ākāśadīpaḥ
See also
ākāśadīpa.
Śabdakalpadruma
☞
vol. 1,
p. 163.
ākāśadīpaḥ , puṃ, (ākāśe dīyamāno dīpaḥ .)
kārttikamāse bhagavaduddeśena nabhasi dattapradīpaḥ .
yathā . kārttike ākāśadīpa ukto nirṇayāmṛte
puṣkarapurāṇe .
“tulāyāṃ tilatailena sāyaṃkāle samāgate .
ākāśadīpaṃ yo dadyāt māsamekaṃ hariṃ prati ..
mahatīṃ śriyamāpnoti rūpasaubhāgyasampadam” . iti
tadvidhiśca hemādrau ādipurāṇe .
“divākare'stācalamaulibhūte
gṛhādadūre puruṣapramāṇaṃ .
yūpākṛtiṃ yajñiyavṛkṣadāru-
māropya bhūmāvatha tasya mūrddhni ..
yavāṅgulacchidrayutāstu madhye
dvihastadīrghā atha paṭṭikāstu .
kṛtvā catasro'ṣṭadalākṛtīstu
yāmirbhavedaṣṭadiśānusārī ..
tatkarṇikāyāntu mahāprakāśo
dīpaḥ pradeyo dalagāstathāṣṭau .
nivedya dharmmāya harāya bhūmyai
dāmodarāyāpyatha dharmmarājñe ..
prajāpatibhyastvatha satpṛtṛbhyaḥ
pretebhya evātha tamaḥsthitebhyaḥ” . iti .
aparārke tvanyo mantro yathā, —
“dāmodarāya nabhasi tulāyāṃ lolayā saha .
pradīpaṃ te prayacchāmi namo'nantāya vedhase” ..
iti nirṇayasindhau 2 paricchede kārttikamāhātmyaṃ ..