaprasādhanī keśyā rajojantumalā-
pahā, .. hanumanyāśiraḥkarṇaśūlaghnaṃ karṇapūraṇam, . abhyaṅgo
mārddavakaraḥ kaphavātanirodhanaḥ .. dhātūnāṃ puṣṭijanano
mṛjāvarṇabalapradaḥ, . sekaḥ śramaghno'nilanudbhagnasandhiprasā-
dhakaḥ .. kṣatāgnidagdhābhihatavidhṛṣṭānāṃ rujāpahaḥ .
jalasiktasya varddhante yathā mūle'ṅkurāstaroḥ .. tathā dhātu
vivṛddhirhi snehasiktasya jāyate . śirāmukhairomakūpairdhama-
nībhiśca tarpayan .. śarīrabalamādhatte yuktaḥ sneho'vagāhane .
tatra prakṛtisātmyarttudeśadoṣavikāravit .. tailaṃ ghṛtaṃ vā
matimān yuñjyādabhyaṅgasekayoḥ . kevalaṃ sāmadoṣeṣu na katha-
ñcana yojayet .. taruṇajvaryyajīrṇī ca nābhyaktavyau katha-
ñcana . tathāvirikto vāntaśca nirūḍho yaśca mānavaḥ ..
pūrvvayoḥ kṛcchratā vyādhyorasādhyatvamathāpivā . śeṣāṇāṃ
tadahaḥ proktā agnimāndyādayogadāḥ .. santarpaṇasamutthānāṃ
rogāṇāṃ naiva kārayet, . śarīrāyāsajananaṃ karma vyāyāmasaṃ-
jñitam .. tat kṛtvā tu sukhaṃ dehaṃ vimṛdnīyāt samantataḥ .
śarīropacayaḥ kāntirgātrāṇāṃ suvibhaktatā .. dīptāgnitva-
manālasyaṃ sthiratvaṃ lāghavaṃ mṛjā . śramakumapipāsoṣṇa-
śītādīnāṃ sahiṣṇutā .. ārogyaṃ cāpi paramaṃ vyāyāmā-
dupajāyate . na cāsti sadṛśaṃ tena kiñcit sthaulyāpaka-
rṣaṇam .. na ca vyāyāminaṃ martyamardayantyarayo bhayāt .
nacaina sahasākramya jarā samadhirohati .. sthirībhavati
māṃsañca vyāyāmābhiratasya ca . vyāyāmakṣuṇṇagātrasya
padbhyāsudvarttitasya ca .. vyādhayo nopasarpanti siṃhaṃ kṣudra-
mṛgā iva . vayorūpaguṇairhīnamapi kuryyāt sudarśanam ..
vyāyāma kurvato nityaṃ viruddhamapi bhojanam . vidagdha-
mavidagdhaṃ vā nirdoṣaṃ paripacyate .. vyāyāmo hi sadā-
pathyobalināṃ snigdhabhojinām . sa ca śīte vasante ca
teṣāṃ pathyatamaḥ smṛtaḥ .. sarvveṣvṛtuṣvaharahaḥ pumbhirātmahitai-
pibhiḥ . balasyārddhena karttavyo vyāyāmo hantyato'nyathā ..
hṛdi sthānasthito vāyuryadā vaktraṃ prapadyate . vyāyāmaṃ
kurvato jantostadbalārddhasya lakṣaṇam .. vayobalaśarīrāṇi
deśakālāśanāni ca . samīkṣya kuryyāt vyāyāmamanyathā
rogamāpnuyāt .. kṣayastṛṣṇārucicchardiraktapittabhramaklamāḥ .
kāsaśoṣajvaraśvāsā ativyāyāmasambhavāḥ .. raktapittī
kṛśaḥ śoṣī śvāsakāsakṣatāturaḥ . bhuktavān strīṣu ca
kṣīṇo bhramārttaśca vivarjayet” .. udvarttanaṃ vātaharaṃ kapha-
medovilāpanam . sthirīkaraṇamaṅgānāṃ tvakprasādakaraṃ
param .. śirāmukhaviviktatvaṃ tvaksthasyāgneśca tejanam .
