amāvasyā

amāvasyā, vāsyā, vasī, vāsī (also written amā masī-māsī) [ amāvas -ṇyat, amā saha vasataḥ caṃdrārkau asyāṃ sā P. III. 1. 122 Sk.]

1 The day of new moon, when the sun and moon dwell together or are in conjunction; the 15th day of the dark half of every lunar month; sūryācaṃdramasoḥ yaḥ paraḥ sannikarṣaḥ sā'māvāsyā Gobhila.

2 A sacrifice offered at that time.

3 The sacrificial oblation.

amā—vasyā f. = -vāsyā́, q.v., Kāṭh.; Pāṇ. iii, 1, 122.

amāvasyā, amāvāsyā, amāvasī, amāvāsī (also written amā- masī-māsī) [amāvas -ṇyat, amā saha vasataḥ candrārkau asyāṃ sā. amāvasyardanyatarasyām P.III.1.122 Sk.] 1 The day of new moon, when the sun and moon dwell together or are in conjunction; the 15th day of the dark half of every lunar month; sūryājandramasoḥ yaḥ paraḥ sannikarṣaḥ sā'māvasyā Gobhila; amāvāsyāyāṃ dīkṣitvā Ch. Up.5.2.4. -2 A sacrifice offered at that time. -3 The sacrificial oblation.

amāvasyā (von vas, vasati mit amā) f. (nämlich rātri) die Nacht des Zusammenwohnens des Mondes und der Sonne, Neumondsnacht P. 3, 1, 122. VOP. 26, 11. AK. 1, 1, 3, 8.

amāvasyā so KĀṬH. immer für amāvāsyā .

amāvasyā f. = amāvāsyā Neumondsnacht KĀṬH.

amāva(vā)syā amā saha vasataścarndrārkau yasyām ni0 . kṛṣṇa-
pakṣīyapañcadaśītithau . tathā hi adhaḥ pradeśavarttī
śīghragāmī candraḥ, ūrddhvapradeśavarttī mandagāmī sūryyaḥ .
tayorgativiśeṣāt yatkāle candramaṇḍalamanyūnamanati-
riktaṃ sat sūryyamaṇḍalasyādhobhāge vyavasthitam bhavati
tadā sūryyaraśmibhiḥ sākalyenābhibhūtatvāt candramaṇḍalamī-
ṣadapi na dṛśyate iti kṛṣṇapakṣe pañcadaśakalākriyākūṭo-
palakṣitaḥkālaḥ amāvasyeti niṣkarṣaḥ . “sūryyācandramasoḥ
yaḥ paro viprakarṣaḥ sā paurṇamāsī ryaḥ paraḥsannikarṣaḥ
sā'māvasyeti” gobhi0 “amāvasyā guruṃ hanti śiṣyaṃ
hanti caturdaśī” manuḥ . amāvāsyāyāṃbhavaḥ vā kvun amā-
vāsyakaḥ aṇ āmāvasyaḥ . tatrabhave tri0 . “ya āgāre
mṛgayante pratikrośe'māvāsye” atha0 36, 3

amāvasyā , strī, (amā sāhityena vasataścandrārkau
yasyāṃ, amā + vasa + ādhāre ṇyat striyāṃ ṭāp .)
kṛṣṇapakṣāntatithiḥ . sā tu candramaṇḍalasya pañca-
daśakalākriyārūpā tatkriyopalakṣitaḥ kālo
vā . iti tithyāditattvaṃ .. sūryyācandramasoryaḥ paraḥ
sannikarṣaḥ sāmāvasyā . iti gobhilaḥ .. paraḥ
sannikarṣaśca uparyyadhobhāvāpannasamasūtrapātanyāyena
ekarāśyavacchedena sahāvasthānarūpaḥ . iti raghu-
nandanaḥ .. tatparyyāyaḥ . amāvāsyā 2 . darśaḥ 3 .
