aharjjaraḥ
Śabdakalpadruma
☞
vol. 1,
p. 159.
aharjjaraḥ , puṃ, (ahobhirlokān jarayati . ahan
+ jṝ + ṇica + ac . yadvā ahāni jīryyantya-
ntarbhavantyasmin . ahan + jṝ + ac .) saṃvatsaraḥ .
yathā . “yathāpaḥ pravatā yanti yathā māsā aha-
rjjaraṃ . evaṃ māṃ brahmacāriṇaḥ dhātarāyantu sarvvataḥ
svāhā” . iti taittirīyopaniṣadi śikṣāvallī ..
yathā loke āpaḥ pravatā pravaṇavatā nimnavatā
deśena yanti gacchanti . yathā vā māsā aharjjaraṃ
saṃvatsaro'harjjaro'hobhiḥ parivarttamāno lokān
jarayatīti ahāni vā asmin jīryyanti anta-
rbhavanti ityaharjjaraḥ . tañca yathā māsā yanti
evaṃ māṃ brahmacāriṇaḥ he dhātaḥ sarvvasya vidhātaḥ
māmāyantu sarvvataḥ sarvvadigbhyaḥ . iti śaṅkarā-
cāryyakṛtabhāṣyam ..