amṛtāharaṇaḥ
See also
amṛtāharaṇa.
Śabdakalpadruma
☞
vol. 1,
p. 86.
amṛtāharaṇaḥ , puṃ, (amṛtamāharati, mātṛdāsyāpa-
nayanārthaṃ svargāt bhūlokaṃ nayati, ā + hṛ +
karttari lyuṭ, tataḥ ṣaṣṭhītatpuruṣaḥ .) garuḍaḥ .
iti hārāvalī .. (“purā kila garuḍo mātu-
rvinatāyāḥ sapatnīdāsyanivāraṇārthaṃ sarvvadevān
vinirjitya somarakṣakacchedanayantrādikañcātikramya
svargādamṛtaṃ nāgakulāya dātumāhṛtavān” . iti
paurāṇikī kathā . mahābhāratasyādiparbbaṇi .
“śrutvā tamabruvan sarpā āharāmṛtamojasā .
tato dāsyādvipramokṣo bhavitā tava khecara ! ..
ityukto garuḍaḥ sarpaistato mātaramabravīt ..
gacchāmyamṛtamāharttuṃ bhakṣyamicchāmi vedituṃ ..
… … …
sa cakraṃ kṣuraparyyantamapaśyadamṛtāntike .
paribhramantamaniśaṃ tīkṣṇadhāramayasmayaṃ ..
jvalanārkaprabhaṃ ghoraṃ chedanaṃ somahāriṇām .
… … …
acchinattarasā madhye somamabhyadravattataḥ ..
samutpāṭyāmṛtaṃ tatra vainateyastato balī .
utpapāta javenaiva yantramunmathya vīryyavān ..
… … …
evaṃ tadamṛtaṃ tena hṛtamāhṛtameva ca .
dvijihvāśca kṛtāḥ sarpā garuḍena mahātmanā” ..)