sūryyendusaṅgamaḥ 4 . ityamaraḥ .. pañcadaśī 5 . iti
smṛtiḥ .. amāvasī 6 . amāvāsī 7 . iti
śabdaratnāvalī .. amāmasī 8 . amāmāsī 9 .
ityamaraṭīkāyāṃ ramānāthaḥ .. sā dṛṣṭendukalā
sinīvālī 10 . naṣṭendukalā ca kuhūḥ 11 . itya-
maraḥ .. tadvyavasthādi yathā . athāmāvasyā . sā ca
pratipadyutā grāhyā yugmāt . varāhapurāṇe
cāṇḍālaśapathe .
“ṣaṣṭhyaṣṭamyapyamāvāsyā ubhe pakṣe caturddaśī .
asnātānāṃ gatiṃ yāsye yadyahaṃ nāgame punaḥ” ..
ato'tra snānamāvaśyakaṃ . ato'tra jīvatpitṛke-
ṇāpi snātavyam .
“amāsnānaṃ gayāśrāddhaṃ dakṣiṇāmukhabhojanaṃ .
na jīvatpitṛkaḥ kuryyāt kṛte ca pitṛhā bhavet” ..
iti vacanaṃ rāgaprāptasnānaniṣedhakaṃ .
“bhogāya kriyate yattu snānaṃ yādṛcchikaṃ naraiḥ .
tanniṣiddhaṃ daśamyādau nityanaimittike na tu” ..
iti trayodaśīprakaraṇoktavacanācca .. * ..
paiṭhinasiḥ . “na parbbasu tailaṃ kṣauraṃ māṃsamabhyupe-
yāt nāmāvāsyāyāṃ haritamapi chindyāt” .
iti .. * ..
“puṣye tu janmanakṣatre vyatīpāte ca vaidhṛtau .
amāyāñca nadīsnānaṃ punātyāsaptamaṃ kulaṃ” ..
atra dahatyājanmaduṣkṛtamiti jyotiṣe pāṭhaḥ .. * ..
vyāsaḥ .
“amāvāsyāṃ bhavedvāro yadi bhūmisutasya ca .
gosahasraphalaṃ dadyāt snānamātreṇa jāhnavī” ..
“sinīvālī kuhūrvvāpi yadi somadine bhavet .
gosahasraphalaṃ dadyāt snānaṃ yanmauninā kṛtam” ..
sinīvālī caturddaśīyuktāmāvāsyā vyastāpi
praśastā evamanyatrāpi vāraviśiṣṭavidhau na yugmā-
daraḥ niravakāśatvena saṃśayāyogāt . etacca mauna-
maruṇodayakālamārabhya snānaparyyantaṃ . na tu snāna-
kālamātre .
tatra,
“uccāreṃ methune caiva prasrāve dantadhāvane .
snāne bhojanakāle ca ṣaṭsu maunaṃ samācaret” ..
iti skāndena tasya sāmānyataḥ prāptatvāt . uccāre
purīṣotsarge .. * .. smṛtiḥ .
“karatoyājalaṃ prāpya yadi somayutā kuhūḥ .
aruṇodayavelāyāṃ sūryyagrahaśataiḥ samā” ..
snānamantraḥ .
“karatoye sadānīre saritśreṣṭhe suviśrute .
pauṇḍrān plāvayase nityaṃ pāpaṃ hara karodbhave” ..
pauṇḍrān deśaviśeṣān .. * .. marīciḥ .
“māse nabhasyamāvāsyā tasyāṃ darbhacayo mataḥ .
ayātayāmāste darbhā viniyojyāḥ punaḥ punaḥ” ..
atra .
“darbhāḥ kṛṣṇājinaṃ mantrā brāhmaṇā haviragnayaḥ .
ayātayāmānyetāni niyojyāni punaḥ punaḥ” ..
iti gṛhyapariśiṣṭavacanenaiva siddhau śrāvaṇā-
māvāsyāyā upādānaṃ .
