aṣṭādaśopapurāṇa
Vācaspatyam
☞
p. 525, col. 1.
aṣṭādaśopapurāṇa na0 ba0 va0 karmma0 saṃjñātvānna dviguḥ .
sanatkumārādiṣu aṣṭādaśasu upapurāṇeṣu “anyānyupa
purāṇāni munibhiḥ kathitāni tu . ādyaṃ sanatkumāroktaṃ
nārasiṃhamataḥ param . tṛtīyaṃ nāradaṃ proktaṃ kumāreṇa tu
bhāṣitam . caturthaṃ śivadharmmākhyaṃ sākṣānnandīśabhāṣitam .
durvvāsasīktamāścaryyaṃ nāradoktamataḥ param . kāpilaṃ mānavaṃ
caiva tathaivośanaseritam . brahmāṇḍaṃ vāruṇaṃ cātha kāli-
kāhvayameva ca . māheśvaraṃ tathā śāmbaṃ sauraṃ sarvvārthasa-
ñcayam . parāśaroktaṃ pravaraṃ tathā bhāgavatadvayam . idamaṣṭā-
daśaṃ proktaṃ purāṇaṃ kaurmmasaṃjñitam . caturddhā saṃsthitaṃ
puṇyaṃ saṃhitānāṃ prabhedataḥ . hemā0 dā0 kha0 kūrmmapu0 .