ajīrṇaṃ

ajīrṇaṃ , klī, (jṝ + ktaḥ, na jīrṇṇaṃ nañsamāsaḥ) apākaḥ .
tatparyyāyaḥ . vāyugaṇḍaḥ 2 antarvamiḥ 3 palatā-
śayaḥ 4 . iti trikāṇḍaśeṣaḥ .. athājīrṇasya
viprakṛṣṭaṃ nidānamāha . atyambupānādviṣamāśa-
nācca sandhāraṇāt svapnaviparyyayācca . kāle'pi
sātmyaṃ laghu cāpi bhuktamannaṃ na pākaṃ bhajate narasya ..
sandhāraṇāt kṣudvātamūtrapurīṣādīnāṃ . svapnavipa-
ryyayāt divāśayanādrātrau jāgaraṇāt . laghu
cāpītyapiśabdāt snigdhoṣṇādiguṇayuktamapi .. * ..
anyacca .
“īrṣābhayakrodhapariplutena
lubdhena rugdainyanipīḍitena .
pradveṣayuktena ca sevyamāna-
mannaṃ na samyak paripākameti” ..
pariplutena vyāptena . uktakāraṇebhyo'timātra-
bhojanaṃ viśeṣādajīrṇasya kāraṇamajīrṇañca bahu-
vyādhīnāṃ kāraṇamityāha .
“anātmavantaḥ paśuvadbhuñjate ye'pramāṇataḥ .
rogānīkasya te mūlamajīrṇṇaṃ prāpnuvanti hi” ..
anātmavantaḥ abuddhimantaḥ . rogānīkasya visū-
cyādeḥ . mūlaṃ kāraṇaṃ .. * .. anyacca .
“prāyeṇāhāravaiṣanyādajīrṇaṃ jāyate nṛṇāṃ .
tanmūlo rogasaṃghātastadvināśādvinaśyati” ..
tadvināśādvinaśyati ajīrṇavināśāt vinaśyati
rogasaṃghāta ityarthaḥ . yadvā tat ajīrṇṇaṃ āśāt
bhakṣaṇāt vinā bhakṣaṇābhāve vinaśyati nivarttate
ityarthaḥ .. * .. ajīrṇṇasya sāmānyasya lakṣaṇamāha .
“glānirgauravamāṭopo bhramo mārutamūḍhatā .
vibandho'tipravṛttirvā sāmānyājīrṇṇalakṣaṇaṃ” ..
mārutamūḍhatā vāyoravarodhaḥ . vibandhaḥ malā-
pravṛttiḥ .. * .. sannikṛṣṭakāraṇaiḥ sahitānajī-
rṇasya bhedānāha .
“āmaṃ vidagdhaṃ viṣṭabdhaṃ kaphapittānilaistribhiḥ” .
tribhirityekaśo na tu militaiḥ .
“ajīrṇṇaṃ kecidicchanti caturthaṃ rasuśeṣataḥ” ..
kecit suśrutādayaḥ .. rasaśeṣataḥ bhuktasya pakvasya
sārabhūto yo dravaḥ sa rasaḥ so'pi pacyate . bhuktasya
pakvasya sārabhūto yo dravaḥ sa cāpakvaḥ sa rasa-
śeṣaḥ tasmāt caturthamajīrṇaṃ natvāmājīrṇaṃ .. * ..
nanvāmājīrṇādrasaśeṣasya ko bheda ucyate . āmaṃ
madhuratāgatamapakvaṃ annameva . rasaśeṣastu bhuktasya
pakvasya sārabhūto yo dravaḥ sa cāpakva iti bhedaḥ .
ajīrṇṇaṃ pañcamaṃ kecit nirddoṣaṃ dinapāki ca .
nirddoṣaṃ gauravabhramaśūlādidoṣājanakaṃ . dina-
pāki ca āhāro'horātreṇa pākaṃ yātīti
svabhāvaḥ . yattu mātrākālasātmyādidoṣāddināntare
pākaṃ yāti taddinapāki . ataeva yāmamadhye na
bhoktavyamiti vacanaṃ, —
vadanti ṣaṣṭhaṃ cājorṇṇaṃ prākṛtaṃ prativāsaraṃ” .
prākṛtaṃ avikārakaṃ . prativāsaraṃ pratidina-
bhāvi . bhuktaṃ yāvannajīrṇṇaṃ tāvadajīrṇṇamityucyate .
etadabhidhānasya prayojanaṃ pākārthaṃ vāmapārśvaśayana-
priyaśabdādisevanādikaṃ . na cātrāhārasya ni-
ṣedhaḥ . prātarāśe tvajīrṇṇe tu sāyamāśo na duṣya-
tīti vacanena sāyamāśasyāvaśyaṃ karttavyatvāt .. * ..