uddharṣaṇotsādanābhyāṃ jāyeyātāmasaṃśayam, .. utsādanā-
dbhavet strīṇāṃ viśeṣāt kāntimadvapuḥ . praharṣasaubhāgyamṛjā-
lāghavādiguṇānvitam, .. udgharṣaṇantu vijñeyaṃ kaṇḍūkīṭā-
nilāpaham . ūrvvoḥ sañjanayatyāśu phenakaḥ sthairyyalāghave
kaṇḍūkīṭānilastambhamalarogāpahaśca saḥ . tejanaṃ tvaggata-
syāgneḥ śirāmukhavirecanam .. uddharṣaṇantviṣṭikayā kaṇḍū-
kīṭavināśanam . nidrādāhaśramaharaṃ svedakaṇḍūtṛṣā-
paham .. hṛdyaṃ malaharaṃ śreṣṭhaṃ sarvendriyaviśāghanam .
tandrāpāpopaśamanaṃ tuṣṭidaṃ puṃstvavarddhanam, .. raktaprasādanaṃ
cāpi snānamagneśca dīpanam . uṣṇena śirasaḥ snāna-
mahitañcakṣuṣaḥ sadā .. śītena śirasaḥ snānaṃ cakṣuṣyamiti
nirdiśet . śleṣmamārutakope tu jñātvā vyādhibalābalam ..
kāmamuṣṇaṃ śiraḥsnānaṃ bhaiṣarjyārthaṃ samācaret . atiśītā-
mbuśīte ca śleṣmamārutakopanam .. atyuṣṇamuṣṇakāle ca
pittaśoṇitavarddhanam . taccātisārajvaritakarṇaślāni-
lārttiṣu .. ādhmānārocakājīrṇabhuktavatsu ca garhitam, .
saubhāgyadaṃ varṇakaraṃ prītyojobalavarddhanam .. svedadaurgandhya-
vaivarṇyaśramaghnamanulepanam . snānaṃ yeṣāṃ niṣiddhantu teṣā-
mapyanulepanam . rajoghnamatha caujasyaṃ saubhāgyakaramuttam, .
sumano'mbararatnānāṃ dhāraṇaṃ prītivarddhanam .. mukhālepāddaḍhaṃ
cakṣuḥpīnagaṇḍaṃ tathānanam . avyaṅgapiḍakaṃ kāntaṃ bhava-
tyambujasannibham, .. pakṣmalaṃ viśadaṃ kāntamamalojjvala-
maṇḍalam . netramañjanasaṃyogādbhaveccāmalatārakam, . yaśasyaṃ
svargyamāyuṣyaṃ dhanadhānyavivarddhanam . devatātithiviprāṇāṃ
pūjanaṃ gotravarddhanam, .. āhāraḥ prīṇanaḥ sadyobalakṛddeha-
dhārakaḥ . āyustejaḥsamutsāhasmṛtyojo'gnivivarddhanaḥ, ..
pādaprakṣālanaṃ pādamalarogaśramāpaham . cakṣuḥprasādanaṃ vṛṣyaṃ
rajoghnaṃ prītivarddhanam .. nidrākaro dehasukhaścakṣuṣyaḥ śrama-
suptinut, . pādatvaṅmṛdukārī ca pādābhyaṅgaḥ sadā hitaḥ ..
pādarogaharaṃ vṛṣyaṃ rajoghnaṃ prītivarddhanam, . sukhapracāra-
maujasyaṃ sadā pādatradhāraṇam .. anārogyamanāyuṣyaṃ
cakṣuṣorupaghātakṛt . pādābhyāmanupānadbhyāṃ sadā caṃkramaṇaṃ
nṛṇām, .. pāpopaśamanaṃ keśanakharomāpamārjanam . harṣa-
lāghavasaubhāgyakaramutsāhavarddhanam .. vāṇavāraṃ mṛjāvarṇate-
jobalavivarddhanam, . pavitraṃ keśyamuṣṇīṣaṃ vātātapara-
jo'paham .. varṣānilarajogharmahimādīnāṃ nivāraṇam ..
varṇyaṃ cakṣuṣyamaujasyaṃ śaṅkaraṃ chatradhāraṇam .. śunaḥ sarī-
sṛpavyālaviṣāṇibhyo bhayāpaham, . śramaskhalanadoṣaghnaṃ
sthavire ca praśasyate .. satvotsāhabalasthairyyadhairyyavīryya
vivarddhanam . avaṣṭambhakarañcāpi bhayaghnaṃ daṇḍadhāraṇam, ..
