aśauca

aśauca n. (-caṃ)

1 Foulness, impurity.

2 Legal impurity, contamination, defilement contracted by the death of a relation, the commission of prohibited acts, &c.

E. a neg. śauca purification.

a-śauca (caṃ) 1. n. Impurity.

A-śauca, am, n. impurity, foulness; legal impurity,

contamination, defilement contracted by the death of

a relation, or by the commission of prohibited acts,

&c. —Aśauca-tva, am, n. impure or abandoned

nature or disposition; defilement, contamination.

aśauca a-śauca. See under a-śuci.

aśauca n. impurity.

aśauca a-śauc-a, n. impurity: -tva, n. id.;
-in, a. impure.

a-śauca a n. (= āśauca, q.v., Pāṇ. vii, 3, 30) impurity, contamination, defilement (contracted by the death of a relation, or by the commission of prohibited acts, &c.), Mn. xi, 183

uncleanness, Pañcat.; Vet.

a-śauca b See a-śuci.

aśauca

n. (-caṃ)

1. Foulness, impurity.

2. Legal impurity, contamination,
defilement contracted by the death of a relation, the commission of
prohibited acts, &c.

E. a neg. śauca purification.

aśauca aśauca n. (śuci) impureté.

a-śauca- nt. impureté; malpropreté; -ka- id.

aśauca (3. a + śauca) = āśauca P. 7, 3, 30. n. Unreincheit: strīṇām VET. 21, 9. in relig. Sinne M. 11, 183.

aśauca Unreinheit (in religiösem Sinne) Verz. d. Oxf. H. 14,b,21. 87,b,7. 8 u.s.w. TATTVAS. 20.

aśauca HEM. YOGAŚ. 4, 55.

aśauca n. Unreinlichkeit Spr. 328. Unreinheit (in rituellem Sinne). °nirṇaya m. Titel eines Werkes.

aśauca auch: Unehrlichkeit.