“vārṣikāṃścaturo māsānnāharet kuśamṛttikāḥ .
ādadīta tvabhāve'pi sadyo yasyopayojanaṃ” ..
iti saṃvatsarapradīpadhṛtaśivarahasyīyasyāpavādaka-
miti .. vidyākaradhṛtaṃ .
“saṅgrahādvatsaraṃ yāvat śuddhiḥ syādidhmavarhiṣāṃ .
tataḥ paraṃ na gṛhṇīyāt japādau yajñakarmmaṇi” .. * ..
saṃvatsarapradīpe .
“amāvāsyāntu kanyārke tīrthaprāptau tathā nṛpa .
kṛtvā śrāddhaṃ vidhānena dadyāt ṣoḍaśapiṇḍakaṃ” ..
tatpramāṇaprayogau ṣoḍaśīśabde draṣṭavyau .. * ..
amāvāsyāyāmapi malamāse śrāddhābhāvamāha
kauthumiḥ .
“saṃvatsarātireko vai māso yaḥ syāttrayodaśaḥ .
tasmiṃstrayodaśe śrāddhaṃ na kuryyādindusaṃkṣaye” ..
sambatsarapradīpe .
“ekarāśisthite sūryye yadi darśadvayaṃ bhavet .
darśaśrāddhaṃ tadādau syānna paratra malimluce” ..
yattu .
“jātakarmmaṇi yat śrāddhaṃ darśaśrāddhaṃ tathaiva ca .
malamāse'pi tatkāryyaṃ vyāsasya vacanaṃ yathā” ..
iti vyāsavacanaṃ tatpiṇḍapitṛyajñākhyaśrāddhaparaṃ .. * ..
amāvāsyāśrāddhakālamāha chandogapariśiṣṭaṃ .
“piṇḍānvāhāryyakaṃ śrāddhaṃ kṣīṇe rājani śasyate .
vāsarasya tṛtīyāṃśe nātisandhyāsamīpataḥ” ..
piṇḍānāṃ pitṝṇāṃ anvāhāryyaṃ śrāddhaṃ māsaikatṛpti-
janakaṃ yattattathā . tathā ca manuḥ .
“piṇḍānāṃ māsikaṃ śrāddhamanvāhāryyaṃ vidurbudhāḥ” .
rājani candre . śasyata ityanena kvaciccandrakṣayā-
bhāve'pi amāvāsyāśrāddhaṃ sūcitaṃ . etādṛg-
vyutpatteḥ sāgniniragnisādhāraṇatvāt vakṣyamāṇa-
kātyāyanoktarītyā kṣīṇāstambhitāvarddhamānābhedaḥ
sādhāraṇaḥ .. * .. yattu, —
“pitṛyajñantu nirvvarttya vipraścandrakṣaye'gnimān .
piṇḍānvāhāryyakaṃ śrāddhaṃ kuryyānmāsānumāsikaṃ” ..
iti manuvacanaṃ tatsāgniḥ piṇḍapitṛyajñaṃ nirvvartya
māsānumāsikaṃ pratimāsikaṃ śrāddhaṃ kurvvīte-
tikramavidhāyakaṃ . atrānuśabdasya vīpsārthakatvaṃ .
tathā ca .
“lakṣaṇavīpsetthambhrateṣvabhirbhāge paripratī .
anureṣu sahārthe ca hīne upaśca kathyate” ..
candrakṣaye'māvāsyāyāṃ na tu kātyāyanoktakṣaye
tathātve varddhamānādau pratimāsānupapatteḥ . evameva
śrāddhavivekaḥ . ataeva tatraivāmāvāsyāvyatirikta-
kṛṣṇapakṣavihitapārbbaṇaśrāddhe yayāstamiti vaca-
nāt vyavasthetyuktaṃ . tatra sāgnikarttavyatvāviśeṣitā-
māvāsyāvyatirekābhidhānāt kṣīṇādibhedena vya-
vasthā sāgniniragnisādhāraṇītyavagamyate . evañcā-
māvāsyāyāṃ mṛtāhanimittaka aurasakṣetrajaputtra-
karttavyapārbbaṇe kṣīyamāṇādinā na vyavasthā kintu
yayāstamityanena . etadvivṛtaṃ malamāsatattve .. * ..
