āyuṣyasūktaṃ
Śabdakalpadruma
☞
vol. 1,
p. 187.
āyuṣyasūktaṃ , klī, (āyuṣyañca tatsūktañceti . karmma-
dhārayaḥ .) nāndīśrāddhādau vasudhārāsampātanāna-
ntarapāṭhyo vaidikamantraviśeṣaḥ .
sāmagānāṃ tanmantro yathā, —
om̐ āyurviśvāyurviśvaṃ viśvamāyurasimahi . prajā-
ntvaṣṭaradhinidhehyasmai śataṃ jīvema śarado vayante .
āyuṣe me pavasva varccase me pavasva viduḥ pṛthivyā
divo janitryā śṛṇvantvāpodhaḥkṣarantī somo
hodgāya mamāyuṣe mama brahmavarccasāya yajamāna-
syarddhyā amuṣya rājyāya . amuṣya sthāne yadarthaṃ vṛddhi-
stasya ṣaṣṭyantanāma prayojyaṃ . iti raghunandanabhaṭṭā-
cāryyakṛtaśrāddhaprayogatattvaṃ .. * ..
yajurvidāṃ tanmantro yathā, —
om̐ āyuṣyaṃ varccasyaṃ rāyaṣpoṣamaudbhidaṃ idaṃ hiraṇyaṃ
varccasva jetrāyāviśatādumāṃ . na tadrakṣāṃ¤si na
piśācāstaranti vedānāmojaḥ prathamajaṃ¤ hyetat .
yo bibhartti dākṣāyaṇyaṃ¤ hiraṇyaṃ¤ sahadeveṣu
kṛṇute dīrghamāyuḥ samanuṣyeṣu kṛṇute dīrghamāyuḥ .
yadā badhrāndākṣāyaṇāṃ¤ hiraṇyaṃ¤ śatānīkāya
sumanasyamānāḥ . tanna āvadhrāmi śatasāradayā
yuṣmāñjaradaṣṭiryathāsaṃ” . iti tatkṛtayajurvvedīya-
śrāddhaprayogatattvaṃ ..