aśauca na0 śucerbhāvaḥ śaucaṃ na0 ta0 . 1 śucitvābhāve smṛti-
prasiddhe, vihi—takarmmānadhikāritvasampādake 2 adharmmaviśeṣe
ca . “janane maraṇe caiva tryahāśaucasya bhāginaḥ” smṛtiḥ .
“samānaṃ laghu cāśaucaṃ pūrvveṇaiva viśudhyati . asamānaṃ
dvitīyeneti” yamaḥ . svārthe ṣyañ āśaucyamapyatra “āśau-
cyādvipramucyeta” smṛtiḥ . “aśaucaṃ dvividhaṃ kālakṛtaṃ
vastusvabhāvakṛtañca tatra kālakṛtaṃ “savraṇaḥ sūtakītyā-
dinā” aśuddhiśabde 480 pṛṣṭhe darśitam tathāca .
sapiṇḍamaraṇajananādikṛtaṃ kālaviśeṣe'śaucam kālā-
pagame ca tannāśaḥ . tacca cetananiṣṭham . bahudhā
cāsya śuddhitattvādau prapañcaḥ . vastūnāmaśaucaṃ svabhā-
vāt yathā malamūtrādeḥ, yatsaṃsārgāditaravastūnā-
mapyaśaucaṃ śuddhyabhāvaḥ evaṃ teṣāṃ saṃsargādikṛtaṃ ceta-
nāderaśaucaṃ yathā ucchiṣṭacaṇḍālādisparśe evamaśau-
cisvāmikadravyaviśeṣāṇāmāpyaśaucam śuddhyabhāvaḥ . atha
sapiṇḍāsapiṇḍādibhedenāśaucakālaviśeṣo yathā “janane
maraṇe ca saptamapuruṣaparyyantaṃ viprasya daśāhaḥ, kṣatriyasya
dvādaśāhaḥ, vaiśvasya pañcadaśāhaḥ, śūdrasya māsaḥ . daśamapuruṣa
paryyantaṃ sarvvavarṇṇeṣu tryahaḥ caturdaśapuruṣaparyyantaṃ pakṣiṇī
janmanāmasmṛtiparyyantamekāhaḥ tataḥ snānamātram . ka-
nyāyāḥ sāpiṇḍyaṃ tripauruṣam . atha videśasthāśaucam .
aśaucakālābhyantare videśasthasyāśaucaśravaṇe śeṣāhaiḥ śuddhiḥ .
aśocakālottaraśravaṇe tu jñātijananāśaucaṃ nāstyeva .
putrajanane tu sacelasnānāt śuddhiḥ . maraṇāśauce tu
varṣābhyantaraśravaṇe tryahāt śuddhiḥ . sacelasnānādaṅgā-
spṛśyatvanivṛttiḥ . varṣottaraśravaṇe snānena śuddhiḥ
sapiṇḍānām . putrādīnāntu mātṛpitṛbharttṛmaraṇe
varṣottaramekāhena śuddhiḥ, dvitīyavarṣe śravaṇe sadyaḥ . saṃpūrṇā-
śaucātikrame tryahāśaucaṃ na bālādyaśaucātikrame khaṇḍā-
śaucātikrame vā . athagarbhasrāvāśaucam . garbhasrāve tu
strīṇāmeva ṣaṇmāṣābhyantare'śaucaṃ tacca laukike karmmaṇi
māsasamasaṃkhyadinavyāpakaṃ dvitīyamāsāvadhimāsasamasaṃkhyadi-
nādhikaikadināt paraṃ vrāhmaṇyā vaidikakarmmādhikāraḥ kṣatri-
yāyā dinadvayāt vaiśyāyādinatrayāt śūdrāyāstu dinaṣaṭ-
kāditi hāralatā prabhṛtayaḥ . saptamāṣṭamamāsīyagarbhapatane
strīṇāṃ saṃpūrṇāśaucam nirguṇasapiṇḍānāmahorātraṃ yatheṣṭā
caraṇapapiṇḍānāṃ trirātram tacca jātasya taddinaeva maraṇe
jñeyaṃ dvitoyadinādau tu maraṇenavamādimāsajātabālakavat .
atha stryaśaucam . kanyāyāḥ janmaprabhṛtidvivarṣābhya-
ntaramaraṇe sadyaḥ śaucaṃ tadupari vāgdānaparyyantamekāhaḥ .
vāgdānottaravivāhaparyyantaṃ bharttṛkule pitṛkule ca
kanyāyā ādantajanmamaraṇe sadyaḥ śaucam, ā cūḍāde-
karātrakam, ā pradānāttrirātraṃ, syāditi viśeṣaḥ . dattaka-
nyāyāḥ pitṛgṛhe prasavamaraṇayoḥ pitroḥ śayanādisaṃsargaśū-
nyayorapi trirātraṃ tathāvighabandhuvargāṇāmekarātram samparke
daśarātram . atha bālādyaśaucam . navamādimāsajātabā-
lakasyāśaucakālābhyantaramaraṇe mātāpitroraspṛśyatvayuktaṃ
tadeva jananāśaucaṃ jñātīnāntvaśaucaṃ nāsti navamādi-
māsamṛtajātayostu kanyāputrayoḥ pitrādisapiṇḍānāṃ
jananāśaucaṃ saṃpūrṇṇam . puttrajanmani mukhadarśanāt pūrvvaṃ
sacelasnānaṃ kṛtvā brāhmaṇebhyaśca yathāśakti dattvā bālakāya
kāñcanaṃ dattvā mukhaṃ paśyeta . tataḥ punaḥ sacelasnānam .
anyāśaucamadhye'pi jātakarmmaṣaṣṭhīpūje karttavye . putraja-
nmanimittakaṃ vṛddhiśrāddhaṃ nāḍīcchedāt pūrvvam aśocānte
vā karttavyam . puttrakanyājanane strīṇāṃ svajātyuktadaśāhāditaḥ
paraṃ lokikakarmmādhikāraḥ . puttrajanane tu vaidikakarmmādhiṃ-
kāroviṃśatirātrottaraṃ snānāt, kanyājanane tu māsottaraṃ
snānāt brāhmaṇyāḥ . śūdrāyāstūmayatraiva māsottaraṃ
snānāt śuddhiḥ . etat sarvvaṃ puttrakanyayorvidyamānatve
bodhyam . jananāśaucakālottaraṃ ṣaṇmāsābhyantaramajāta
dantamaraṇe pitrorekāhaḥ . evaṃ nirguṇasodarasya, sapi-
ṇḍānāntu sadyaḥ . ṣaṇmāsābhyantare'pi jātadantasya maraṇe
pitrostryahaḥ sapiṇḍānāmekāhaḥ ṣaṇmāsopari dvivarṣaparyyantaṃ
pitrostryahaḥ . sapiṇḍānāmakṛtacūḍemṛte ekāhaḥ kṛtacūḍe
tryahaḥ . dvivarṣopari sarbdheṣāmanupanītasya maraṇe māsatrayā
dhikaṣaḍvarṣaṃ yāvat tryahaḥ . pañcavarṣopanītasya tadānī-
mapi daśa . haḥ . māsatrayādhikaṣaḍvarṣopari sarveṣāṃ daśā-
haḥ . śūdāṇāṃ tu ṣaṇmāsopari dvivarṣābhyantare pañcāhaḥ .
atrāpi kṛtacūḍasya dvādaśāhaḥ . dvivarṣopari ṣaḍvarṣābhya-
ntare dvādaśāhaḥ . atrāpi daivāt kṛtodvāhe'pi māsaḥ .
ṣaḍvarṣopari māsaḥ . atra māsavarṣaparigaṇanā sāvanena
“sūtakādiparicchedodinamāsāvdapāstathā . madhyamagrahabhukti-
