aśvatthaḥ

aśvatthaḥ [na śva ściraṃ śālmalīvṛkṣādivat (pb) tiṣṭhati sthā-ka pṛ° ni° Tv.]

1 The holy figtree; ūrdhvamūlo'vākśākha eṣo'śvatthaḥ sanātanaḥ Kaṭh.; the tree of this world; Bg. 15. 1.

2 A kind of the Aśvattha tree (naṃṭīvṛkṣa).

3 N. of another tree gardabhāṃḍa.

4 The constellation Aśvinī.

5 The time indicated or presided over by Aśvinī; aśvattho muhūrtaḥ Sk. on P. IV. 2. 5.

6 A vessel made of the aśvattha tree (Ved.).

7 The fruit of the sacred fig-tree; aśvatthasya phalamaśvatthaḥ Sk.

8 The time at which it bears fruit; aśvatthaphalayuktaḥ kālopyaśvatthaḥ P. IV. 3. 48 Sk.

9 An epithet of the sun.

10 N. of a people; Bṛ. S. 14. 3.

— tthā The day of full moon in the month of Āśvina, (in which month the fruits of the sacred fig-tree generally become ripe).

— tthī [kṣudro'śvatthaḥ alpārthe ṅīp] A small fig-tree.

Comp.

— kuṇaḥ [ aśvatthasya pākaḥ pīlvā° kuṇac P. V. 2. 24] the fruit-season of the holy fig-tree.

— bhedaḥ N. of a tree (sthālīvṛkṣa).

aśvatthaḥ [na śvaściraṃ śālmalīvṛkṣādivat tiṣṭhati sthā-ka pṛṣo. nityasa. Tv.] 1 The holy fig tree; ūrdhvamūlo'vākśākha eṣo'śvatthaḥ sanātanaḥ Kaṭh.; the tree of this world; ūrdhvamūlamadhaḥśākhamaśvatthaṃ prāhuravyayam Bg.15.1. (Mar. piṃpaḻa). -2 A kind of the Aśvattha tree (nandīvṛkṣa; Mar. nāṃdurakhī.) -3 N. of another tree gardabhāṇḍa (Mar. lākhī piṃparī) -4 The constellation Aśvinī. -5 The time indicated or presided over by Aśvinī aśvattho muhūrtaḥ Sk. on saṃjñāyāṃ śravaṇāśvatthābhyām P.IV.2.5. -6 A vessel made of the aśvattha tree (Ved.). -7 The fruit of the sacred fig-tree; aśvatthasya phalamaśvatthaḥ Sk. -8 The time at which it bears fruit; aśvatthaphalayuktaḥ kālo'pyaśvatthaḥ P.IV.3.48 Sk. -9 An epithet of the Sun. -10 N. of a people; Bṛi. S.14.3. -tthā The day of the full moon in the month of Āśvina, (in which month the fruits of the sacred fig-tree generally become ripe). -tthī [kṣudro'śvatthaḥ alpārthe ṅīp] A small fig-tree. -Comp. -kuṇaḥ [aśvatthasya pākaḥ pīlvādi ˚kuṇap P.V.2.24] the fruit-season of the holy fig-tree. -phalā N. of a tree (Mar. laghuśeraṇī). -bhedaḥ N. of a tree (sthālīvṛkṣa) Faicus Benjamina. (Mar. pāḍaḻī ?)

