akṣakrīḍā

akṣakrīḍā , strī, (akṣaiḥ yā krīḍā) dyūtakrīḍā
pāśakakrīḍā . yathā . akṣakrīḍāyāṃ vyāsayudhi-
ṣṭhirasaṃvādaḥ pracarati . iti tithyāditattvaṃ ..
tadvivaraṇaṃ caturaṅgaśabde draṣṭavyaṃ .. * .. kārttika-
śuklapratipadi tatkrīḍāvidhiryathā . brahmapurāṇe, —
“śaṅkaraśca purā dyūtaṃ sasarja sumanoharaṃ .
kārttike śuklapakṣe tu prathame'hani bhūpate ..
jitaśca śaṅkarastatra jayaṃ lebhe ca pārvvatī .
ato'rthācchaṅkaro duḥkhī gaurī nithaṃ sukhoṣitā ..
tasmāt dyūtaṃ prakarttavyaṃ prabhāte tatra mānavaiḥ .
tasmin dyūte jayo yasya tasya saṃvatsaraḥ śubhaḥ ..
parājayo viruddhastu labdhanāśakaro bhaveta” .
dyūtañcāprāṇibhiḥ krīḍanaṃ . yathā manuḥ, —
“aprāṇibhiryat kriyate talloke dyūtamucyate” .
iti tithyāditattvaṃ .. * .. daśamīdvādaśyostat-
karaṇaniṣedho yathā . smṛtiḥ, —
“śākaṃ māṣaṃ masūrañca punarbhojanamaithune .
dyūtamatyambupānañca daśamyāṃ vaiṣṇavastyajet” ..
kūrmmapurāṇaṃ, —
“kāṃsyaṃ māṃsaṃ surāṃ kṣaudraṃ hiṃsāṃ tailamasatyatām .
dyūtakrīḍāṃ divānidrāṃ vyāyāmaṃ krodhamaithunaṃ ..
dvādaśyāṃ dvādaśaitāni vaiṣṇavaḥ parivarjjayet” .
ityekādaśītattvaṃ .. * .. anyat dyūtaśabde draṣṭavyaṃ ..