śca sāvanena prakīrttitā” iti sūryyasiddhāntāt . athāsapi-
ṇḍāśaucaṃ guru mātāmahamaraṇe trirātraṃ bhaginīmātulānī
mātulapitṛṣvasṛmātṛṣvasṛgurvvaṅganāmātāmahīmaraṇe pakṣiṇī .
śvaśrūśvaśurayorbhinnagrāmasthayormaraṇe'horātram . ācāryya-
patnī putrayorupādhyāyasya mātṛvaimātreyasya śyālakasya sahā-
dhyāyinaḥ śiṣyasya ca maraṇe'horātraṃ mātṛṣvasrīyapitṛṣva-
srīyamātulaputrabhāgineyamaraṇe pakṣiṇī . pitāmahabhaginīpu-
trapitāmahībhrātṛtadbhaginīputrarūpapitṛbāndhavatrayamaraṇe pakṣi
ṇī . mātāmahabhaginīputramātāmahībhaginīputramātāmahī-
bhrātṛputtrarūpamātṛbāndhavatrayamaraṇe'horātram . ekagrāmavā-
sigotrajamaraṇe'horātramaurasavyatiriktaputtrajananamaraṇayoḥ
parapūrvvabhāryyāprasavamaraṇayośca trirātram . sajātīyapuruṣāntara-
saṃgṛhītasvabhāryyāmaraṇetrirātram . mātṛṣvasṛpitṛṣvasṛmātu-
labhaginīputrāṇāṃ gṛhasthitānāmācāryyasya ca maraṇe trirā-
tram . śvaśrūśvaśurayoḥsannidhimaraṇe trirātraṃ śvaśrūśvaśurayo-
rekagrāmasthitayormmaraṇe pakṣiṇī . prathamamanyenoḍhā tenaiva
janitaputtrā putrasahitaivānyamāśritā paścāttenāpi janita-
putrā tayoḥ putrayoryathāsambhavaṃ prasavamaraṇayordvitīyaputtra-
pituścatrirātraṃ tatsapiṇḍāmāmekarātraṃ tathāvidhaputtrayoḥ
parasparaprasavamaraṇayormātṛjātyuktamaśaucam . dauhitramaraṇe
pakṣiṇī . pitṛmātṛmaraṇe ūḍhānāṃ kanyānāṃ trirātram . yadi
mātraṣvasṛprabhṛtīnāṃ dahanavahane karoti tadā trirātram .
mātāmahādīnāṃ trirātrābhyantaramaraṇaśravaṇe taccheṣeṇa śuddhiḥ .
tattatkālottaraśravaṇe tu nāśaucaṃ kintvācārāt snānam .
athamṛtyuviśeṣāśaucam . śāstrānanumatabuddhipūrvvakātmaghāti-
nonāśaucādi . śāstrānumatyā'naśanādimṛtasya pramādādana-
śanāśanivahnijaloccadeśaprapatanasaṃgrāmaśṛṅgidaṃṣṭrinakhivyāla
viṣacāṇḍālacaurahatasya trirātram . śṛṅgyādibhiḥstriyā ca
krīḍāṃ kurvvataḥ pramādahatasyāpi nāśaucādi . nāgavipriya-
kāritvena uddhatasya maraṇoddeśena pravṛttasya vidyuddhatasya ca cau-
ryyādidoṣeṇa rājñā hatasya ca kalahaṃ kṛtvā rāṇḍālādyaira-
samānairhatasya ca vyādhijanakauṣadhasya viṣasya vahneśca dāturmara
ṇepāṣaṇḍaprāyāśritasya ca nityaṃ parāpakāriṇaśca krodhāt svayaṃ
prāyoviṣavahniśastrodbandhanajalagirivṛkṣaprapātairmṛtasya carmmamāṃ-
sāsthyādimayapātranirmmāturviprādeśca manuṣyabadhasthānāghi kā-
riṇaśca kaṇṭhadeśotpannabhagarogasya puṃskarmmāśaktanapuṃsakasya ca
brāhmaṇaviṣayāparādhakaraṇānnihatasya ca buddhipūrvvakabrāhmaṇa-
hatasya ca mahāpātakinaśca evaṃvidhapatitānāṃ na dāhādikaṃ
kāryyam . tatkṛtvā taptakṛcchradvayaṃ kuryyāt . mlecchataskarā-
dibhiryuddhe svāmyarthaṃ hatasya viprāderdāhādikamastyeva . akṛ-
taprāyaścittasya galatkuṣṭhinona dāhādikaṃ kāryyaṃ śastreṇā-
bhimukhahatasya sadyaḥ śaucaṃ dāhādi ca . gavārthe brāhmaṇārthe vā
daṇḍena yuddhahatasyāhorātramaśaucam . nṛpatirahitayuddhe
laguḍādihatasya parāṅmukhahatasya trirātram . goviprapālane-
'bhimukhaparāṅmukhatvābhyāṃ hatasya sadyastrirātre . śastraghāte-
tarakṣate saptāhādūrddhvaṃ maraṇe sampūrṇaṃ, śastraghāte tryahādūrddhvaṃ
ca prakṛtāśaucam . śuddhi0 ta0 . etatpramāṇāni tatraivā nu
sandheyāni . “mātṛvadvarṇasaṅkarāḥ” ityuktermūddhāvasiktāmbaṣṭhādīnā
manulomajānāṃ mātṛvarṇānusāreṇāśaucam pratilonajānāṃ
tu “śūdreṇa tu sadharmmāṇaḥ sarve'padhvaṃsajāḥ smṛtāḥ” ityukteḥ
śūdratulyāśaucamiti raghunandanādayaḥ . ācārastu mātṛ-
tulyatayā dṛśyate ataeva caṇḍālādīnāṃ daśāhāśaucācāraḥ .
devatāmantrādidāturmaraṇe trirātram . vedāṅgādi śāstrā-
dhyāpakasya tathāvidhaśiṣyasya ca maraṇe ekāhaḥ “gṛhīto
devatā mantraḥ sāvitrīgrahaṇaṃ kṛtam . yasmāttasya trirātraṃ syāt
brahmavidyā grahoyataḥ” iti “upanīyādhyāpakoyastasminnapi
trirātrakam . vedavedāṅgaśāstrāṇāṃ vyākhyānaṃ śikṣitaṃ yataḥ .
jñānaṃ pratiṣṭhitaṃ yena vedābhyāsoyataḥ kṛtaḥ . tasminmṛte
caikarātraṃ guroḥśiṣye tathaiva” ca mṛtsyasūktokteḥ dattaka
putrasya grahītrādikule trirātram janakakule'śaucābhāvaḥ .
tatrāyaṃ viśeṣaḥ . sapiṇḍadattakasyāpi trirātraṃ vācanikaṃ
tatputrādīnāṃ tu saṃpūrṇṇamiti . asapiṇḍadattakasya tatputrā-
ṇāñca trirātramiti bahavaḥ sapiṇḍāsapaṇḍidattakatatputrāṇāṃ
trirātramiti “bhinnagotrāḥ pṛthakpiṇḍāḥ pṛthagvaṃśakarāḥ
smṛtāḥ . janane maraṇe caiva tryahāśaucasya bhāginaḥ” ityukte
riti dattakamomāṃsādayaḥ . śavānugamanāśaucam . brāhma-
ṇaśavasyānugamane brāhmaṇasya sacelasnānāgnisparśaghṛtaprāśanaiḥ
śuddhiḥ . kṣatriyasyaikāhena, vaiśyasya dvyahena, śūdrasya prāṇā-