yattu daśamamuhūrttasya matsyapurāṇoktāparāhṇikatve'pi
śrāddhe tasya tyāgaḥ . piṇḍapitṛyajñārtha eveti
vāsaratṛtīyāṃśābhidhānaṃ sāgniparameveti pari-
śiṣṭaprakāśoktaṃ tanna yuktaṃ . pūrvvāhṇovai devānāṃ madhyaṃ
dinaṃ manuṣyāṇāṃ aparāhṇaḥ pitṝṇāṃ iti śrutyā
tanmuhūrttasya manuṣyakarmmāṅgatvena bodhanādeva śrāddhe
parityāgaḥ . etacchrutimūlakameva vāsarasya tṛtī-
yāṃśa ityuktaṃ . vāsarasya tṛtīyāṃśe tridhā vibhaktasya
dinasya tṛtīyabhāge nātisandhyāsamīpata iti
sandhyāsamīpaikamuhūrtta āpadyapi varjjanīya ityarthaḥ .
tena .
“prātaḥkālo muhūrttāṃstrīn saṅgavastāvadeva tu .
madhyāhnastrimuhūrttaḥ syādaparāhṇastataḥ paraṃ ..
sāyāhnastrimuhūrtraḥ syāt śrāddhaṃ tatra na kārayet .
rākṣasī nāma sā velā garhitā sarvvakarmmasu” ..
iti matsyapurāṇe niṣiddhamuhūrttatraye āpadi muhūrtta-
dvayamabhyanujñātaṃ atiśabdasvarasāt . “trimuhūrttāpi
karttavyā pūrvvā darśā ca bahvṛcaiḥ” . iti hārīta-
vacanācca . tena pūrvvadine muhūrttatrayamātralābhe para-
dine vāsarasya tṛtīyāṃśālābhe pūrvvadine eva
śrāddhaṃ . etena nātisandhyāsamīpata ityanena rākṣasī-
velāmātraṃ niṣidhyata iti maithilamatamapāstaṃ .
sarvvakarmmasu snānadānādiṣvapi anāpadītyarthaḥ .
iti śrāddhavivekaḥ .. tenāśaktau tasyāmapi tatka-
raṇaṃ . ataeva parāśaraḥ .
“divākarakaraiḥ pūtaṃ divāsnānaṃ praśasyate .
apraśastaṃ niśi snānaṃ rāhoranyatra darśanāt” ..
iti .. * .. darśadvaidhe kutra śrāddhamityāha chandoga-
pariśiṣṭe kātyāyanaḥ .
“yadā caturdṛśīyāmaṃ turīyamanupūrayet .
amāvāsyā kṣīyamāṇā tadaiva śrāddhamiṣyate” ..
caturddaśīyāmaṃ caturddaśīsambandhidinayāmamiti ta-
ddinasyāmāvāsyāsambandhe'pi caturddaśīnirddeśo-
'dhikena vyapadeśā bhavantīti nyāyāt . tena yadā
amāvāsyācaturddaśīsambandhidinasya caturthaṃ praharaṃ
kṛtsnaṃ kiñcinnyūnaṃ vā anupūrayet atrānupūraye-
dityabhidhānāt turīyayāmasya pādonadaṇḍadvayā-
nyūnaprathamamuhūrttasya bahukālatvaṃ pratīyate . etena
praharatrayābhyantare kiñcidadhikapraharatraye vā catu-
rddaśī pratīyate . tataścobhayavāsarīyatṛtīyāṃśa-
sambandhipañcadhāvibhaktāparāhūmuhūrttayormuhūrttānyūna-
darśalābhe dvaidhaṃ na tvekadinamātre tallābhe . tatra
pūrvvoktena vāsarasya tṛtīyāṃśa ityanenaiva dvaidhā-
nudayāt . ato yaddine vāsaratṛtīyāṃśe tādṛśa-
darśalābhastatraiva śrāddhaṃ . muhūrttonatithestu karmmā-
narhatvānna dvaidhāvasaraḥ . tathā ca bhaviṣye .
