aṣṭamaṅgalaṃ
Śabdakalpadruma
☞
vol. 1,
p. 148.
aṣṭamaṅgalaṃ , klī, (aṣṭaprakāraṃ maṅgalam .) aṣṭaprakāra-
maṅgaladravyaṃ . tadyathā, —
“mṛgarājo vṛṣo nāgaḥ kalaso vyajanantathā .
vaijayantī tathā bherī dīpa ityaṣṭamaṅgalaṃ” ..
iti vṛhannandikeśvarapurāṇoktadurgotsavapaddhatau ..
“loke'smin maṅgalānyaṣṭau brāhmaṇo gaurhutāśanaḥ .
hiraṇyaṃ sarpirāditya āpo rājā tathā ṣṭamaḥ” ..
iti śuddhitattvaṃ ..