āmājīrṇṇasya lakṣaṇamāha, —
“tatrāme gurutotkleśaḥ śotho gaṇḍākṣikūṭagaḥ ḥ
udgāraśca yathābhuktamavidagdhaḥ pravarttate” ..
gurutā udarāṅgayoḥ . utkleśaḥ upasthitaṃ vamana-
miva . akṣikūṭo'kṣipuṭakaḥ . avidagdhaḥ anamlo
nirgandhaśca .. * .. vidagdhājīrṇṇasya lakṣaṇamāha, —
“vidagdhe bhramatṛṇmūrcchāpittācca vividhā rujaḥ .
udgāraśca sadhūmāmlaḥ svedo dāhaśca jāyate” ..
vividhā rujaḥ auṣacoṣadāhādayaḥ .. * .. viṣṭabdhā-
jīrṇṇasya lakṣaṇamāha, —
“viṣṭabdhe śūlamādhmānaṃ vividhā vātavedanāḥ .
malavātāpravṛttiśca stambho moho'ṅgapīḍanaṃ” ..
vātavedanāḥ todabhedādayaḥ .. stambho gātrāṇāṃ .
moho mūrcchā .. * .. rasaśeṣājīrṇṇasya lakṣaṇamāha,
“rasaśeṣe'nnavidveṣo hṛdayāśuddhigaurave” .. * ..
etasya upadravānāha, —
“mūrcchā pralāpo vamathuḥ prasekaḥ sādanaṃ bhramaḥ .
upadravā bhavantyete mṛtiśca rasaśeṣataḥ” .. * ..
atiśayitebhyaḥ āmādyajīrṇṇebhyo visūcyādiro-
gānāha, —
“āmaṃ vidagdhaṃ viṣṭabdhamityajīrṇṇaṃ yadīritaṃ .
visūcyalasakau tasmādbhaveccāpi vilambikā” ..
nātra yathāsaṅkhyaṃ tadā viṣṭabdhādvilambikā bhavitu
marhati . sā ca kaphavātābhyāṃ bhavatītyekaikato-
'jīrṇṇādvisūcyāditrayotpattiḥ .. * .. visūcyādi-
niruktimāha, —
“sūcībhiriva gātrāṇi tadutsantiṣṭhate'nilaḥ .
yatrājīrṇṇena sā vaidyairvvisūcīti nigadyate” .. * ..
visūcyā nidānamāha, —
“na tāṃ parimitāhārā labhante viditāgamāḥ .
mūḍhāstāmajitātmāno labhante'śanalolupāḥ” ..
viditāgamāḥ jñātāyūrvvedāḥ .. * .. visūcyā lakṣaṇa-
māha, —
“mūrcchātisārovamathūḥ pipāsā
śūlaṃ bhramodveṣṭanajṛmbhadāhāḥ .
vaivarṇyakampau hṛdaye rūjaśca
bhavanti tasyāṃ śirasaśca bhedaḥ” ..
udveṣṭanaṃ hastapādayoḥ . śiraso bhedaḥ śiraḥśūlaṃ ..
visūcyā upadravānāha, —
“nidrānāśo'ratiḥ kampo mūtrāghāto visaṃjñatā .
amī upadravā ghorā visūcyāḥ pañca dāruṇāḥ” ..
amī upadravā ghorā amī nidrānāśādayaḥ upa-
dravāḥ sarvveṣāmeva rogāṇāṃ ghorā bhayaṅkarāḥ .
visūcyāḥ pañca dāruṇā visūcyāstu pañcāpi yadi
syustadā dāruṇāḥ prāṇabhayaṅkarāḥ .. * .. alasaka-
lakṣaṇamāha, —
“kukṣirānahyate'tyarthaṃ pratāmyet parikūjati .
nirūddho mārūtaścaiva kukṣāvupari dhāvati ..
vātavarco nirodhaśca yasyātyarthaṃ bhavedapi .
tasyālasakamācaṣṭe tṛṣṇodgārau ca yasya tu” ..
ānahyate ādhmāyate . pratāmyet glāyati . pari-
kūjati ārttanādaṃ karoti . kukṣau ajīrṇṇena
nirūddho mārutaḥ upari dhāvati hṛdayakaṇṭhādikaṃ
gacchatītyarthaḥ . kāśyapastvāha, —
“nādho yāti na cāpyurddhvamāhāro na ca pacyate .
koṣṭhe sthito'lasībhūtastato'sāvalasaḥ smṛtaḥ” ..
visūcyalasayorariṣṭamāha, —
“yaḥ śyāvadantauṣṭhanakho'lpasaṃjñaḥ
charddyarddito'bhyantarayātanetraḥ .
kṣāmasvaraḥ sarvvavimuktasandhi-
ryāyānnaraḥ so'punarāgamāya” ..
sarvvavimuktasandhiḥ sarvve vimuktāḥ śithilībhūtāḥ
sandhayo yasya saḥ .. * .. vilambikāyā lakṣaṇa
māha, —
“duṣṭañca bhuktaṃ kaphamārūtābhyāṃ
pravarttate norddhvamadhaśca yatra .
vilambikāṃ tāṃ bhṛśaduścikitsā-
mācakṣate śāstravidaḥ purāṇāḥ” ..
bhṛśaduścikitsāṃ pratyākhyāyopacaraṇīyam . iya-
masāghyaibeti jejjaṭaḥ .. * .. jīrṇṇasyāhārasya
lakṣaṇamāha, —
“udgāraśuddhirutsāho vegotsargo yathocitaṃ .
laghutā kṣutpipāse ca jīrṇṇāhārasya lakṣaṇaṃ” .. * ..
atha cikitsā, —
“harītakī tathā śuṇṭhī bhakṣyamāṇā guḍena vā .
saindhavena yutā vā syāt sātatyenāgnidīpanī ..
guḍena śuṇṭhīmathavopakulyāṃ
pathyāṃ tṛtīyāmatha dāḍimaṃ vā .