“vratopavāsaniyame ghaṭikaikā yadā bhavet .
sā tithiḥ sakalā jñeyā pitrarthe cāparāhṇikī” ..
iti . atra ca prāguktajāvālivacanoktā muhūrttā-
tmikā ghaṭikā grāhyā yogyatvāt na tvekadaṇḍā-
tmikā vakṣyamāṇarauhiṇādigrahaṇe tathā dṛṣṭa-
tvācca . tataśca pūrvvoktadvaidhe taddvivasīyacaturddaśya-
pekṣayā paradine amāvāsyā kṣīyamāṇā nyūnakā-
lavyāpinī na tu pūrvvāparadivasīyayāvaccaturddaśya-
pekṣayā anupasthiteḥ . evaṃ stambhitāvarddhamānayo-
rapi . tadaiva pūrvvadarśa eva śrāddhaṃ . svoktacandra-
kṣayānurodhāt . yadā triṃśaddvaṇḍātmakadivase catu-
rddaśyadhikacaturthayāmapūraṇe mukhyāparāhṇīyakiñci-
nnyūnamuhūrttalābhastadāpi tadaivetyanena candrakṣayānu-
rodhāt pūrvvadine śrāddhaṃ na tu mukhyāparāhṇīya-
muhūrttalābhe'pi paradine . atra candrakṣayaścaturddaśya-
ṣṭamayāmāt prabhṛti amāvāsyāsaptamayāmaparyyanta-
miti vakṣyate . tadaivetyeva śravaṇāttithidvaidhe khaṇḍa-
viśeṣo niyamyate karmmaṇi khaṇḍāntaravyudāsāya .
evañca yatra pūrvvāparadine vāsaratṛtīyāṃśīyamu-
khyāparāhṇe muhūrttonadarśalābhastatrāpi pūrvvadina eva
śrāddhaṃ vāsaratṛtīyāṃśacandrakṣayātiśabdasvarasāt .
trimuhūrttāpītyanurodhācca . yatra tu pūrvvadine tri-
muhūrttamātravyāpinyamāvāsyā paradine tṛtīyāṃśa-
muhūrttavyāpinī satī kṣīyamāṇā tatra paradine
candrakṣayābhāve'pi mukhyāparāhṇalābhāt śrāddham .
anyathā, —
“yadā caturdaśīyāmaṃ turīyamanupūrayet” .
iti viśeṣābhidhānaṃ vyarthaṃ syāt .. * ..
atha “yatra pūrvvāhe śrāddhaṃ tatra yadahastveva candramā
na dṛśyeta tāmamāvāsyāṃ kurvvīta” iti gobhila-
virodhaḥ . tathāvidhacaturdaśīyuktāmāvāsyāyāḥ
sinīvālītvena prātaścandradarśanāt . tatrāha saeva .
“yaduktaṃ yadahastveva darśanaṃ neti candramāḥ .
tatkṣayāpekṣayā jñeyaṃ kṣīṇe rājani cetyapi” ..
