aṅgāratailaṃ
Śabdakalpadruma
☞
vol. 1,
p. 15.
aṅgāratailaṃ , klī, (aṅgāreṇa pakvaṃ tailaṃ śākapārthi-
vāditvāt samāsaḥ . madhyapadalopaśca) svanāma-
khyātapakvatailaṃ . tasya pākaprakāro guṇaśca .
yathā, —
“mūrvvā lākṣā haridre dve mañjiṣṭhā sendravāruṇī .
vṛhatī saindhavaṃ kuṣṭhaṃ rāsnā māṃsī śatāvarī ..
āranālāḍhakenaiva tailaprasthaṃ vipācayet .
tailamaṅgārakaṃ nāma sarvvajvaravimokṣaṇaṃ” ..
iti sukhabodhaḥ ..