• Blog
  • Sanskrit
  • About
    •

    aśvataraḥ

    See also aśvatara.

    Śabdakalpadruma

    ☞ vol. 1, p. 144.
    aśvataraḥ , puṃ, strī, (tanuraśvaḥ . vatsokṣāśvarṣabhebhyaśca
    tanutva iti ṣṭarac . aśvenāśvāyāmutkanno'śvaḥ .
    aśvatvaṃ ca jātiḥ . tatsahacaritasyoktadharmmasya
    tanutvaṃ anyapitṛkatvāt .) aśvāyāṃ garddabhena
    jātaḥ paśuviśeṣaḥ . iti smṛtiḥ . khacara iti
    bhāṣā . ..
    (“hayānaśvatarānuṣṭrāṃstathaiva surabheḥ sutān” .
    iti rāmāyaṇe ..
    “sakṛdduṣṭaṃ hi yo mitraṃ punaḥ sandhātumicchati .
    sa mṛtyumupagṛhṇāti garbhādaśvataro yathā” ..
    iti pañcatantre ..)
    ☞ vol. 1, p. 145.
    aśvataraḥ , puṃ, vegasaraḥ . nāgarājaviśeṣaḥ . iti
    medinīṃ ..
    (“kambalāśvatarau cāpi nāgakālīyakastathā” .
    “airāvato mahāpadmaḥ kambalāśvatarāvubhau” ..
    iti ca mahābhārate ..) gandharvvaviśeṣaḥ . puṃvatsaḥ .
    iti dharaṇiḥ ..