“yadahastveva candramā na dṛśyeta tāmamāvāsyāṃ
kurvvīta” iti yadgobhilasūtraṃ taccandrakṣayābhiprā-
yikam . anyathā gobhilīyatādṛśasūtrāntareṇa
saha paunaruktyāpatteḥ . tasmāt prathamasūtraṃ kuhūparaṃ
tacca varddhamānāpakṣe niyataṃ . kṣīṇāstambhitayostu
yathāyogyamanusaraṇīyam . evañca “yadahastveva
candramā na dṛśyeta tāmamāvāsyāṃ kurvvīta” iti
śrutiretatsamānārthakaṃ śrutyantaraṃ vā tadapi varddha-
mānādiparaṃ na tu kātyāyanavacanāttatra kṣayalakṣaṇā
kalpataruprabhṛtibhiruktāyuktā .
“śrutismṛtivirodhe tu śrutireva garīyasi” .
iti virodhāt . kṣīṇa iti kātyāyanena mayā
yat kṣīṇe rājanītyuktaṃ tadapi kṣayābhiprāyakam .
athaivaṃ dṛśyamāne'pyekadā iti yadgobhilasya sūtrā-
ntaraṃ tadvyartham . “yadahastveva” ityādi dvitīya-
sūtraprāptatitheḥ sinīvālītvenaiva candradarśanaprāpte-
rityata āha sa eva .
“yaccoktaṃ dṛśyamāne'pi taccaturdaśyapekṣayā .
amāvāsyāṃ pratīkṣeta tadante vāpi nirvvapet” ..
dṛśyamāne'pyekadeti yaduktaṃ taccaturddaśyāṃ śrāddhāya
pūrvvasūtramamāvāsyāpadopādānāccandrakṣaye satyama-
māvāsyāviṣayaṃ . idaṃ punaritthambhatacaturddaśīviṣa-
yamiti śrāddhavivekaḥ . tat kimamāvāsyāvaccatu-
rddaśītyatrāha amāvāsyāṃ pratīkṣeta ubhayatithi-
prāptau śrāddhāyāmāvāsyā pratīkṣaṇīyā . yatra
pūrvvadine divā sārddhvamuhūrttamātre amāvāsyā para-
dine ca sārddhvadaśamamuhūrttamātre tatra cobhayadine
śrāddhayogyāmāvāsyā na prāpyate tatra tadanta
caturddaśyante nirvvapet dadyāt .. * .. atraiva viṣaye
sāgniniragnyorvviśeṣamāha kālamādhavīye jā-
bāliḥ .
“aparāhṇadvayāvyāpī yadi darśastithikṣaye .
āhitāgneḥ sinīvālī niragnyādeḥ kuhūrmmatā” ..
ādiśabdādanupanītaśūdrayorgrahaṇaṃ .. * .. kṣayamāha
kātyāyanaḥ .
“aṣṭame'ṃśe caturddaśyāḥ kṣīṇo bhavati candramāḥ .
amāvāsyāṣṭamāṃśe ca tataḥ kila bhavedaṇuḥ” ..
caturddaśyaṣṭame yāme candramāḥ kṣīṇa caturthabhāgona-
kalāvaśiṣṭo bhavati . “atrendurādyaprahare'vati-
ṣṭhate” ityādisvarasāt . amāvāsyāṣṭame yāme
cāṇurbhavati punarutpadyate kiletyāgamavārttāyāṃ tena
amāvāsyāyāḥ saptame yāme kṛtsnakṣaya ityava-
gamyate . “tataścāntyakalāvayavanāśotpattireva kṣayaḥ
sā ca sūkṣmatāyāṃ vināśe'pyastīti” śrāddhavivekaḥ ..
utpattirādyakṣaṇasambandhaḥ . tena bināśasyānanta-
tve'pi nātivyāptiḥ .. * .. atra viśeṣamāha
saeva .
“āgrahāyaṇyamāvāsyā tathā jyaiṣṭhasya yā bhavet .
viśeṣamābhyāṃ bruvate candracāravido janāḥ” ..
ābhyāmiti lyablope pañcamī ime prāpyetyarthaḥ .
candracāravido jyotirvvidaḥ . atra paurṇamāsyā-
ntamāsa iti pariśiṣṭaprakāśaḥ .. atra tījaṃ
brahmapurāṇīyatithikṛtyaṃ . tathā ca śrāddhamadhikṛtya
brahmapurāṇaṃ .