āsthā varṇakaphasthaulyasaukumāryyakarī sukhā, . adhvā
varṇakaphasthaulyasaukumāryyavināśanaḥ, . atyadhvā viparīto-
'smājjarādaurbalyakṛcca saḥ .. yattu caṃkramaṇaṃ nātideha-
pīḍākaraṃ bhavet, . tadāyurbalameghāgnipradamindriyabodha-
nam .. śramānilaharaṃ vṛṣyaṃ puṣṭinidrādhṛtipradam .
susvaṃ śayyāsanaṃ duḥkhaṃ viparītaguṇaṃ matam, .. vyālavyajana-
maujasyaṃ makṣikādīnapohati . śoṣadāhaśramasvedamūrcchā-
ghno vyajanānilaḥ, .. protinidrākaraṃ vṛṣyaṃ kaphavāta-
śramāpaham . saṃvāhanaṃ māṃsaraktatvakprasādakaraṃ kham, .
pravātaṃ rokṣyavaivarṇyastambhakṛddāhapaktinut . svedamūrcchā-
pipāsāghnamapravātamato'nyathā, .. sukhaṃ vātaṃ praseveta grīṣme-
śaradi mānavaḥ . nivātaṃ hyāyuṣe sevyamārogyāya ca
sarvadā, . ātapaḥ pittatṛṣṇāgnisvedamūrcchābhramāsrakṛt, .
dāhavaivarṇyakārī ca chāyā caitānapohati, . agnirvāta-
kaphastambhaśītavepathunāśanaḥ . āmābhiṣyandajaraṇo rakta-
pittapradūṣaṇaḥ, . puṣṭivarṇabalotsāhamagnidīptimatantri-
tām . karoti dhātusāmyañca nidrākāle niṣevitā, .

tatrādita eva nīcanakharomṇā śucinā śuklavāsasā laghū-
ṣṇīṣacchatropānatkena daṇḍapāṇinā kāle hitamitamadhurapū-
rvvābhibhāṣiṇā bandhubhūtena bhūtānāntu, guruvṛddhānumatena susa-
hāyenānanyamanasā khalūpacaritavyaṃ, tadapi na rātrau na
keśāsthikaṇṭakāśmatuṣabhasmotkarakapālāṅgārāmedhyasthānaba-
libhūmiṣu, na viṣamendrakīlacatuṣpathaśvabhrāṇāmupariṣṭāt, .
na rājadviṣṭaparudhapaiśunyānṛtāni vadet na devabrāhmaṇa-
pitṛparivādāṃśca . na narendradviṣṭonmattapatitakṣudranīcācārā-
nupāsīta . vṛkṣaparvataprapātaviṣamavalmīkaduṣṭavājikuñjarādya-
dhirohaṇāni pariharet pūrṇanadīsamudrāviditapalvalaśvabhrakū-
pāvataraṇāni, bhinnaśūnyāgāraśmaśānavijanāraṇyavāsā-
gnisaṃbhramavyālabhujaṅga—kīṭasevāgrāmāghātakalahaśastrasannipā-
tāgnisaṃbhramavyālasarīsṛpaśṛṅgisannirkaṣāṃśca .. nāgnigo-
gurubrāhmaṇapreṅkhādampatyantareṇābhiyāyāt . na śavamanu-
yāyāt . devagobrāhmaṇacaityadhvajarogipatitapāpakāri-
ṇāñca chāyāṃ nākramet . nāstaṃ gacchantamudyantaṃ vādityaṃ
vīkṣeta . gāndhayantīṃ paraśasyaṃ vā carantīṃ parasmai na kasmai-
cidācakṣīta, na colkāpātendradhanūṃṣi . nāgniṃ mukhenopa-
dhamet . nāpo bhūmiṃ vā pāṇipādenābhihanyāt .. na
vegān ghārayet . na vahirvergān grāmanagaradevatāyatanaśmaśāna
catuṣpathasalilāśayapathisannikṛṣṭānutsṛjannaprakāśaṃ na vāyva-
gnisalilasomārkagogurupratimukham .. na bhūmiṃ vili-
khet . nāsaṃvṛtamukhaḥ sadasi jṛmbhodgāraśvāsakṣavathanut-
sṛjet . na paryyastikāvaṣṭambhapādaprasāraṇāni gurusannidhau
kuryyāt . na bālakarṇanāsāsrotodaśanavivarāṇyabhikuṣṇī-
yāt . na vījayet keśamukhanakharavastragātrāṇi . na gātra-
nakhavaktravāditraṃ kuryyāt . na kāṣṭhaloṣṭatṛṇādīnabhihanyā-
dbhindyādvā . na prativātātapaṃseveta . na bhuktamātro'gni-
mupāsīta, notkaṭukastiṣṭhet . nālpakāṣṭhāsanamadhyāsīta .