yāmaśatena dinatrayeṇa ca śuddhiḥ . pramādācchūdraśavānugamane
jalāvagāhāgnisparśaghṛtaprāśanaiḥ śuddhiḥ . anāthabrāhmaṇasya
dharmabuddhyā dahanavahanayoḥ snānaghṛtaprāśanābhyāṃ sadyaḥ śaucam .
lobhena sajātīyadāhe svajātyuktāśaucam . asajātīya-
śavasya dahanavahanasparśaiḥ śavajātyuktāśaucam . snehāda-
sambandhidāhakaviprasya tadgṛhavāse trirātraṃ tatkulānna-
bhojane daśarātraṃ tadgṛhavāse tadannābhojane cāhorātraṃ
viśeṣavacanābhāve sambandhinomātulāderasnehenāpi adāhe
trirātraṃ citādhūnasevane sacelasnānaṃ mṛte śūdre'sthisañca-
yanakālābhyantare tadgṛhaṃ gatvā'śrupātane viprasya trirātrama
śaucaṃ, sthānāntare viśeṣavacanābhāve'horātraṃ tadgṛhe tadūrddhvaṃ
māsābhyantare'horātraṃ sacelasnānañca . sajāterdivasenaiva
kṣattriyavaiśyayordvyahena brāhmaṇaḥ śudhyati śūdrastu sparśaṃ
vinānugamane sarvatra naktena . mṛtasya śūdrasya bāndhavaiḥ saha
rodanarahitavilāpamātre'horātreṇa . asthisañcayana-
kālaśca brāhmaṇasya caturahaḥ śūdrasya daśāhaḥ . tryahā-
śauce dvitīyāhaḥ . maraṇāśauce viprasya caturthāhe'spṛśyatā-
nivṛttiḥ . śūdrasya daśamadine sarvasya khaṇḍāśaucakāle
tribhāgakālena atikrāntāśauce sacelasnānena janane tu
sapiṇḍānāṃ spṛśyataiva . putrotpattau snānāt pituḥ spṛśyatvaṃ
evaṃ vimātṝṇāmapi . evaṃ sūtikāsparśe piturvimātṝṇāñca
sūtikātulyakālāspṛśyatvam . anyeṣāṃ snānamātraṃ kanyā
putrajanane māturddaśarātramaṅgāspṛśyatvaṃ śūdrāyāstu daśa-
rātramaspṛśyatvam . aśaucakālādi viṣaye ca prāyonibandha-
karttṛṇāṃ matabhedodṛśyate bāhulyabhayāt tanna likhitam svasva-
deśapracalitanibandhānusāreṇa tadavameyam . aśauce tu varṇṇādi
viśeṣādau daśa pakṣā hāralatāyāṃ dakṣeṇoktāḥ yathā
“sadyaḥśaucaṃ tathaikāhastryahaścaturahastathā . ṣaḍdaśa
dvādaśāhaśca pakṣomāsastathaiva ca . maraṇāntaṃ tathā
cānyat daśa pakṣāstu sūtake” . tatra maraṇāntaṃ jananamara-
ṇabhinnanimittam . yathā “kriyāhīnasya mūrkhasya mahārogiṇa
eva ca . yatheṣṭācaraṇasyāhurmaraṇāntamaśaucakam” śu0 ta0
smṛtiḥ . “asnātvā cāpyahutvā ca adattvā'śnaṃstathā dvijaḥ .
evaṃvidhasya viprasya sarvvadā sūtakaṃ bhavet” dakṣaḥ “anya
pūrvvā yasya gehe bhāryyā syāttasya nityaśaḥ . aśaucaṃ
sarvvakāryyeṣu dehe bhavati sarvvadeti” ni0 si0 smṛtiḥ “mara-
ṇāntapakṣastu nindārthavādaparaḥ “nāmadhārakaviprastu daśāhaṃ
sūtakī bhavediti” mādhavaghṛtavacane nāmadhārakaviprasyāpi
daśāhāśaucavidhānāt” ni0 si0 . dāsādyaśauce viśeṣaḥ
tatra dāsāḥ pañcadaśadhā dāsaśabde vakṣyamāṇāsteṣu garbhadāsasya
sapiṇḍāntarajananamaraṇayoḥ svāmikāryye sadyaḥ śaucaṃ bhakta-
dāsasya tryahaḥ “sadyaḥspṛśyo garbhadāso bhaktadāsastryahā-
cchuciḥ” ni0 si0 smṛtyukteḥ karmmakaradāsānāṃ viśeṣaḥ “mūlyaiḥ
karmmakarāḥ śūdrā dāsodāsāstathaiva ca . snāne śarīrasaṃskāre
gṛhakarmaṇyadūṣitāḥ” śātā0 uktaḥ . dattadāsadāsyādīnāṃ
tu, “dāsī dāsaśca sarvvovai yasya varṇṇasya yo bhavet . tadvarṇṇa-
sya bhavecchaucaṃ dāsyā māsantu sūtakam” aṅgi0 “svāmi-
śaucena dāsādyāḥ spṛśyāḥ māsāttukarmmasu . yogyāḥ syu
rmāsatodāsī sūtake spṛśyatāmiyāt” ṣaṭtri0 . datta-
dāsādīnāṃ sapiṇḍamaraṇādau svāmyaśaucasamasaṃkhyakadinā-
dūrddhvam satyapi māsādyaśauce svāmikāryye spṛśyateti haradattaḥ
evamantevāsināmapi . “dāsāntevāsibhṛtakāḥ śiṣyā-
ścaikatravāsinaḥ . svāmitulyena śaucena śudhyanti mṛtasūtake”
vṛha0 ukteḥ . dāsādeḥ svāmitatsapiṇḍamaraṇe'śaucamāha
viṣṇuḥ “patnīnāṃ dāsānāmānulomye svāmitulyamaśaucaṃ mṛte
svāminyātmīyam” atrānulomyenetyukteḥ prātilomye'śaucā-
bhāva eva tasya śāstrīyadāsatvābhāvāt “varṇṇānāmānulomyena
dāsyaṃ na pratilomata” iti yājña0 smṛtyā prātilomyena
dāsatvaniṣedhāt . “sūtakānāṃ pariccheda ityādi sū0 si0
prāguktavacanāt sāvanadinasyaiva grāhyatā . mitākṣarākṛtā tu
rātriṃ vibhāgāṃ kṛtvādyabhāgadvaye cet pūrvvadinam, antye
cet paradinamiti ārambhakāle viśeṣa uktaḥ . prāgarddharātrāt
prāgvā sūryyodayāt pūrvvadinamiti matāntaram . eteṣu
deśācārato vyavasthā . aśaucyannabhakṣaṇe'pi tattulya-
maśaucam . “atha brāhmaṇādīnāmaśauce yaḥ sakṛdevā-
nnamaśnāti tasya tāvadaśaucam yāvatteṣām” viṣṇuḥ etat
jñānataḥ, ajñāne tu “antardaśāhebhuktvānnaṃ mṛtake sūtake'pi
vā tasyāśaucaṃ bhavettāvadyāvadannaṃ vrajatyadhaḥ” aṅgirasoktaṃ-
jñeyam “ubhayatra daśāhāni kulasyānnaṃ na bhujyata” iti
yamaḥ . ubhayatra jananamaraṇayoḥ daśāhānītyaśaucakālo-
palakṣaṇam . kulasya sūtakayuktasya sambandhyannamasakulyairna-
bhoktavyam . sakulyānāṃ na punardoṣaḥ “sūtake tu