aśvatthaḥ , puṃ, (aśvatthaṃ jalamasyāsti . mūle sikta-
tvāt . arśa-ādyac . aśṛtthavat kāmakarmmavāte-
ritanityapracalitasvabhāvatvāt āśuvināśitvena
śvo'pi sthāsyatīti viśvāsānarhatvācca māyāmayaḥ
saṃsāravṛkṣaḥ . śālmalivaṭādyapekṣayā na śvaściraṃ
tiṣṭhati aśvaiva tiṣṭhati vā . sthā gatinivṛttau .
pṛṣodarāditvāt pūrvvottarapadāntādyoḥ sakārayo-
stakārau supistha iti kaḥ .) svanāmakhyātavṛkṣa-
viśeṣaḥ . pipara iti paścimadeśīyabhāṣā . tat-
paryyāyaḥ . bodhidrumaḥ 2 caladalaḥ 3 pippalaḥ 4
kuñjarāśanaḥ 5 . ityamaraḥ .. acyutāvāsaḥ 6 cala-
patraḥ 7 pavitrakaḥ 8 śubhadaḥ 9 bodhivṛkṣaḥ 10
yājñikaḥ 11 gajabhakṣakaḥ 12 śrīmān 13 kṣīra-
drumaḥ 14 vipraḥ 15 maṅgalyaḥ 16 śyāmalaḥ 17 guhya-
puṣpaḥ 18 sevyaḥ 19 satyaḥ 20 śucidrumaḥ 21 dhanu-
vṛkṣaḥ 22 . asya guṇāḥ . sumadhuratvaṃ . kaṣāyatvaṃ .
śītalatvaṃ . kaphapittavināśitvaṃ raktadāhaśamana-
kāritvañca .. tatpakvaphalasya guṇāḥ . sadyo yoni-
doṣahāritvaṃ . śītalatvaṃ . atihṛdyatvaṃ . pittara-
ktaviṣārttidāhaccharddiśoṣārucidoṣanāśitvañca .
iti rājanirghaṇṭaḥ ..
(“aśvatthoḍumbaraplakṣanyagrodhānāṃ phalāni ca .
kaṣāyamadhurāmlāni vātalāni gurūṇi ca” ..
iti carakaḥ ..
aśvatthadevāyatanaśmaśāna-
balmīkasandhyāsu catuṣpatheṣu .
yāmye sapitre parivarjjanīyā
ṛkṣe narā marmmasu ye ca daṣṭāḥ” ..
iti suśrutaḥ ..)
athāśvatthavandanakālamantrāḥ .
“aśvatthaṃ vandayennityaṃ pūrvvāhle praharadvaye .
ata ūrddhvaṃ na vandeta aśvatthantu kadācana ..
(om̐) cakṣuspandaṃ bhujaspandaṃ tathā duḥsvapnadarśanaṃ .
śatrūṇāñca samutthānamaśvattha śamayāśu me ..
aśvattharūpī bhagavān prīyatāṃ me janārdanaḥ .
tvāṃ dṛṣṭvā naśyate pāpaṃ dṛṣṭvā lakṣmīḥ pravarttate ..
pradakṣiṇe bhavedāyuḥ sadāśvattha namo'stu te” ..
iti smṛtyarthasāre halāyudhadhṛtavacanaṃ .. garddabhāṇḍa-
vṛkṣaḥ . iti viśvaḥ ..
“bādhidruḥ pippalo'śvatthaścalapatro gajāśanaḥ .
pippalo durjjaraḥ śītaḥ pittaśleṣmavraṇāsrajit ..
gurustuvarako rūkṣo varṇyo yoniviśodhanaḥ” .. * ..
atha pippalabhedaḥ . gajahaṇḍu iti hindibhāṣā .
“pāriśonyaḥ phalīśaśca kapicūtaḥ kamaṇḍaluḥ .
garddabhāṇḍaḥ kandarālakapītanasupārśvakāḥ ..
phalīśo durjjaraḥ snigdhaḥ krimiśukrakaphapradaḥ .
phale'mlamadhuro mūle kaṣāyaḥ svādumajjakaḥ” .. * ..
atha veliyāpippalaḥ .
“nandīvṛkṣo'śvatthabhedaḥ prarohī gajapādapaḥ .
sthālīvṛkṣaḥ kṣayataruḥ kṣīrī ca syādvanaspatiḥ ..
nandīvṛkṣo laghuḥ svādustiktastuvara uṣṇakaḥ .
kaṭupākaraso grāhī viṣapittakaphāsranut” ..
iti bhāvakrakāśaḥ .. * .. tasya viṣṇusvarūpatvaṃ yathā, —
ṛṣaya ūcuḥ .
“kathaṃ tvayāśvatthavaṭau gobrāhmaṇasamau kṛtau .
sarvvebhyo'pi tarubhyastau kathaṃ pūjyatamau kṛtau” ..
sūta uvāca ..
“aśvattharūpo bhagavān viṣṇureva na saṃśayaḥ .
rudrarūpo vaṭastadvat palāśo brahmarūpadhṛk ..
darśanasparśasevāsu te vai pāpaharāḥ smṛtāḥ .
duḥkhāpadvyādhiduṣṭānāṃ vināśakāriṇo dhruvaṃ” ..
ṛṣaya ūcuḥ .