āmeṣvajīrṇṇeṣu gudāmayeṣu
varcco vivandheṣu ca nityamadyāt ..
vyoṣaṃ dantī trivṛccitraṃ kṛṣṇāmūlaṃ vicūrṇṇitaṃ .
taccūrṇṇaṃ guḍasaṃmiśraṃ bhakṣayet prātarutthitaḥ ..
etadguḍāṣṭakaṃ nāma valavarṇṇāgnivarddhanaṃ .
śothodāvarttaśūlaghnaṃ plīhapāṇḍvāmayāpahaṃ ..
sarvvacūrṇṇasamo guḍo deyaḥ . kecittu dviguṇaṃ guḍaṃ
dattvā guṭikāṃ kurvvanti . recako'yaṃ yogaḥ .
guḍāṣṭakam .. * .. dahanājamodasaindhavanāgaramari-
cāni cāmlatakreṇa . saptāhādagnikaraṃ pāṇḍvarśo-
nāśanaṃ paramaṃ .. auṣadhamityadhyāhāryyaṃ, —
“tatrāme vamanaṃ kāryyaṃ vidagdhe laṅghanaṃ hitaṃ .
viṣṭabdhe svedanaṃ śastaṃ rasaśeṣe śayīta ca ..
vacā lavaṇatoyena bāntirāme praśasyate ..
kaṇāsindhavacākalkaṃ pītvā vā śiśira mbhasā ..
jalamatra sarāvamātraṃ . vacā karṣārddhamitā . saindhavaṃ
karṣārddhamitaṃ . dvayoścūrṇṇayutena jalena pītena .
“kaṇādikalkaṃ vā pītvā vāntirāme praśasyate”
ityanenānvayaḥ .. * ..
“dhānyanāgarasiddhaṃ vā toyaṃ dadyādvicakṣaṇaḥ .
āmājīrṇṇapraśamanaṃ śūlaghnaṃ vastiśodhanaṃ ..
bhaved yadi prātarajīrṇṇaśaṅkā
tadābhayāṃ nāgarasaindhavābhyāṃ .
vicūrṇṇitāṃ śītajalena bhuktvā
bhuktvāmaśaṅko mitamannakāle ..
vidahyate yasya tu bhuktamātraṃ
daṃdahyate hṛcca galaśca yasya .
drākṣāṃ sitāmākṣikasamprayuktāṃ
liḍhvābhayāṃ cātisukhaṃ labheta ..
trikaṭukamajamodā saindhavaṃ jīrake dve
samadharaṇadhṛtānāmaṣṭamo hiṅgubhāgaḥ .
prathamakavalabhuktaṃ sarpiṣā cūrṇṇameta-
jjanayati jaṭhare'gniṃ vātarogāṃśca hanti” ..
ajamodātra yavānī . antaḥsaṃmārjjakatvāt . jī-
rake dve śuklaṃ kṛṣṇañca . dharaṇamatra mānaṃ . tena
samadharaṇaṃ dhṛtānāṃ tulyamānaṃ gṭahītānāṃ śuṇṭhyā-
dīnāṃ bhāgāḥ sapta . tatrāṣṭamo bhāgo hiṅgunaḥ .
hiṅgvaṣṭakam .. * ..
“śuddhaṃ sūtaṃ gandhakañca palamānaṃ pṛthak pṛthak .
harītakī ca dvipalā nāgarastripalaḥ smṛtaḥ ..
kṛṣṇā ca maricaṃ tadvat sindhūtthaṃ tripalaṃ mataṃ .
catuṣpalā ca vijayā marddayennimbukadravaiḥ ..
puṭāni sapta deyāni gharmmamadhye punaḥ punaḥ .
ajīrṇārirayaṃ proktaḥ sadyo dīpanapācanaḥ ..
bhakṣayeddviguṇaṃ bhakṣyaṃ pācayedbhedayedapi .
ajīrṇāriḥ .. * ..
“dvau kṣārau citrakaṃ pāṭhā karañjaṃ lavaṇāni ca .
sūkṣmailāpatrakaṃ bhārgo kṛmighnaṃ hiṅgu pauṣkaraṃ ..