kulasyānnamadoṣaṃ manurabravīt” iti tenaivoktatvāt
ayañca niṣedhodātṛbhoktroranyatareṇa jananamaraṇe jñāte
sati draṣṭavyaḥ . “ubhābhyāmaparijñāte sūtakaṃ naiva doṣakṛt .
ekenāpi parijñāte bhokturdoṣamupāvahediti ṣaḍtriṃśa-
nmatadarśanāt . tathāvivāhādiṣu sūtakotpatteḥ prāk
brāhmaṇārthaṃ pṛthakkṛtamannaṃ bhoktavyameva . “vivāhotsavayajñeṣu
tvantarā mṛtasūtake . pūrvasaṅkalpitārtheṣu na doṣaḥ pari-
kīrttita” iti vṛhaspatismaraṇāt tathā'paro'pi viśeṣaḥ
ṣaḍviṃśanmate darśitaḥ . “vivāhotsavayajñeṣu tvantarāmṛta-
sūtake . parairannaṃ pradātavyambhoktavyañca dvijottamaiḥ . bhuñjā-
nneṣu tu vipreṣu tvantarā mṛtasūtake . anyagehodakācāntāḥ
sarve te śucayaḥ smṛtāḥ” ni0 si0 iti . tathā'śauciparigra-
hatve'pi keṣu citdravyeṣu doṣābhāvaḥ . yathāha marīciḥ .
“lavaṇe madhumāṃse ca puṣpamūlaphaleṣu ca . śākakāṣṭhatṛṇeṣvapsu
dadhisarpiḥpayaḥsu ca . tilauṣadhājine caiva pakvāpakve
svayaṃgrahaḥ . paṇyeṣu caiva sarveṣu nāśaucaṃ mṛtasūtake”
iti . śākvambhakṣya jātam . apakvantaṇḍulādi . svayaṃgraha
iti khayameva svāmyanujñāto gṛhṇīyāt na taddhastāt .
etadapyāmānnaviṣayaṃ satrapravṛttaviṣayañca . “annasatrapravṛ-
ttānāmāmamannamagarhitam . bhuktvā pakvānnameteṣāṃtri
rātrantu payaḥ pibediti” aṅgiraḥ smaraṇāt . atra pakvaśabdo-
'bhakṣyavyatiriktaudanādiviṣayaḥ . śavasaṃsarganimittāśau-
ce tvaṅgirasā viśeṣauktaḥ . “aśaucaṃ yasya saṃsargādāpatedgṛ-
hamedhinaḥ . kriyāstasyaiva lupyante gṛhyāṇāñca na tadbhave-
diti” . tadaśaucaṅkevalaṃ gṛhamedhina eva na punastadgṛhama-
vānāṃ bhāryādīnāntaddravyāṇāñca bhavedityarthaḥ . eva-
mevātikrāntāśauce'pi . “saṃsargādyasya cāśaucaṃ yasyā-
tikrāntakālatā . tadīyasya padārthasya nāśaucaṃ vidyate
kvacit” ṣaṭtri0 ni0 si0 . karmmaviśeṣe karmmārambhe
ca tattatkarṇṇaṇi aśaucābhāvaḥ yathoktam . “kāravaḥ śi-
lvino vaidyā dāsīdāsāstathaiva ca . rājāno rājabhṛtyāśca
sadyaḥśaucāḥ prakīrttitāḥ” pracetasā, . laghuviṣṇunā ca “vrataya-
jñavivāhesu śrāddhe homārcane jape . āraddhe sūtakaṃ na syā-
danārabdhe tu sūtakam . prārambhovaraṇaṃ yajñe saṃkalpo vrata
bandhayoḥ . nāndīśrāddhaṃ vivāhādau śrāddhe pākapariṣkriyā”
varaṇamiti ṛtvikparam teṣāñca madhuparkagrahaṇottara-
maśaucābhāvaḥ . “gṛhītamaṣumarkāstu yajamānāttu ṛtvijaḥ .
paścādaśaucaṃ patitaṃ na bhavediti niścayaḥ” brahmapurā0
ukteḥ etanmūlakameva triṃśacchlokyāṃ tattatkāryyeṣu
aśaucābhāvavacanam yathā “tattatkāryyeṣu satrivrati-
nṛpanṛpavaddīkṣitartviksvadeśabhraṃśāpatsvapyanekaśrutipaṭhanabhiṣa-
kkāruśilpyāturāṇām . saṃprārabdheṣu dānopanayanayajana-
śrāddhayuddhapratiṣṭhācūḍātīrthāṅgayātrājapapariṇayanādyutsave-
ṣvetadeva” “tīrtheti ākasmikatīrthaprāptau tadaṅgaṃ śrāddha-
maśauce karttavyam “vivāhadurgayajñeṣu yātrāyāṃ tīrtha-
karmaṇi . na tatra sūtakaṃ tadvat karmma yajñādi kārayet”
paiṭho0 ukteḥ yātrā rathayātrādi . japaḥ puraścaraṇādi
saṃkalpitastotrapāṭhādiśca . vratī saṃkalpena gṛhītavratādiḥ
“gṛhītaniyamasyāpi na syādanyasya kasyaciditi” brāhmokteḥ
“varaṃ prāṇān parityakṣye muṇḍanaṃ śiraso'pi vā
natvanabhyarcya bhīñjayaṃ bhagavantaṃ trilocanam” ityuktaniyamavato
devapūjāyāmadhikāraḥ . kṛtaniyamaviṣayā “śivaviṣṇvarcanaṃdīkṣā
yasya cāgniparigrahaḥ . śrautakarmmāṇi kurvvīta snātaḥ śuddhi-
mavāpnuyāt” yamoktiḥ “japo devārcanavidhiḥ kāryyodīkṣānvi-
tairnaraiḥ nāsti pāpaṃ yatasteṣāṃ sūtakaṃ vā yatātmanām” muktā-
palī ca . “atha sūtakinaḥ pūjāṃ vakṣyāmyāgamacoditām .
snātvā nirvarttya nityañca mānasyā kriyayā hi vai . bāhya-
pūjākrameṇaiva dhyānayogena pūjayet” śāradā . mānasajape tu
akṛtaniyamasyāpi aśucerapyaghikāraḥ “aśucirvā śucirvāpi
gacchan tiṣṭhaṃstathā svapan . mantraikasmaraṇovidvān manasaiva
samamyaset “rāmārcanacandrikokteḥ “mānasamapyuśuciti”
vacanaṃ tu paṭhanapāṭhanāviṣayam . tārādiviṣaye na akṛtani-
yamasyāpyadhikāraḥ “tārāyāścaiva kālyāśca tripurāyā viśeṣa-
taḥ . janane maraṇe caiva na tyajeyurjapārcanam” iti tantrokteḥ .
anyāśauce niyamāḥ ni0 si0 yājñavalkyaḥ “iti saṃplutya gacche-
bhurgṛhaṃ bālapuraḥsarāḥ . vidaśya nimbapatrāṇi niyatā dvāri
vaśmanaḥ . ācamyāgnyādi salilaṃ gomayaṃ gaurasarṣapān .
praviśeyuḥ samālabhya kṛtvāśmani padaṃ śanaiḥ” . “praveśānādikaṃ
karma pretasaṃsparśināmapi” ni0 si0 . “krītalabdhvāśanābhūmau
svapeyuste pṛthakkṣitau yā0 idañcādye'hni . yathāśuddhi-
tattve vaijavāpaḥ “śamīmālabhante “śamī me pāpaṃ śamayatviti”
