aśarīratva
Vācaspatyam
☞
p. 475, col. 1.
aśarīratva na0 aśarīrasya bhāvaḥ tva . 1 śarīrasambandharāhitye
2 mokṣe ca . yathā mokṣasyāśarīratvaṃ tathoktaṃ śā0 bhā0 .
“aśarīraṃ vāva santaṃ priyāpriye na spṛśataḥ” iti priyāpriya
sparśanapratiṣedhāccodanālakṣaṇadharmmakāryyatvaṃ mokṣākhyasyā-
śarīratvasya pratiṣidhyata iti gamyate . dharmakāryyatve hi
priyāpriyasparśanapratiṣedhonopapadyate . aśarīratvameva gharma-
kāryyamiti cet tasya svābhāvikatvāt . “aśarīraṃ
śarīreṣu anavavastheṣvavasthitam . mahāntaṃ vibhumātmānaṃ
matvā dhīro na śocati” “aprāṇohyamanāḥ śubhraḥ asa-
ṅgohyaṣaṃ puruṣa” ityādi śrutibhyaḥ . ataevānuṣṭheyaphala
vilakṣaṇaṃ mokṣākhyamaśarīratvaṃ nityamiti siddham” .
ayaṃ bhāvaḥ abhāvasyādhikaraṇānatirekeṇa śarīrasambandhā-
bhāvasya brahmarūpatayā mokṣasya tadabhinnatayā ca tathātvam iti .