aṣṭamūrttiḥ
See also
aṣṭamūrti,
aṣṭamūrtti.
Śabdakalpadruma
☞
vol. 1,
p. 149.
aṣṭamūrttiḥ , puṃ, (aṣṭau mūrttayo yasya .) śivaḥ . iti
hemacandraḥ .. tatpratyekamūrttināmāni . kṣiti-
mūrttiḥ sarvvaḥ 1 jalamūrttirbhavaḥ 2 agnimūrttiḥ rudraḥ
3 vāyumūrttirugraḥ 4 ākāśamūrttirbhīmaḥ 5
yajamānamūrttiḥ paśupatiḥ 6 candramūrttirmmahādevaḥ
7 sūryyamūrttirīśānaḥ 8 . iti tantraśāstraṃ ..
etāḥ śarabharūpiśivasyāṣṭapādāḥ iti kāli-
kāpurāṇaṃ .. yathā .
“aṣṭamūrttirnidhīśaśca jñānacakṣustamomayaḥ” .
iti vadukabhairavastotraṃ .. tasyāṣṭamūrttayo yathā .
“athāgniḥ ravirinduśca bhūmirāpaḥ prabhañjanaḥ .
yajamānaḥ khamaṣṭau ca mahādevasya mūrttayaḥ” ..
iti śabdamālā ..
(“avehi māṃ kiṅkaramaṣṭamūrtteḥ
kumbhodaraṃ nāma nikumbhamitram” ..
iti raghuvaṃśe .. tathā kumāre ca .
“tatrāgnimādhāya samitsamiddhaṃ
svameva mūrttyantaramaṣṭamūrttiḥ” ..)