aśmānamālabhante “aśmeva sthirobhūyāsamiti” agnim-
“agnirnaḥśarma yacchatviti” jyogityantarā gāmajamupaspṛśantaḥ
krītvā labdhvāvānyagehādekānnamalavaṇamekarātraṃ divā-
bhoktavyaṃ “trirātraṃ ca karmmoparamaṇam” krītādyaśanamupavāsā-
śaktasya . āśvalānastu “naitasyāṃ rātryāmannaṃ paceraṃstri-
rātramakṣāralavaṇāśinaḥ syurddhādaśarātraṃ cetyāha mahāguruṣu” .
aśaktau ratnākare āpastambaḥ “bhāryāḥ paramagurusaṃsthāyāṃ cā-
kālabhojanāni kūvīṃran” yadā mṛtiḥ paradine tāvatkālami-
tyarthaḥ . vṛhaspatiḥ “adhaḥśayyāsanā dīnā malinā bhogava-
rjitāḥ . akṣāralavaṇānnāḥ syuḥrlabdhakrītāśanāstathā” akṣā-
ralavaṇaśabde'kṣāralavaṇaśabdārtha uktaḥ . bhogo'bhyaṅgatāmbūlādiḥ
“tailābhyaṅgo bāndhavānāmaṅgasaṃvāhanañca yat . tena cāpyā-
yate janturyaccāśnanti svabāndhavāḥ mārka0 purā0 vākyantu a-
ntyadinaviṣayam “aśaucānte tilakalkaiḥ snātā gṛhaṃ praviśe-
yuriti viṣṇūkteḥ sapiṇḍānāmasthisañcayanādūrddhaṃbhogo'pyuktaḥ
viṣṇu0 pu0 . “śayyāsanopamogastu sapiṇḍānāmapīṣyate
asthisañcayanādūrddhaṃ saṃyogastu na yoṣitām” tilān dadata
pānīyaṃ dīpaṃ dadata jāgrataḥ . jñātibhiḥ saha bhoktavya
metat preteṣu durlabham” bhāratam! bhojanaṃ ca divaiva . divā
caiva ca bhoktavyamamāṃsaṃ manujarṣabhetyakteḥ prāguktavaijavāpokteśca .
“krītvā labdhvā vā divānnamaśnīyuḥ” pāraskarokteśca aśaucamadhye
yatnena bhojayecca svagotrajān” ādi purā0 jñātibhiḥ
saha bhojanañca tṛtīyādidinaparam . prathame'hni tṛtīye
ca saptame daśame tathā . jñātibhiḥ saha bhoktavyamiti” marī-
cyukteḥ . “māṃsāśanaṃ ca nāśnīyuḥ śayīraṃśca pṛthak kṣitau”
manuḥ . lavaṇakṣīramāṃṣānnāpūpamāṃsāni pāyasam . varjjaye-
dāhatānneṣubālavṛddhāturairvinā” devajānīyakāri0 “matsya
māsāni na bhakṣayeyurā pradānāt” gauta0 “aghasrastare trya-
hamanaśnanta āsīran” vasiṣṭhaḥ aśauce pīṭhādiniṣedhāt
avakāle upaveśārthaṃ kaṭamrastaraḥ kāryyaḥ “pāṇiṣu mṛṇmayeṣu
parṇṇapuṭeṣu vā 'śnīran” hārītaḥ . “upavāso gurau prete
patnyāḥ putrasya caivahi” marīciḥ . antyadine viśeṣaḥ “yasya
yasya tu varṇṇasya yadyat syāt paścimaṃ tvahaḥ . sa tatra gṛha-
śuddhiṃ ca vastraśuddhiṃ karotyapi . grāmādbahistatogatvā
pretaspṛṣṭe tu vāsasī . antyānāmāśritānāñca tyaktvā snānaṃ
karotyatha” brāhmam atra tilakalkādisnānaṃ prāguktam
aśocāheṣu sarvvadineṣu varjjanīyadharmmakṛtyamāha śaṅkhaḥ “dānaṃ
grahohomaḥ svādhyāyaḥ pitṛkarma ca . pretapiṇḍakriyā
varjjamaśauce vinivarttate” atra viśeṣomitākṣarāyām
“aśucitvena sakalaśrautasmārttakarmmādhikāranivṛttau prasa-
ktāyāṃ keṣucidabhyanujñānārya māha . “vaitānaupāsanāḥ kā-
ryāḥ kriyāśca śruticodanāt” yā0 . vitāno'gnīnāṃ vistā-
raḥ tatra bhavāvaitānā stenāgnisādhyāḥ agnihotradarśapūrṇa
māsyādyāḥ kriyā ucyante . pratidinamupāsyata ityupāsano
gṛhyo'gnistatrabhavāḥ aupāsanāḥ sāyamprātarhomakriyā u-
cyante . tā vaitānopāsanā vaidikyaḥ kriyāḥ kāryāḥ kathaṃ
vaidikatvamiti cet śruticodanāt . tathāhi . “yāvajjīva
magnihotrañjahuyāt” ityādi śrutibhiragnihotrādīnāṃ co-
danā spaṣṭaiva . tathā “aharahaḥ svāhāṃ kuryādannā'bhāve kena-
cidā kāṣṭāditi” śrutyaupāsanahomo'pi codyate . atra
ca śrautatvaviśeṣaṇopādānāt smārttakriyāṇāṃ dānādī
nāmananuṣṭhānaṅgamyate . ataeva vaiyāghrapādenoktam . “smārtta
karmmaparityāgo rāhoranyatra sūtake . śraute karmmaṇi ta-
tkālaṃ snātaḥ śuḍvimavāpnuyāditi” . śrotānāñca kāryatvā-
bhidhānānnityanaimittikānāṃ karaṇam . yayāha paiṭhīnasiḥ .
“nityāni nivartteranvaitānavarjjaṃ śālāgnau caika” iti .
nityāni nivartteran ityaviśeṣeṇābaśyakānāṃ nityanaimi-
ttikānānnivṛttau prasaktāyāṃ vaitānavarjamityagnitrayasā-
dhyāvaśyakānāmparyudāsaḥ . śālāgnau caika iti gṛhyāgnau
bhavānāmapyāvaśyakānāṃ pākṣikaḥ paryyudāsa uktaḥ . ataste-
ṣvaśaucaṃ nāstyeva . kāmyānāṃ punaḥśaucābhāvādananuṣṭhānam .
manunāpyanenaivābhiprāyeṇoktam . “pratyūhennāgniṣu kriyā” i-
ti . agniṣu kriyā na pratyūhedityanagnisādhyārnāmpañcama-
hāyajñādīnānnivṛttiḥ . ata eva saṃvarttaḥ . “homantatra
prakurvvīta śuṣkānnena phalena vā . pañcayajñavidhānantu na
kuryyān mṛtyujanmanoriti” . vaiśvadevasya agnisādhyatve'pi
vacanānnivṛttiḥ “viprodaśāhamāsīta vaiśvadevavivarjjita” iti
tenaivoktatvāt . “sūtake karmaṇāntyāgaḥ sandhyādīnāṃ vidhī-
yata “itiyadyapi sandhyāyānivṛttiḥ śrūyate tathāpyañjaliprakṣe
pādikaṅkāryyam . “sūtake sāvitryā cāñjalimprakṣipya pradakṣiṇaṃ
kṛtvā sūryyaṃ dhyāyannamaskuryāditi” paiṭhinasismaraṇāt . yadya-