śaṭī dārvvo trivṛnmustaṃ vacā cendrayavāstathā .
vṛkṣāmlaṃ jīrakaṃ dhātrī śreyasī copakuñcikā ..
amlavetasamamlīkā yavānī devadāru ca .
abhayātiviṣā śyāmā hapuṣāragvadhaṃ samaṃ ..
tilamuṣkakaśigrūṇāṃ kokilākṣapalāśayoḥ .
kṣārāṇi lauhakiṭṭañca taptaṃ gomūtrasecitaṃ ..
sūkṣmacūrṇṇāni kṛtvā tu samabhāgāni kārayet .
mātuluṅgarasenaitadbhāvayeddivasatrayaṃ ..
dinatrayantu śuklena tathārdrakarasena ca .
atyagnikārakaṃ cūrṇaṃ pradīptāgnisamaprabhaṃ ..
upayuktaṃ vidhānena nāśayatyacirādgadān .
ajīrṇamatha gulmāṃśca plīhānaṃ gudajāni ca ..
udarāṇyantravṛddhiñca aṣṭhīlāṃ vātaśoṇitaṃ .
praṇudatyulvanāndoṣānnaṣṭamagniṃ pradīpayet ..
dvau kṣārau svarjjikā yavakṣāraśca . lavaṇāṇipañca .
vṛkṣāmlaṃ viṣāmbila iti loke . śreyasī harī-
takī . upakuñcikā magarailā . amlavetasābhāve
cukraṃ dātavyaṃ . śyāmā sāṇḍa . muṣkakaḥ moṣa iti
loke . kokilākṣaḥ koilaṣā iti loke .
vṛhadagnimukhacūrṇaṃ .. * ..
“snuhyarkacitrakairaṇḍavaruṇaṃ sapunarṇavaṃ .
tilāpāmārgakadalīpalāśaṃ tittilī tathā ..
gṭahītvā jvālayedetat prasthaṃ bhasmākhilañca tat .
jalāḍhake vipaktavyaṃ yāvat pādāvaśeṣitaṃ ..
suprasannaṃ viniḥsrāvya lavaṇaprasthasaṃyutaṃ .
pakkaṃ nirdhūmakaṭhinaṃ sūkṣmacūrṇokṛtaṃ punaḥ ..
yavānījorakavyoṣasthūlajīrakahiṅgabhiḥ .
pṛthagarddhapalairebhiścūrnitaistat vimiśrayet ..
ārdrakasya rasenāpi bhāvayecchoṣayet punaḥ .
śītodakena taccūrṇaṃ pivet prātarhi mātrayā ..
tasmin jīrṇe'nnamaśnīyādyuṣairjāṅgalajai rasaiḥ .
īṣadamlaiḥ salavaṇaiḥ sukhoṣṇairvahnidīpanaiḥ ..
etenāgnirvvivarddheta balamārogyameva ca .
tatrānupānaṃ śastaṃ hi takraṃ vā bhojanaṃ hitaṃ ..
mandāgnyarśovikāreṣu vātaśleṣmāmayeṣu ca .
sarvvāṅgaśotharogeṣu śūlagulmodareṣu ca ..
aśmaryyāṃ śarkkarāyāñca vinmūtrānilarogiṣu .
veśvānarakṣāraḥ .. * ..
“sāmudraṃ lavaṇaṃ grāhyamaṣṭakarṣamitaṃ budhaiḥ .
sauvarccalaṃ pañcakarṣaṃ viḍasaindhavadhānyakaṃ ..
pippalī pippalīmūlaṃ patrakaṃ kṛṣṇajīrakaṃ .
tālīśaṃ keśaraṃ cavyamamlavetasakaṃ tathā ..
dvikarṣamātrāṇyetāni pratyekaṃ kārayedvudhaḥ .
maricaṃ jīrakaṃ viśvamekaikaṃ karṣamātrakaṃ ..
dāḍimaṃ syāccatuḥkarṣaṃ tvagele cārddhakarṣake .
etaccūrṇīkṛtaṃ sarvvaṃ lavaṇaṃ bhāskarābhidhaṃ ..
bhakṣayecchāṇamānaṃ tattakramastukakāñjikaiḥ .
vātaśleṣmabhavaṃ gulmaṃ plīhānamudaraṃ kṣayaṃ ..
arśāṃsi grahaṇīṃ kuṣṭhaṃ vivandhañca bhagandaraṃ .
śūlaṃ śothaṃ śvāsakāsāvāmadoṣañca hṛdrujaṃ ..
aśmarīṃ śarkarāñcāpi pāṇḍurogaṃ kṛmīnapi .
mandāgniṃ nīśayedetaddvīpanaṃ pācanaṃ paraṃ ..
hitāya sarvvalokānāṃ bhāskareṇaitadīritaṃ .
hanyāt sarvvāṇyajīrṇāni bhuktamātramasaṃśayaṃ ..
nimbu rasādikaṃ dattvā guṭikāmapyakekurvvanti” ..
atha dāḍimasya vījānāṃ cūrṇaṃ karṣacatuṣṭayamitaṃ
deyaṃ . bhāskaralavaṇacūrṇaṃ .. * .. saindhavaṃ samūlamagadhā
cavyānalanāgaraṃ pathyā . kramavṛddhi magnivṛddhyai vaḍa-
vānalanāmacūrṇṇaṃ syāt .. vaḍavānalacūrṇṇaṃ .. * .. pathyā-
nāgarakṛrṣṇākarañjavilvāgnibhiḥ sitātulyaiḥ . vaḍa-
vānala iba jarayati bahugurvvapi bhojanaṃ cūrṇaṃ
dvitīyaṃ vaḍavānalacūrṇaṃ .. * ..
