ārjjuni
See also
ārjuni,
ārjuniḥ.
Vācaspatyam
☞
p. 807, col. 1.
ārjjuni pu0 arjjunasyāpatyaṃ bāhvā0 iñ . arjjunāpatye
abhimanyau . tadutpattikathā “tataḥ subhadrā saubhadraṃ keśavasya
priyā svasā . jayantamiva paulomī khyātimantamajījanat .
dīrghabāhuṃ mahoraskaṃ vṛṣabhākṣamarindamam . subhadrā suṣuve
bīramabhimanyuṃ nararṣabham . abhīśca manyumāṃścaiva tatastamari-
marddanam . abhimanyumiti prāhurārjjuniṃ puruṣarṣabham” bhā0
ā0 pa0 221 a0 . sa ca varconāmasomaputrasyāvatāraḥ
yathoktaṃ bhā0 ā0 67 a0 . “yastu varccā iti khyātaḥ
somaputraḥ pratāpavān . so'bhimanyurvṛhatkīrttirarjjunasya
suto'bhavat . yasyāvataraṇerājan! surān somo'bravīdidam .
nāhaṃ dadyāmpriyaṃ putraṃ mama prāṇairgarīyasam . samayaḥ kriyatā
meṣa na śakyamativarttitum . surakāryyaṃ hi naḥ kāryyamasu-
rāṇāṃ kṣitau badhaḥ . tatra yāsyatyayaṃ varccā na ca sthāsyati
vai ciram . aindrirnnarastu bhavitā yasya nārāyaṇaḥ sakhā .
so'rjjunetyabhivikhyāto pāṇḍoḥ puttraḥ pratāpavān .
tasyāyaṃ bhavitā putro bālobhuvi mahārathaḥ . tataḥ ṣoḍaśa-
varṣāṇi sthāsyatyamarasattamāḥ! . asya ṣoḍaśavarṣasya sa saṃgrāmo
bhaviṣyati . yatrāṃśā vaḥ kariṣyanti karma vīranisūdanam .
naranārāyaṇābhyāṃ tu sa saṃgrāmo vinā kṛtaḥ . cakravyūhaṃ
samāsthāya yodhayiṣyanti vaḥ surāḥ! . vimukhāñchātravān
sarvān kārayiṣyati me sutaḥ . bālaḥ praviśya ca vyūhamabhedyaṃ
vicariṣyati . mahārathānāṃ vīrāṇāṃ kadanañca kariṣyati .
sarvveṣāmeva śatrūṇāṃ caturthāṃśaṃ nayiṣyati . dinārddhena mahā-
bāhuḥ pretarājapuraṃ prati . tato mahārathairvvīraiḥ sametya
bahuśoraṇe . dinakṣaye mahābāhurmayā bhūyaḥ sameṣyati .
ekaṃ vaṃśakaraṃ puttraṃ vīraṃ vai janayiṣyati . pranaṣṭaṃ bhārataṃ vaṃśaṃ
sa bhūyodhārayiṣyati . etat somavacaḥ śrutvā tathā'stviti
divaukasaḥ . pratyūcuḥ sahitāḥ sarvve tārādhipamapūjayan .
evaṃ te kathitaṃ rājaṃstava janma pituḥ pituḥ” abhimanyu-
śabde'sya yuddhacaryyā 295 pṛṣṭhe uktā .