pi vaitānaupāsanāḥkāryyā iti sāmānyenoktaṃ tathāpyanye-
na kārayitavyam . “anya etāni kuryuriti” paiṭhīnasismara-
ṇāt . vṛhaspatināpyuktam . “sūtake mṛtake caiva aśaktau śrā-
ddhabhojane . pravāsādininitteṣu hāvayenna tu hāpayet” iti .
tathā smārttatve'pi piṇḍapitṛyajñaśrāvaṇīkarmmāśvayujyādikaśca
nityohomaḥkāryya eva . “sūtake tu samutpanne smārttaṅkarmma-
kathambhavet! . piṇḍayajñaṃ caruṃ homamasagotreṇa kāraye-
diti” jātūkarṇyasmaraṇāt . yadyapi sāṅge karmaṇyakarttṛtva-
ntathāpi svadravyatyāgātmakampradhānaṃ svayaṅkuryyāt tasyā-
nanyaniṣpādyatvāt . ataevoktam . “śraute karmaṇi tatkālaṃ
snātaḥ śuddhimavāpnuyāditi” . yatpunaḥ “dānampratigrahohomaḥ
svādhyāyaśca nivarttata” iti homapratiṣedhaḥ . sa kāmyābhi-
prāyo vaiśvadevābhiprāyo vā vyavasthāpanīyaḥ” ityarntana .
saṃdhyādī nāmapyapavādamāhāparārkepulastyaḥ “saṃdhyāmiṣṭiṃ caruṃ
homaṃ yāvajjīvaṃ samācaret . na tyajet sūtake vāpi tyajan
gacchedadhodvijaḥ . sūtake mṛtake caiva saṃdhyākarmmasamācaret .
manasoccārayenmantrān prāṇāyāmamṛte dvijaḥ” 1 yattucandrikā-
yāṃ jāvālaḥ “sandhyāṃ pañca mahāyajñānnaityikaṃ smṛtikarmma ca .
tanmadhye hāpayetteṣāṃ daśāhānte punaḥ kriyeti” yacca saṃvartaḥ
“sūtake karmmaṇāṃ tyāgaḥ sandhyādīnāṃ vidhīyateḥ” yacca viṣṇu0
purā0 “sarvakālamupāsā tu sandhyayoḥ pārthiveṣyate . anyatra
sūtakāśaucavibhramāturabhītitaḥ” iti tat saṃpūrṇasandhyāparam
“arghyāntā mānasī sandhyā kuśavārivivarjiteti” śuddhidīpe
cyavanokteḥ paiṭhīnasistvatra mantroccāraṇamapyāha “sūtake sāvi-
tryāñjaliṃprakṣipya sūryyaṃdhyāyannamaskuryyāt” prayogaparijāte
bharadvājopi “sūtake mṛtake kuryyāt prāṇāyāmamamantrakam . ta-
thā mārjanamantrāṃstu manasoccāryyamārjayet . gāyatrīṃ samyagu-
ccāryyasūryāyārghyaṃ nivedayet . mārjanaṃ tu na vā kāryyamupasthānaṃ
na caivahi” evaṃ mitākṣarāparijātādau aśauce sandhyā-
karaṇabhedasyokteḥ gauḍānāṃ tadanācaraṇamanācāra eva tasya
śrautatvena smṛtyā bādhānucitatvāditi draṣṭavyam .
“grahaṇādāvapyaśaucāpavādamāha vyāghraḥ “smārtakarmapari-
tyāgo rāhoranyatra sūtake iti” laiṅge “sūtake mṛtake
caiva na doṣo rāhudarśane . tāvadeva bhavecchuddhviryāvanmukti rna
dṛśyate” prayogapārijāte “vṛhaspatiḥ “kanyāvivāhasaṃkrāntau
sūtakaṃ na kadācana” . mahāgurunipātavarṣamadhye karmmaviśeṣe'-
śaucam . “snānaṃ caiva mahādānaṃ svādhyāyaṃ cāgnitarpaṇam .
prathamāvde na kurvvīta mahāgurunipātane” hemā0 smṛtiḥ .
mahāguravaśca mātā pitā bharttā ca atiguruśabdeuktāḥ . “pramī-
tau pitarau yasya dehastasyāśucirbhavet . nāpi daivaṃ na vā paitraṃ yā-
vat pūrṇṇo na vatsaraḥ” devī pu0 agnitarpaṇaṃ lakṣahomādi, na
tvādhānaṃ tasya prathamābde'pi vidhānāt yathā “pituḥ sapiṇḍī
karaṇaṃ vārṣikaṃ mṛtavāsare . ādhānādyupasaṃprāptāvetat
prāgapi vatsarāt” hemā0 uśa0 . agnitarpaṇamityatra a-
nyatarpaṇamiti śuddhitattve pāṭhaḥ . ādhānādītyādipadena ā-
vaśyaka vṛddhinimittanityakarmmaṇorgrahaṇam . śrāddhakaumudyāṃ devī
pu0 “mahātīrthasya gamanamupavāsavratāni ca . saṃsatsare na kuvvīṃta
mahāgurunipātane” etadekavākyatayā prāguktavacane snānapadaṃ
kāmyatīrthādisnānaparam mahādānasāhacaryyāt snādhyāyapada
mapi kāmyavedapārāyaṇaparam “tathaiva kāmyaṃ yat karmma vat-
sarāt prathamādṛte” laghuhā0 vacanaikavākyatvāt “mahāguru
nipāte tu kāmyaṃ kiñcit na cācaret . ārttvijyaṃ
brahmacaryyaṃ ca śrāddhaṃ daivayutañca yat” kāli0 pu0 “sapiṇḍī
kāraṇādūrddhaṃ pretaḥ pārvaṇabhugbhavet . vṛddhīṣṭāpūrttayogyaśca gṛ-
hasthaśca sadā bhavet” matsya pu0 . vṛddhītyanena vṛddhinimittaka
sapiṇḍanābhāve nādhikārītyarthaḥ gṛhasthaśca sadā bhavedityanena
gṛhasthocitanityapañcayajñeṣvadhikāraḥ . ataeva pitṛmaraṇā-
śaucottarameva vaiśvadevaśrāddhaṃ vihitam . evaṃ vṛddhiśrāddhābhāve
varṣaparyyantaṃ tattatkarmmaṇyaśaucamiti sthite “preta karmmāṇya-
nivarttya carennābhyudayakriyām . ācaturthaṃ tataḥ puṃsi pañcame
śubhadaṃ bhavediti” jyotiṣavākyaṃ śubhadamityuktyā śuddhyarthaca-
turthābdakarttavyaśrāddhottaraṃ prāśastyamātraparameva . etaccāśaucaṃ
varṣamadhye āvaśyakavṛddhyarthasapiṇḍanābhāvaeva . “arvāk saṃvat-
sarāt vṛddhau pūrṇṇe saṃvatsare'pi vā” ityādi smṛtyanusāreṇa
āvaśyakavṛddhinimittasapiṇḍāpakarṣe tu kāmyādikarmakaraṇa-
yogyatā . atra viśeṣamāha laugākṣiḥ . “anyeṣāṃ pretakarmmāṇi
mahāgurunipātane . kuryyāt saṃvatsarādarvāk śrāddhamekaṃ tu va-
rjayet” pretakarmma dāhādyekādaśāhāntaṃ tatrāśaucāntarasyā
pratibandhakatvāt “ādyaṃ śrāddhamaśuddho'pi kuryyādekādaśe'ha