“kathaṃ vṛkṣatvamāpannā brahmaviṣṇumaheśvarāḥ .
etat kathaya sarvvajña saṃśayo'tra mahān hi naḥ” ..
sūta uvāca .
“pārbbatīśivayordavaiḥ surataṃ kurvvatoḥ kila .
agniṃ brāhmaṇaveśena preṣya vighnaḥ kṛtaḥ purā ..
tatastu pārbbatī kruddhā śaśāpa tridivaukasaḥ .
retaḥsekasukhabhraṃśakampamānā tadā ruṣā” ..
pārbbatyuvāca .
“kṛmikīṭādayo'pyete jānanti surateḥ sukhaṃ .
tasmānmama sukhabhraṃśāt yūyaṃ vṛkṣatvamāpsyatha” ..
sūta uvāca .
“evaṃ sā ṣārbbatī devī aśapat kruddhamānasā .
tasmādvṛkṣatvamāpannā brahmaviṣṇumaheśvarāḥ ..
tasmādimau viṣṇumaheśvarāvubhau
babhūvaturbodhivaṭau munīśvarāḥ .
bodhistvayaṃ cārkidinaṃ vinaiva
na saṃspṛśedarkajavārayogāt” ..
iti pādme uttarakhaṇḍe 160 adhyāyaḥ .. * ..
ṛṣaya ūcuḥ .
“aspṛśyatvaṃ kathaṃ jātaṃ sūta bodhitaruḥ svayaṃ .
spṛśyatvañca kathaṃ prāptastathāyaṃ śanivāsare” ..
sūta uvāca .
“samudramathanādyāni ratnānyāpuḥ surottamāḥ .
śreṣṭhañca kaustubhaṃ teṣa viṣṇave pradaduḥ surāḥ ..
yāvadaṅgīcakārāsau lakṣmīṃ bhāryyārthamātmanaḥ .
tāvadvijñāpayāmāsa lakṣmīstaṃ cakrapāṇinaṃ” ..
lakṣmīruvāca .
“asaṃskṛtya kathaṃ cyeṣṭhāṃ kaniṣṭhā pariṇīyate .
tasmānmamāgrajāmetāmalakṣmīṃ madhusūdana ..
vivāhyodvāhamāṃ paścāt eṣa dharmmaḥ sanātanaḥ .
tasmāt dharmmavyatikrāmaṃ na kuryyā madhusūdana ..
iti tadvacanaṃ śrutvā sa biṣṇurlokabhāvanaḥ .
uddālakāya munaye sudīrghatapase tadā ..
āptavākyānurodhena tāmalakṣmīṃ dadau kila .
sthūloṣṭhīṃ śuklavadanāṃ virūpāṃ bibhratīṃ tanuṃ ..
khavadāraktanayanāṃ rūkṣapiṅgaśiroruhāṃ .
sa munirviṣṇuvākyāttāmaṅgīkṛtya svamāśramaṃ ..
vedadhvanisamāyuktamānayāmāsa dharmmavit .
homadhūpasugandhāḍhyaṃ vedaghoṣena nāditaṃ ..
āśramaṃ taṃ vilokyātha vyathitā sābravīdidaṃ .”
jyeṣṭhovāca .
“nahi vāsānurūpo'yaṃ vedadhvaniyuto mama ..
nātrāgamisye bho brahman nayasvānyatra māṃ dhravaṃ” .
uddālaka uvāca .
“kathaṃ nāyāsi kiñcātra varttate svamataṃ tava .
tava yogyā ca vasatiḥ kā bhavettadvadasva māṃ” ..
jyeṣṭhovāca .
“vedadhvanirbhavedyasmin atithīnāñca pūjanaṃ .
yajñadānādikaṃ yatra naiva tatra vasāmyahaṃ ..
parasparānurāgeṇa dāmpatyaṃ yatra vidyate .
pitṛdevārccanaṃ yatra tatra naiva vasāmyahaṃ ..
dānaśauce na vidyete paradravyāpahāriṇaḥ .
paradāraratā yatra tatra sthāne ratirmmama ..
vṛddhasajjanaviprāṇāṃ yatra syādavamānanaṃ .
niṣṭhuraṃ bhāṣaṇaṃ yatra tatra samyagvasāmyahaṃ” ..
sūta uvāca .
“iti tadvacanaṃ śrutvā visannavadano'bhavat .
uddālakastato vākyaṃ tāmalakṣmīmuvāca ha” ..
uddālaka uvāca .
“aśvatthavṛkṣamūle'smin alakṣmīḥ śramyatāṃ kṣaṇaṃ
āśramasthānamālokya yāvadāyāmyahaṃ punaḥ” ..
sūta uvāca .
“iti tāṃ tatra saṃsthāpya jagāmoddālako muniḥ .
pratīkṣantī ciraṃ tatra yadā na taṃ dadarśa sā ..
tadā ruroda karuṇaṃ bhartustyāgena duḥkhitā .
tattasyāḥ kranditaṃ lakṣmīrvaikuṇṭhabhavane'śṛṇot ..
tadā vijñāpayāmāsa viṣṇumudvignamānasā” .
lakṣmīruvāca .