“elātvaṅnāgapuṣpāṇāṃ mātrottaravivarddhitā .
maricaṃ pippalī śuṇṭhī catuḥpañca ṣaḍuttaraṃ ..
dravyāṇyetāni yāvanti tāvatī sitaśarkarā .
cūrṇametat prayoktavyamagnisandīpanaṃ paraṃ” ..
samaśarkaracūrṇaṃ .. * ..
“indrāsanaṃ saptapalaṃ triphalāyāḥ palatrayaṃ .
palatrayaṃ tryūṣaṇasya sitāyāśca catuḥpalaṃ ..
amṛtā śataputrī ca tathā kṛṣṇāparājitā .
āsāṃ cūrṇaṃ samādāya palamātraṃ pṛthak pṛthak ..
bhāvayedekataḥ sarvvaṃ bhṛṅgarājarasena tu .
svabhāvikamidaṃ cūrṇaṃ snigdhabhāṇḍe vinikṣipet ..
vilihan madhusarpirbhyāṃ mandāgneḥ sahasā naraḥ .
mucyate grahaṇīrogāt gudarogāt sajāṭharāt ..
mehaṃ kuṣṭhañca vīsarpavātarogān saśoṇitān .
na cātra parihāro'sti bhojanaṃ sarvvakāmikaṃ ..
rogānīkapraśāntyarthaṃ munibhiḥ parikīrttitaṃ .
asyābhyāsāt balaṃ vīryyaṃ puṣṭidṛṣṭiyaśastathā ..
trisaptāhaprayogeṇa jāyate nātra saṃśayaḥ .
jvālāmukhīcūrṇaṃ .. * .. atha ajīrṇe rasāḥ, —
“dvipalaṃ gandhakaṃ śuddhaṃ palamekantu pāradaṃ .
mṛtaṃ lohaṃ tathā tāmraṃ karṣadvayamitaṃ pṛthak ..
saṃcūrṇya sarvvaṃ saṃmiśrya drāvayitvāgniyogataḥ .
samyagdrutaṃ samastaṃ tatpañcāṅguladale kṣipet ..
punaḥ saṃcūrṇya tatsarvvaṃ lohapātre nidhāya ca .
jambīrasya rasaṃ tatra pūtaṃ palaśataṃ kṣipet ..
cullyāṃ niveśya tadyatnāt mṛdunā vahninā pacet .
rase tasmin ghanībhūte tatsaṃśoṣya vicūrṇayet ..
pañcakolakaṣāyasya cukreṇa sahitasya ca .
bhāvanāstatra dātavyāḥ pañcāśatsaṃkhyayā śanaiḥ ..
bhṛṣṭaṭaṅkanacūrṇena tulyena saha melayet .
maricenāpi tulyena tadarddhena viḍena ca ..
bhāvayet saptakṛtvastaccaṇakāmlajalena ca .
tataḥ saṃśoṣya saṃpiṣya kūpīmadhye nidhāpayet ..
rasaḥ kravyādanāmāyaṃ bhairavānandayoginā .
uktaḥ siṃhalarājāya bahumāṃsāśine purā ..
bhakṣayedbhojanasyānte māṣadvayamitaṃ rasaṃ .
bhakṣayitvā rasaṃ paścāt pivettakraṃ sasaindhavaṃ ..
atīvaguru yadbhuktamatimātramathāpi vā .
tatsarvvaṃ jīryyati kṣipraṃ rasasyaitasya bhakṣaṇāt ..
śūlaṃ gulmañca viṣṭambhaṃ plīhānamudaraṃ tathā .
rasaḥ kravyādanāmāyaṃ vinihanti na saṃśayaḥ”
kravyādo raso'jīrṇe .. * .. rasendracintāmaṇau rasa-
ratnapradīpe rasapradīpe ca ..
“kṣāratrayaṃ sūtagandhau pañcakolamidaṃ śubhaṃ .
sarbbaistulyā jayā bhṛṣṭā tadarddhā śigrujā jaṭā ..
etat sarvvaṃ jayāśigruvahnimārkkavajairdravaiḥ .
bhāvayetridinaṃ gharmme tato laghupuṭe kṣipet ..
saptadhārdradravairghṛṣṭo raso jvālānalo bhavet .
niṣko'sya madhunā līḍho'nupānaṃ guḍanāgaraṃ ..
hantyajīrṇamatīsāraṃ grahaṇīmagnimārddavaṃ .
śleṣmahṛllāsavamanamālasyamarūciṃ javāt” ..
pañcakolaṃ, —
pippalī pippalībhūlaṃ cavyacitrakanāgaraṃ . jayātra
vijayā . mārkkavo bhṛṅgarājaḥ . laghupuṭe gajapuṭe .