na grovāṃ viṣamaṃ ṣārayet . na viṣamakāyaḥ kriyāṃ bhajet
bhuñjīta vā . na pratatamīkṣeta viśeṣājjyotirbhāskara-
sūkṣmacalabhrāntāni . na bhāraṃ śirasā vahet . na svapna-
jāgaraṇaśayanāsanacaṅkamaṇayānavāhanapradhānavanalaṅghanaplavanaprata
raṇahāsyabhāṣyavyavāyavyāyāmādīnucitānapyatiseveta .. u
citādapyahitāt kramaśo viramet hitamanucitamapyāseveta
kramaśo na caikāntataḥ pādahīnāt .. nāvākśirāḥ śayīta .
na bhinnapātre nāñjalipuṭenāpaḥ pibet . kāle hitamita-
snigdhamadhuraprāyamāhāraṃ vaidyapratyavekṣitamaśnīyāt . grāma-
gaṇagaṇikāpaṇikaśatruśaṭhapatitabhojanāni pariharet
śeṣāṇyapi cāniṣṭarūparasagandhasparśaśabdamānasānyanyānyevaṃ-
guṇānyapi vā saṃbhūya dattāni tānyapi makṣikābālopa-
hatāni, . nāprakṣālitapāṇipādo bhuñjīta mūtroccāra-
pīḍito na sagdhyayornāpāśrito nātītakālaṃ hīnamati-
mātrañceti na bhuñjītoddhṛtasneham .. nodake paśyedātmānaṃ,
na nagnaḥ praviśejjalam . na naktaṃ dadhi bhuñjīta na vāpyaghṛta-
śarkaram .. nāmudgayūṣaṃ nākṣaudraṃ noṣṇairnāmalakairvinā .
anyathā kṛṣṭhavīsarpādiṃ janayet . dyūtamadyātisevāpratibhū-
sākṣitvasamāhvānagoṣṭhīvāditrāṇi na seveta . srajañchatro-
pānahau kanakamatītavāsāṃsi na cānyairdhṛtāni dhārayet .
brāhmaṇamagniṃ gāñca nocchiṣṭaḥ spṛśet .. bhavanti cātra ..
sukhamātraṃ samāsena sadvṛttasyaitadīritam . ārogyamāyurartho
vā nāsadbhiḥ prāpyate nṛbhiḥ .. yasmin yasminnṛtau ye ye
doṣāḥ kupyanti dehinām . teṣu teṣu pradātavyā rasāste te
vijānatā .. varṣāsu na pibettoyaṃ pibeccharadi mātrayā .
varṣāsu caturo māsānmātrāvadudakaṃ pibet .. uṣṇaṃ haime
vasante ca kāmaṃ grīṣme tu śītalam . hemante ca vasante ca
sīdhvariṣṭau pibennaraḥ .. śṛtaśītaṃ pibet grīṣme prāvṛṭ-
kāle rasaṃ pibet . yūṣaṃ yarṣati tasyānte prapibecchītalaṃ
jalam .. svasya evamato'nyastu doṣāhāramatānugaḥ .
snehaṃ saindhavacūrṇena pippalībhiśca saṃyutam .. pibedagnivivṛ-
ddhyarthaṃ na ca vegānvidhārayet . agnidīptikaraṃ nṝṇāṃ rogāṇāṃ
śamanaṃ prati .. prāvṛṭśaradvasanteṣu samyak snehādimācaret .