“svāmin madbhaginī jyeṣṭhā svāmityāgena duḥkhitā .
tāmāśvāsayituṃ yāhi kṛpālo yadyahaṃ priyā” ..
sūta uvāca .
“lakṣmyā saha tato viṣṇustatrāgāt kṛpayānvitaḥ .
āśvāsayannalakṣmīṃ tāmidaṃ vākyamathābravīt” ..
viṣṇuruvāca .
“aśvatthavṛkṣamāsādya sadālakṣmīḥ sthirā bhava .
mamāṃśasambhavo hyeṣa āvāsaste mayā kṛtaḥ ..
mandavāre sadā nūnaṃ lakṣmīratrāgamiṣyati .
aspṛśyo'sau bhavettasmāt mandavāraṃ vinā kila” ..
iti pādme uttarakhaṇḍe 161 adhyāyaḥ .. 2 ..
vaiśākhamāse tasya secanaphalaṃ yathā, —
“vaiśākhe siñcayennityaṃ viṣṇumaśvattharūpiṇaṃ .
caturvargaphalāvāptihetave vaiṣṇavo janaḥ ..
gaṇḍūṣamātratoyena kūryyādyo'śvatthasecanaṃ .
so'pi yāti paraṃ sthānaṃ vimuktaḥ pāpakoṭibhiḥ ..
aśvatthamūlaṃ viprarṣe yo badhnāti śilādibhiḥ .
aśvattharūpī bhagavān kiṃ tasmai na hi yacchati ..
aśvatthadrumamālokya praṇāmaṃ kurute tu yaḥ .
āyurvṛddhirbhavettasya varddhante sarvasampadaḥ ..
yathāśvatthatale bipra dharmmakarmma vidhīyate .
nyūnātiriktatā na syāttasmin karmmaṇi jaimine ..
tatra tīrthāni sarvvāṇi trisrotādīni jaimine .
yatrāśvatthatarustiṣṭhet eko'pi śākhināṃ varaḥ ..
aśvatthapūjako yastu sa eva haripūjakaḥ .
aśvatthamūrttirbhagavān svayameva yato dvija ..
tarujñānāddvijaśreṣṭha yo'śvatthaṃ hanti mūḍhadhīḥ .
saṃsāre nāsti tatkarmma yat kṛtvā sa ca śudhyati ..
aśvattho vṛkṣarājo'yaṃ harimūrttiḥ prakīrttitaḥ .
tasmādaśvatthahantṝṇāṃ trātā ko'pi na vidyate ..
aśvatthaṃ paśyato vipra spṛśataḥ smaratastathā .
dehasthaṃ pātakaṃ tasya haret praṇamato hariḥ ..
vilokyāśvatthahantāraṃ yaḥ śakto na nivārayet .
tannetrayugmaṃ vaḍiśairyamenotpāṭyate svayaṃ ..
aśvatthacchedanaṃ mūḍha mā kurviti vadenna yaḥ .
tasya jihvāṃ churikayā svayaṃ kṛntati bhāskariḥ ..
aśvatthaśākhāmekāṃ yaḥ svalpāmapi nihanti yaḥ .
sa koṭibrahyahatyānāṃ phalaṃ prāpnoti mānavaḥ ..
yatpāpaṃ brahmahatyāyāṃ gurustrīgamane ca yat .
surāpāne tathāsteye nyāsāpaharaṇe tathā ..
yatpāpaṃ bhrūṇahatyāyāṃ gohatyāyāṃ dvijottama .
strīhatyāyāñca yatpāpaṃ parastrīgamane tathā ..
śaraṇāgatahatyāyāṃ hatyāyāṃ suhṛdāṃ tathā .
viśvāsavākyākathane parahiṃsāvidhau ca yat ..
yat pāpaṃ paranindāyāṃ harivāsarabhojane .
aśvatthacchedanādghoraṃ tat pāpaṃ prāpyate janaiḥ ..
viṣṇumūrtterjjano mohādaśvatthasya nihantā yaḥ .
tattulyaḥ pātakī ko'pi na śrutaḥ kṣitimaṇḍale ..
vadāmyaśvatthamāhātmyaṃ sarvvapāpapraṇāśanaṃ .
sākṣādeva svayaṃ viṣṇuraśattho'khilaviśvarāṭ ..
tadbhaktiṃ kurvataḥ puṃso vidyate nāśubhaṃ kvacit .
aśvatthaṃ sevate yastu viṣṇabuddhyā narottamaḥ ..
tasya prasanno bhagavān dadāti paramaṃ padaṃ” .
iti pādme kriyāyogasāre aśvatthasecanaṃ nāma
11 adhyāyaḥ ..
(asthirarūpaḥ saṃsāravṛkṣaḥ . yathā, gītāyām .
“ūrddhvamulamadhaḥśākhamaśvatthaṃ prāhuravyayam .
chandāṃsi yasya parṇāni yastaṃ veda sa vedavit” ..
vistarastu gītāyāḥ pañcadaśe'dhyāye draṣṭavyaḥ ..)