ārdramārdrakaṃ . niṣkaḥ ṭaṅkaḥ . jvālānalo raso-
'jīrṇe .. * .. rasapradīpe, —
“ṭaṅkaṇaṃ rasagandhau ca samaṃ bhāgatrayaṃ viṣāt .
kaparddaḥ svarjjikākṣārau māgadhī viśvabheṣajaṃ ..
pṛthak pṛthak karṣamātraṃ vasubhāgamihoṣaṇaṃ .
jambīrāmlairddinaṃ ghṛṣṭaṃ bhavedagnikumārakaḥ ..
visūcīśūlavātādivahnimāndyapraśāntaye” .
kṣārīyavakṣāraḥ . agnikumāroraso visūcyādya-
jīrṇe .. * .. rasendracintāmaṇau, —
“śuddhasūtaṃ gandhakañca palamānaṃ pṛthak pṛthak .
harītakī ca dvipalā nāgarastripalaḥ smṛtaḥ ..
kṛṣṇā ca maricaṃ tadvat sindhūtthaṃ tripalaṃ mataṃ .
catuṣpalā ca vijayā mardayennimbukadravaiḥ ..
puṭāni sapta deyāni gharmmamadhye punaḥ punaḥ .
ajīrṇārirayaṃ proktaḥ sadyo dīpanapācanaḥ ..
bhajñayeddviguṇaṃ bhakṣyaṃ pācapedrecayedapi .
ajīrṇāriḥ .. * ..
“pāradāmṛtalavaṅgagandhakaṃ
bhāgayugmamaricena miśritaṃ .
tatra jātiphalamarddhabhāgikaṃ
tittiḍīphalarasena mardditaṃ ..
vahnimāndyadaśavanāktraśano
rāmavāṇa iti viśruto rasaḥ .
saṅgraha grahaṇi kumbhakarṇaka-
māmavātakharadūṣaṇaṃ jayet ..
dīyate tu caṇakānumānataḥ
sadya eva jaṭharāgnidīpanaḥ .
rocakaḥ kaphakulāntakārakaḥ
śvāsakāsavamijantunāśanaḥ ..
pārābhāga 1 viṣabhāga 1 lavaṅgabhāga 1 gandhaka-
bhāga 1 maricabhāga 8 jāyaphalabhāga 2 . rāma-
vāṇaraso'jīrṇe .. * ..
rasendracintāmaṇau, —
“palaṃ ciñcākṣāraḥ palaparimitaṃ pañcalavaṇaṃ dvayaṃ
samyakpiṣṭaṃ bhavati laghu nimbuphalarasaiḥ . tatastaptaṃ
tasmin palaparimitaṃ śaṅkhaśakalaṃ kṣipedvārān
sapta dravati tadanenaiva vidhinā .. palapramāṇa
kaṭukatrayañca palārddhamānena ca hiṅgubhāgaḥ . viṣaṃ
paladvādaśabhāgayuktaṃ tāvānraso gandhaka eṣa
coktaḥ —
“badarāsthipramāṇena vaṭīmetasya kārayet .
bhakṣayet sarvvadā sā syāt sarvvājīrṇṇapraśāntaye ..
sarvvodareṣu śūleṣu visūcyāṃ vividheṣu ca .
agnimāndyeṣu gulmeṣu sadā śaṅkhavaṭī hitā” ..
śaṅkhavaṭī ajīrṇṇe .. * .. rasapradīpe, —
“snugarkkaciñcāpāmārgarambhātilapalāśajān .
lavaṇān bhiṣagādadyāt pratyekaṃ palamātrayā ..
lavaṇāni pṛthak pañca grāhyāṇi palamātrayā .
svarjjikā ca yavakṣāraṣṭaṅkaṇaṃ tritayaṃ palaṃ ..
sarvvaṃ trayodaśapalaṃ sūkṣmacūrṇṇaṃ vidhāya tu .
nimbūphalarase prasthasaṃmite tat parikṣipet ..
tatra śaṅkhasya śakalaṃ palaṃ vahnau pratāpya tu .
vārānnirvvāpayet sapta sarvvaṃ dravati tadyathā ..
nāgaraṃ tripalaṃ grāhyaṃ maricañca paladvayaṃ .
pippalī palamānā syāt palārddhaṃ bhṛṣṭahiṅgunaḥ ..
granthikaṃ citrakaṃ cāpi yavānī jīrakaṃ tathā .
jātīphalaṃ lavaṅgañca pṛthak karṣadvayonmitaṃ ..
rasogandho viṣañcāpi ṭaṅkaṇañca manaḥśilā ..
etāni karṣamātrāṇi sarvvaṃ saṃcūrṇya miśrayet .
śarāvārddhena cukreṇa saṃnīya vaṭikāñcaret ..
māṣapramāṇāṃ sā vaidyairvṛhacchaṅkhavaṭī smṛtā ..
sarbbājīrṇṇapraśamanī sarvvaśūlanivāriṇī .
visūcyalasakādīnāṃ sadyo bhavati nāśinī” ..
vṛhacchaṅkhavaṭikā ajīrṇṇe .. * ..
