aśvaceṣṭita

aśvaceṣṭita na0 6 ta0 1 vājiceṣṭite 2 śubhāśubhasūcake śakunabhede
ca tadvivṛtiḥ vṛ0 sa0 yathā” utsargānna śubhadamāsanoparisthaṃ
vāme ca jvalanamato'paraṃ praśastam . sarvāṅgajvalanamavṛṣṭiṭaṃ
hayānāṃ dve varṣe, dahanakaṇāśca dhūpanaṃ vā . antaḥpuraṃ nāśa-
mupaiti meḍhre kośaḥ kṣayaṃ yātyudare pradīpte . pāyau ca pucche
ca parājayaḥ syād vaktrottamāṅgajvalane jayaśca . skandhāsa
nāṃsajvalanaṃ jayāya bandhāya pādajvalanaṃ pradiṣṭam . lalāṭa-
vakṣo'kṣibhujeṣu dhūmaḥ parābhavāya jvalanaṃ jayāya . nāsāpuṭa-
prothaśiro'śrupātanetreṣu rātrau jvalanaṃ jayāya . pālāśa-
tāmrāsitakarburāṇāṃ nityaṃ śukābhasya sitasya ceṣṭam .
pradveṣo yavasāmbhasāṃ prapatanaṃ svedo nimittādvinā kampo
vā vadanācca raktapatanaṃ dhūmasya vā sambhavaḥ . asvapnaśca viro-
dhitā niśi divā nidrālasadhyānatā sādo'dhomukhatā
viceṣṭitamidaṃ neṣṭaṃ smṛtaṃ vājinām . ārohaṇama-
nyavājināṃ paryyāṇādiyutasya vājinaḥ . upavāhyaturaṅgamasya
vā 'vikalasyaiva vipanna śobhanā . krauñcavadripubadhāya
heṣitaṃ grīvayā tvacalayā ca sonmukham . snigdhamuccamanu-
nādi hṛṣṭavad grāsaruddhavadanaiśca vājibhiḥ . pūrṇapātradadhi-
vipradevatā gandhapuṣpaphalakāñcanādi vā . dravyamiṣṭamatha vāparaṃ
bhaveddheṣatāṃ yadi samīpato jayaḥ . bhakṣyapānasalilābhi-
nandinaḥ patyuraupayikanandino'thavā . savyapārśvagatadṛṣṭayo
'thavā vāñchitārthaphaladāsturaṅgamāḥ . vāmaiśca pādairabhi-
tāḍayanto mahīṃ pravāsāya bhavanti bhartuḥ . sandhyāsu
dīptāmavalokayanto heṣanti cedbandhaparājayāya . a-
tīva heṣanti kiranti bālān nidrāratāśca pravadanti
yātrām . romatyajo dīnakharasvarāśca pāṃśūn grasantaśca
bhayāya dṛṣṭāḥ . samudgavaddakṣiṇapārśvaśāyinaḥ padaṃ samut-
kṣipya ca dakṣiṇaṃ sthitāḥ . jayāya śeṣeṣvapi vāhaneṣvidaṃ
phalaṃ yathāsambhavamādiśedbudhaḥ . ārohati kṣitipatau
vinayopapanno yātrānugo'nyaturagaṃ prati heṣate ca . vaktreṇa
vā spṛśati dakṣiṇamātmapārśvaṃ yo'śvaḥ sa bhartturacirāt-
pracinoti lakṣmīm . muhurmuhurmūtraśakṛt karoti na
tāḍyamāno'pyanulomayāyī . akāryyabhīto'śruvilocanaśca
śubhaṃ na bharttusturago'bhidhatte” .