nīti nirṇṇa0 si0 dhṛtasmṛteḥ . tena ekaṃ sapiṇḍanaṃ vārṣi-
kādi ca . evaṃ devī0 pu0 vacane'pi baitrapadaṃ pārvaṇasapiṇḍana-
vārṣikaparam . atrāpavādaḥ mādhavīye ṛṣya0 “patnyāḥ putrasya
tatputrabhrātrostattanayeṣu ca . snuṣāsvasrośca pitrośca saṃghātamaraṇaṃ
yadi . arvāgavdānmātṛpitṛpūrvvaṃ sapiṇḍamācaret” laugā0
“patnīputrastathā pautro bhrātā tatputrakāapi . pitarau ca
yadekasmin mriyeran vāsare tadā . ādyamekādaśe kuryyāt
tripakṣe tu sapiṇḍanam” idam ekadinamaraṇaviṣayameva
“mahāgurunipāte tu pretakāryyaṃ yathāvidhi . kuryyāt saṃvat
sarādarvvāgekoddiṣṭaṃ na pārvaṇam” iti dhavalanibandha-
vākyāt . “mātā caiva tathā bhrātā bhāryyā putrastathā snuṣā .
eṣāṃ mṛtau carecchrāddhamanyasya na punaḥ pituḥ” iti bhṛguvacanaṃ
bhinnadinamaraṇe'pi piturmṛtāvanyasya sapiṇḍanaṃ na kāryyameṣā-
meva kāryyamityetatparamiti ni0 si0 . “pitaryyuparate putro-
mātuḥ śrāddhānnirvattate . mātaryyapi ca vṛttāyāṃ pitṛśrāddhā-
dṛte samām” mādha0 vṛha0 vacanantu vārṣikaśrāddhaparam
mātuḥ ṛte ityākarṣaḥ mātaraṃ pitaraṃ ca vinā anyasya-
śrāddhāt vārṣikaśrāddhāt samāṃ vyāpya nivarttate ityarthaḥ .
“anyaśrāddhaṃ parānnañca gandhamālyañca maithunam . varjjayedguru-
pāte tu yāvat pūrṇṇo na vatsaraḥ” devalavacane anyapadaṃ
bhṛguvacanoktamātrādibhinnaparam . annapadañca svinnānnaparaṃ “bhi-
pso'strī bhaktamandho'nnamityamarokteḥ “svinnamannamudāhṛtam”
ityukteśca na tu parasvāmikāmānnamātraparamannaśabdena rūdyā
paribhāṣayā ca siddhānnasyaiva jhaṭityupasthāpakatvāt
āmānnasya lakṣyārthatayā vilambenopasthiteśca . evame-
vācāraḥ “viśeṣataḥ śivāpūjāṃ pramītapitṛko
naraḥ . yāvat vatsaraparyyantaṃ manasā'pi na cintayet”
kālikāpu0 vākyaṃ vārṣikadurgāpūjāviṣayaṃ nityapūjāyāḥ
karttavyatāyāḥ daśāhamadhye'pi prāgukteḥ . “dvayoreva
mahāgurvvoravdamekamaśaucakam . nānyeṣāmadhikāśaucaṃ sva-
jātivihitāt kileti” śrāddhakau0 dhṛtajātū0 vacanaṃ tu puru-
ṣaviṣayam . strīṇāṃ bhartturmahāgurutāyāḥ sarvvasammatatvena
tanmaraṇe adhikāśaucasyocitatvāt ataeva “mahāguruvipa-
ttiṣu ityādinā sāmānyato bahuvacanamupāttam . “gayāśrāddhaṃ
mṛtānāṃ tu pūrṇṇe tvavde praśasyate” hemā0 bhavi0 pu0 . tīrtha-
śrāddhaṃ gayāśrāddham śrāddhamanyacca paitṛkam . avdamadhye
na kurvīta mahāguruvipattiṣu tristha0 garu0 pu0 .
idaṃ vṛddhyarthasapiṇḍanābhāve . vṛddhau sapiṇḍanāpakarṣe tu
varṣamadhye'pi darśādikaṃ kāryyameva “pituḥ sapiṇḍanaṃ kṛtvā
kuryyānmāsānumāsikam” chandogapa0 vacanāt “sapiṇḍī-
karaṇādūrddhvaṃ naraḥ pārvvaṇabhugbhavet” mātsyāt “tataḥ
prabhṛti vai pretaḥ pitṛsāmānyamaśnute . vindate pitṛlokaṃ
ca tataḥ śrāddhaṃ pravarttate” iti hārītavacanācceti śūla
pāṇiḥ . “udvāhaścopanayanaṃ prathame'vde mahīpate! .
kṛte sapiṇḍane'pyūrddhvamasthnāṃ coddharaṇaṃ tyajet . tathāpi
karttumicchanti trīṇiṃ caitāni vai sutāḥ . māsikānya
vaśiṣṭāni cāpakṛṣya caret punaḥ” brahma vai0 pu0 . atredaṃ
bodhyaṃ vṛddhiṃ vinā kuladharmmaikaputratvādivaśataḥ varṣamadhye
sapiṇḍanāpakarṣe'pi pitṛtvaprāptirvarṣāntaeva “kṛte
sapiṇḍīkaraṇe naraḥ saṃvatsarāt param . pretadehaṃ pari-
tyajya bhogadehaṃ prapadyate” viṣṇu dha0 ukteḥ “arvāk saṃvat-
sādyasya sapiṇḍīkaraṇaṃ bhavet . pretatvamapi tasyāpi vijñeyaṃ
vatsaraṃ nṛpa!” ityagnipu0 ukteśca . tena etadviṣaye mahāgurūṇāṃ
pretatvasattvena vivāhopanayanādau daivapaitreṣu ca nādhikāraḥ
vṛddhinimitte sapiṇḍane saṃvatramaprāpyāpi pretatvavimu-
ktistena sarvvatrādhikāraḥ . “arvāk saṃvatsarādvṛddhau pūrṇṇe
saṃvatsare'pivā . ye sapiṇḍīkṛtāḥ pretā na teṣāṃ ca
pṛthakkriyā” śātā0 vākye pūrṇṇavatsarasyeva vṛddhyārambha
kālasyāpi pretatvavimocanahetutvokteḥ tathātvam . yataḥ
sapiṇḍīkatā ato na pretāḥ pretapadapratipādyā vimukta
pretabhāvā ityarthaḥ . tatra viśeṣaḥ . “asthikṣepaṃ gayāśrāddhaṃ śrāddhaṃ
cāparapākṣikam . prathame'vde'pi kurvīta yadi syādbhaktimān
sutaḥ” madanapārijātadhṛtavacanam . “bhaktimān bhaktyākhya-
śrāddhakārīti madanapārijātādayaḥ . “bhaktiśrāddhaṃ tu tristhalī-
setau uktam tacca gayāśrāddhādipaddhatau asmābhirdarśitaṃ tata-
evāvagamyam . evaṃ kṣatāśaucamapi karmma viśeṣānarhatvaprayo-
jakam . vivaraṇaṃ kṣatāśaucaśabde” grahaṇe'śaucaṃ grahaṇa-
śabde vakṣyate . rajasvalāśaucantu aśuddhiśabde uktaprāyam .
“apāṭavādyaśaucādyairyadi vighnaṃ prajāyate . tadaśauce vya-
tīte tu teṣāṃ śrāddhaṃ vidhīyate” tithi0 ta0 smṛtiḥ .

aśauca See Āśauca.