“payomūlaphalaiḥ śākaiḥ kṛṣṇapakṣa ca sarvvadā” .
atra kṛṣṇapakṣe caturddaśīvyatiriktāyāṃ yasyāṃ kasyā-
ñcit tithau śrāddhavidhānādamāvāsyāpi labhyata
iti .. * .. ko viśeṣaityatrāha sa eva .
“atrendurādye prahare'vatiṣṭhate
caturthabhāgonakalāvaśiṣṭaḥ .
tadanta eva kṣayameti kṛtsna-
mevaṃ jyotiścakravido vadanti” ..
atra māsadvaye amāvāsyāyāṃ caturthabhāgonakalā-
vaśiṣṭaḥ caturthabhāgonā yā kalā tayāvaśiṣṭaḥ
kalābhāgatrayamātraḥ sannādye prahare'vatiṣṭhate . arthāt
caturddaśyaṣṭamayāme kṣayārambha iti . tadanta eva
amāvāsyāntayāma eva kṣayaṃ kṛtsnameti . anya-
trāmāvāsyā saptamayāma iti viśeṣaḥ . tena mārga-
śīrṣajyaiṣṭhayorubhayadine candrakṣayalābhe yadyapi yadā
caturddeśīyāmamiti vacanāt pūrvvadine eva śrāddhaṃ
prāpnoti tathāpi tadvacanaṃ candrakṣayānurodhamūla-
miti . kṛtsnakṣayānurodhāt kṣīṇāyāmapi para-
trāparāhṇalābhe śrāddhaṃ anyathaitadviśeṣābhidhānaṃ vyarthaṃ
syāt .. * .. atrāpi viśeṣāntaramāha sa eva .
yasminnabde dvādaśaikaśca yavyastasmiṃstrṛtīyayā pari-
dṛśyo nopajāyeta . yavyo māsaḥ . tṛtīyayā
mātrayā caturthabhāgonakalayā paridṛśyaścandro na
bhavati kintu tadadhikanyūnakalayeti . tena mala-
māsayutābde anyamāsavadanayorapi caturddaśyantayā-
mādi darśasaptamayāmaparyyantaṃ kṣaya iti . malamāsa-
yutābdastu ekasmānmalamāsādabdadvayānantarābda-
stṛtīye'bde malamāsasyāvaśyambhāvāditi .. * ..
candrakṣayānuruddhaṃ kṣīṇāpakṣamupasaṃharati sa eva .
“evaṃ cāraṃ candramaso viditvā
kṣīṇe tasminnaparāhṇe ca dadyāt” .
evaṃ cāraṃ gativiśeṣaṃ .. * .. stambhitāyāṃ vyava-
sthāmāha sa eva .
“sammiśrā yā caturddaśyā amāvāsyābhavet kvacit .
kharvvitāṃ tāṃ viduḥ kecidupedhvamiti cāpare” ..
kṣīṇāyāḥ pūrvvamuktatvāt . varddhvamānāyāśca vakṣya-
māṇatvāt asya vacanasya stambhitāparatvaṃ . kharvvitāṃ
nīcāṃ pitṛlokaprāpaṇānarhāṃ kecit yajurvvedinaḥ .
apare ṛgvedinaḥ tāmeva upedhvamupagacchata śrāddhā-
yeti śeṣaḥ . upedhvamityatra gatādhvāmitipāṭhe
gataḥ prāptaḥ pitṛlokaprāpaṇāya adhvā anayeti
gatādhvā praśastetyarthaḥ . “tasmācchandogā ubhayā-
nurodhādicchāta ubhayādaraṃ kurvvanti” iti kā-
tyāyanasvarasaḥ .. * .. vyaktamāha laghuhārītaḥ .