kaphe pracchardanaṃ, pitte vireko, vastirīraṇe .. śasyate triṣvapi
sadā vyāyāmo doṣanāśanaḥ . bhuktaṃ viruddhamapyannaṃ vyāyā-
mānna prakupyati .. utsargamaithunāhāraśodhane syāttu tanmanāḥ .
necchedrogabhayātprājñaḥ pīḍāṃ vā kāyamānasīm .. ati-
strīsaṃprayogācca rakṣedātmānamātmavān . śūlakāsajvaraśvāsa-
kārśyapāṇḍvāmayakṣayāḥ .. ativyavāyājjāyante rogāścā-
kṣepakādayaḥ . āyuṣmanto mandajarā vapurvarṇabalānvitāḥ ..
sthiropacitamāṃsāśca bhavanti strīṣu saṃyatāḥ . tribhistribhi-
rahobhirhi samīyāt pramadāṃ naraḥ .. sarveṣvṛtuṣu dharmmeṣu pakṣā-
tpakṣād vrajet budhaḥ . rajasvalāmakāmāñca malināmapriyāṃ
tathā .. varṇavṛddhāṃ vayovṛddhāṃ tathā vyādhiprapīḍitām .
hīnāṅgīṃ garbhiṇīṃ dveṣyāṃ yonidoṣasaganvitām .. sagotrāṃ
gurupatnīñca tathā pravajitāmapi . sagdhyāparvasvagamyāñca
nopeyāt pramadāṃ naraḥ .. gosarge cārddharātre ca tathāmadhya-
ndineṣu ca . lajjāsamāvahe deśe vivṛte'śuddha eva ca ..
kṣudhito vyādhitaścaiva kṣubdhacittaśca mānavaḥ . vātaviṇmūtra-
vegī ca pipāsuratidurbalaḥ .. tiryyagyonāvayonau ca prāpta-
śukravidhāraṇam . duṣṭayonau visargantu balavānapi varjayet ..
retasaścātimātrantu mūrddhvāvaraṇameva ca . sthitāvuttānaśayane
viśeṣeṇaiva garhitam .. krīḍāyāmapi medhāvī hitārthī
parivarjayet . rajasvalāṃ prāptavato narasyāniyatātmanaḥ ..
dṛṣṭyāyustejasāṃ hāniradharmmaśca tato bhavet . liṅginīṃ guru-
patnīñca sagotrāmatha parvasu .. vṛddhāñca sandhyayoścāpi gacchato
jīvitakṣayaḥ . garbhiṇyāṃ garbhapīḍā syādvyādhitāyāṃ bala-
kṣayaḥ .. hīnāṅgīṃ malināṃ dveṣyāṃ kāmaṃ bandhyāmasaṃvṛte .
deśe'śuddhe ca śukrasya manasaśca kṣayo bhavet .. kṣudhitaḥ
kṣubdhacittaśca madhyāhne tṛṣito'balaḥ . sthitasya hāniṃ
śukrasya vāyoḥ kopañca vindati .. atiprasaṅgādbhavati śopaḥ
śukrakṣayāvahaḥ . vyādhitasya rujā plīhā mṛtyurmūcchā ca
jāyate . pratyūṣasyarddharātre ca vātapitte prakupyataḥ .. tiryya-
gyonāvayonau ca duṣṭayonau tathaiva ca . upadaṃśastathā vāyoḥ
kopaḥ śukrasya ca kṣayaḥ .. uccārite mūtrite ca retasaśca
vidhāraṇe . uttāne ca bhavecchīghraṃ śukrāśmaryyāstu sambhavaḥ ..
sarvaṃ pariharettasmādetallokadvaye hitam . śukraṃ copasthitaṃ
mohānna sandhāryyaṃ kathañcana .. vayorūpaguṇopetāṃ tulyaśīlāṃ
guṇānvitām . abhikāmo'bhikāmāntu hṛṣṭo hṛṣṭāmalaṃkṛ-
tām .. seveta pramadāṃ yuktyā vājīkaraṇavṛṃhitaḥ . bhakṣyāḥ
saśarkarāḥ kṣīraṃ sasitaṃ, rasa eva ca .. snānaṃ savyajanaṃ svapno
vyavāyānte hitāni tu iti” . eteṣāmanyathācaraṇe
yathāyathaṃ duḥsrānyutpadyante .