“ṭaṅkaṇakaṇāmṛtānāṃ sahiṅgulānāṃ samabhāgāḥ .
maricasya bhāgayugalaṃ nimbunīrairvvaṭī kāryyā ..
vaṭikāṃ kalāyasadṛśīmekāṃ dve vā samaśnīyāt .
satvaramajīrṇṇaśāntyai vahnervṛddhyai kaphadhvastyai” ..
ajīrṇṇakaṇṭako rasaḥ .. * ..
“jalapītamapāmārgamūlaṃ hanyādvisūcikāṃ .
satailaṃ kāravellyambu vidhunoti visūcikāṃ ..
bālamūlasya niḥkvāthaḥ pippalocūrṇṇasaṃyutaḥ .
visūcīnāśanaḥ śreṣṭho jaṭharāgnivivarddhanaḥ ..
vilvanāgaraniḥkvātho hanyāccharddivisūcikāṃ .
vilvanāgarakaiḍaryyakvāthastadadhiko guṇaiḥ” ..
kaiḍaryyaṃ kaṭphalam, —
“vyoṣaṃ karañjasya phalaṃ haridre
mūlaṃ samāvāpya ca mātuluṅgyāḥ .
chāyāviśuṣkā guṭikāḥ kṛtāstā
hanyurvvisūcīṃ nayanāñjanena” ..
mātuluṅgī madhukarkkaṭī . anubhūtamidam, —
“apāmārgasya patrāṇi maricāni samāni ca .
aśvasya lālayā piṣṭānyañjanād ghnanti sūcikāṃ ..
visūcyāmativṛddhāyāṃ takraṃ dadhisamaṃ jalaṃ .
nārikelāmbu peyaṃ vā prāṇatrāṇāya yojayet ..
tvakpatrarāsnāgurūśigrukuṣṭhai-
ramlaprapiṣṭaiḥ savacāśatāhvaiḥ .
udvarttanaṃ khallivisūcikāghnaṃ
tailaṃ vipakvañca tadarthakāri” ..
tvaktailam .. * ..
“kuṣṭhasaindhavayoḥ kalkaḥ cukraṃ tailaṃ tu tacchṛtaṃ .
visūcyā mardanaṃ tena khallīśūlanivāraṇam” ..
kuṣṭhatailam .. * ..
“pipāsāyāṃ tathotkleśe lavaṅgasyāmbu śasyate .
jātīphalasya vā śītaṃ śṛtaṃ bhadraghanasya vā .. * ..
utkleśalakṣaṇam, —
“utkliśyānnaṃ na nirgacchet prasekaṣṭhīvaneritaṃ .
hṛdayaṃ pīḍyate cāsya tamutkleśaṃ vinirdiśediti ..
sarūgvānaddhamudaramamlapiṣṭaiḥ pralepayet .
dārūhaimavatīkuṣṭhaśatāhvāhiṅgusaindhavaiḥ” ..
haimavatī śvetavacā . dārūṣaṭkam .. * ..
“takreṇa yuktaṃ yavacūrṇṇamuṣṇaṃ
sakṣāramārttiṃ jaṭhare nihanyāt .
svedo ghaṭairvvā bahuvāspapūrṇṇai-
rūṣṇaistathānyairapi pāṇitāpaiḥ ..
vilambikālasakayorayameva kriyākramaḥ .
ataṇvaitayorūktaṃ pṛthak neha cikitsitam ..
tadbhasmakaṃ gurūsnigdhasāndramandahimasthiraiḥ .
annapānairnayecchāntiṃ pittaghnaiśca virecanaiḥ ..
atyuddhatāgniśāntyai māhiṣadadhidugdhasarpīṃṣi .
saṃsevetayavāgūṃ samadhūcchiṣṭāṃ sasarpiṣkāṃ .
asakṛt pittaharaṇaṃ pāyasaṃ pratibhojanaṃ ..
śyāmātrivṛddhipakvañca payodadyādvirecanaṃ ..
yat kiñcit madhuraṃ medhyaṃ śleṣmalaṃ gurū bhījanaṃ .
sarvvaṃ tadatyagnihitaṃ bhuktvā prasvapanaṃ divā” ..
sitataṇḍulaṃ sitakamalaṃ chāgīkṣīreṇa pāyasaṃ
siddhaṃ . bhuktvā ghṛtena puruṣo dvādaśadivasādvubhu-
kṣito bhavet .. * .. atha viśiṣṭadravyājīrṇe viśi-
ṣṭapācanadravyamāha, —
“alaṃ panasapākāya phalaṃ kadalasambhavaṃ .
kadalasya tu pākāya budhairabhihitaṃ ghṛtaṃ ..
ghṛtasya paripākāya jambīrasya raso hitaḥ .
nārikelaphalatālavījayoḥ
pācakaṃ sapadi taṇḍulaṃ viduḥ .
kṣīramāśu sahakārapācanaṃ
cāramajjani harītakī hitā ..
madhūkamālūranṛpādanānāṃ
parūṣakharjjūrakapitthakānāṃ .
pākāya peyaṃ picumarddavījaṃ
ghṛte'pi takre'pi tadeva deyaṃ ..
kharjjūraśṛṅgāṭakayoḥ praśastaṃ
viśvauṣadhaṃ kutra ca bhadrasustaṃ .
yajñāṅgavodhidruphaleṣu śītaṃ
plakṣe tathā vāryyuṣitaṃ praṇītaṃ ..
taṇḍuleṣu payasaḥ payo hitaṃ
dīpyakantu cipiṭe kaṇāyutaṃ .