“trimuhūrttāpi karttavyā pūrvvā darśā ca bahvṛcaiḥ .
kuhūradhvaryyubhiḥ kāryyā yatheṣṭaṃ sāmagītibhiḥ” ..
atra trimuhūrttetyupādānāt stambhitāyāṃḥ pūrvvadine
trimuhūrttamātralābhe'pi bahvṛcānāṃ śrāddhaṃ . na tu
mukhyāparāhṇalābhādapi paradine . sāmagānāṃ tatrā-
pyaniyamaḥ . etādṛgviṣaya eva umayatrāparāhṇā-
lābhe'pīyaṃ vyavastheti śrāddhavivekaḥ .. mukhyā-
parāhṇasya ekadinamātralābhe'pyubhayadinālābhāt ..
.. * .. varddhvamānāyāṃ vyavasthāmāha kātyāyanaḥ .
“varddhvamānāmamāvāsyāṃ lakṣayedapare'hani .
yāmāṃstrīnadhikān vāpi pitṛyajñastato bhavet” ..
yāmāṃstrīniti pūrvvadivasīyayāmatrayanyūnacaturddaśya-
pekṣayā . athaivaṃ vāsaratṛtīyāṃśānurodhena śrāddha-
vidhānāt kathamamāvāsyāśrāddhe paryudastarātryādī-
tarakālaparigrahaḥ . satyaṃ . tithidvaidhe kṣīṇādi-
bhedena khaṇḍaviśeṣaparigrahāya vāsaratṛtīyāṃśā-
pekṣā anyathobhayadine vāsaratṛtīyāṃśāprāptau
śrāddhalopāpatteḥ . prāguktaniragnyādeḥ kuhūrmmate-
tyasya nirvviṣayatāpatteśca ataḥ paryyudastetarakāla-
syāpi parigrahaḥ . yadā tu pūrvvāparakhaṇḍayoranya-
tarasyaiva parigrahastadā yathāyogyaṃ tatraiva sāyā-
hnamuhūrttadvayaparyyudastetarakālakutapādimuhūrttapañcaka-
rauhiṇādimuhūrttacatuṣṭayavāsaratṛtīyāṃśīyāparā-
hṇamuhūrttadvayakālāḥ . yathākramamāpatsāmānyapraśasta-
praśastatara-praśastatamatvena jñeyāḥ . evamakhaṇḍati-
thāvapi nātisandhyāsamīpata iti pūrvvoktatvāt .
“sāyāhnastrimuhūrttaḥ syāt śrāddhaṃ tatra na kārayet” .
iti matsyapurāṇāt .
“rātrauśrāddhaṃ na kurbbīta rākṣasīkīrttitā hi sā .
sandhyayorubhayoścaiva sūryye caivācirodite” ..
iti manuvacanābhyāṃ .
“ūrddhvaṃ muhūrttāt kutapāt yanmūhūrttacatuṣṭayaṃ .
muhūrttapañcakaṃ vāpi svadhābhavanamiṣyate” ..
iti matsyapurāṇānmuhūrttapañcakamityatra kutapāditi
lyablope pañcamī kutapamārabhyetyarthaḥ . tatastenaiva .
“aparāhṇe tu samprāpte abhijidrauhiṇodaye .
yadatra dīyate jantostadakṣayamudāhṛtaṃ” ..
ityuktaṃ . “pūrvvāhṇo vai devānāṃ madhyaṃ dinaṃ manuṣyāṇāṃ
aparāhṇaḥ pitṝṇāṃ” . iti śrutiḥ . vāsarasya
tṛtīyāṃśa iti kātyāyanavacanaṃ .
“sāyāhnastrimuhūrttaḥ syāt śrāddhaṃ tatra na kārayet”
ityeṣāmekavākyatvāt vāsaratṛtīyāṃśīyāparāhṇa-
muhūrttadvayasya lābhaḥ . iti tithyāditattvaṃ ..