ṣaṣṭikā dadhijalena jīryyate
karkkaṭī ca sumaneṣu gīryyate” ..
sumaneṣu godhūmeṣu . gīryyate kathyate .
“godhūbhamāṣaharimanthasatīlamudga-
pāko bhavet jhaṭiti mātulaputtrakeṇa .
khaṇḍañca khaṇḍayati māṣabhavaṃ tvajīrṇaṃ
tailaṃ kulatthamathavā vidadhāti jīrṇaṃ” ..
mātulaputtrakaḥ dhattūraphalaṃ . —
“kaṅguśyāmākanīvārāḥ kulatthaścāvilambitaṃ .
dadhno jalena jīryyanti vaidalāḥ kāñjikena tu ..
piṣṭānnaṃ śītalaṃ vāri kṛśarān saindhavaṃ pacet .
māṣeṇḍarī nimbamūlaṃ pāyasaṃ mudgayūṣakaiḥ” ..
vaṭoveśavārāllavaṅgena pheṇīśamaṃ parpaṭaḥ śigruvījena
yāti . kaṇāmūlato laḍḍukāpūpaśaṭṭāvipāko
bhavecchaṣkulī maṇḍayośca .. veśavāraḥ vegara iti
loke . tad yathā . —
“sne ho niśāhiṅgulavaṅgakailā-
dhānyākajīrārdrakanāgarāṇi .
amloṣaṇaṃ saindhavapūrṇamanne
yathocitaṃ saṃskṛtaye praṇītam” .. iti ..
śaṭṭā śaṭṭakaḥ pānakaviśeṣaḥ . maṇḍaḥ māṇḍe
iti loke . —
“kimatra citraṃ vahumatsyamāsa
bhojī sukhī kāñjikapānataḥ syāt .
ityadbhutaṃ kevalavahnipakva-
māṃsena matsyaḥ paripākameti ..
āmamāmraphalaṃ mīne tadvījaṃ piśite hitaṃ .
kūrmmamāṃsaṃ yavakṣārācchīghraṃ pākamupaiti hi ..
kapotapārāvatanīlakaṇṭha
kapiñjalānāṃ piśitāni bhuktvā .
kāśasya mūlaṃ paripīya piṣṭaṃ
sukhī bhavennā vahuśo hi dṛṣṭaṃ ..
kapoto dhavalaḥ pāṇḍuḥ .
“śākāni sarvvāṇyapi yānti
pākaṃ kṣāreṇa sadyastilanālajena .
cañcūkasiddhārthakavāstukānāṃ
gāyatrisārakvathitena pākaḥ” ..
cañcūkaṃ cecūru iti loke . gāyatrī khadiraḥ .
“palaṅkikākemukakāravellī-
vārttākuvaṃśāṅkuramūlakānāṃ ..
upodikālāvupaṭolakānāṃ
siddhārthako megharavasya paktā” ..
megharavaḥ cavarāī iti loke . —
“vipacyate śūraṇakaṃ guḍena
tathālukaṃ taṇḍulajodakena .
piṇḍālukaṃ jīryyati koradūṣāt
kaserupākaḥ kila nāgareṇa ..
lavaṇastaṇḍulatoyāt sarpirjambīrakādyamlāt .
maricādapi tacchīghraṃ pākaṃ yātyeva kāñjikāttailaṃ ..
kṣīraṃ jīryyati takrena tadgavyaṃ koṣṇamaṇḍakāt .
māhiṣaṃ māṇimanthena śaṅkhacūrṇena taddadhi” ..
maṇḍakaḥ māṇḍe iti loke, —
“rasālā jīryyati vyoṣāt khaṇḍaṃ nāgarabhakṣaṇāt
sitā nāgaramustena tathekṣuścārdrakārasāt .
ñarāmirāgairikacabdanābhyā-
mabhyeti śīghraṃ munibhiḥ praṇītaṃ .
uṣṇena śītaṃ śiśireṇa coṣṇaṃ
jīrṇo bhavet kṣāragaṇastathāmlaiḥ” ..
irā madirā .
“taptaṃ taptaṃ hema vā tāramagnau
toye kṣiptaṃ saptakṛtvastadambhaḥ .
pītvājīrṇaṃ toyajātaṃ nihanyā-
ttatra kṣaudraṃ bhadrayuktaṃ viśeṣāt” ..
tatra toyājīrṇe . iti jaṭharāgnivikārājīrṇa-
visūcikālasavilambikācikitsā . iti bhāva-
prakāśaḥ ..